Биз билан боғланинг:

   

Бизга қӯшилинглар

ХАБАРЛАР

МАОРИФ

Муаллиф: Super user Категория: МАОРИФ
Чоп этилган 28 Май 2015 Кӯришлар: 835
Печат

 

mutolaaБугун аксарият ота-оналар фарзандларининг китоб ўқишга ҳаваслари йўқлиги, ҳатто, мактабдан берилган уй вазифаларини ҳам мажбурласаларгина тайёрлашларини айтиб, бунда ўқитувчиларни айблашади. Гўё ўқитувчилар ўқувчида илм олишга қизиқиш, китобга нисбатан ҳавас уйғота олишмаяпти. Аммо билим ва мутолаага бўлган эҳтиёж бола мактабга боргунга қадар оилада вужудга келтирилишини хаёлларига ҳам келтиришмайди.

Мутолаага қизиқиш ота-оналар томонидан уйғотилганида, болаларнинг таълим-тарбияси самаралироқ бўлишини, ҳатто, ўйлаб ҳам кўрмайдилар.

Бола туғилганидан ҳар нарсага қизиқа бошлайди. Унинг қизиқишлари қаторида китоб ёки мутолаанинг ҳам бўлиши ота-оналарга боғлиқдир. 

Бундан ташқари, болага китоб ўқиб бериш ота-онани фарзандига яқинлаштириб, муносабатларини мустаҳкамлайди. Болада ота-онага нисбатан ҳурмат уйғотади. Боланинг назарида ота-онаси ҳамма нарсани билувчи, ақлли инсон сифатида гавдаланади. (Агар ота-она боласида мутолаага нисбатан ҳавас уйғотса, китоб ўқишдан завқланишни ўргата олса, чиндан ҳам ҳурмату эҳтиромга лойиқдир!). 

Болалигимда бувим ҳар куни уйқуга ётишдан аввал, эртак айтиб берардилар. Эсимда, ўша пайтларда негадир онам овқатга шолғом, сабзи ва яна айрим сабзавотларни солсалар емасдим. Аммо бир куни бувим эртакларининг бирида шундай воқеани сўзлаб берганлари эсимда:

-«Маликанинг кўзлари кўр бўла бошлабди. Подшоҳ мамлакатнинг барча табибларига қизининг бу касаллиги сабаби ва давосини топишга амр этибди. Табиблар роса изланишибди, лекин шифо топа олишмабди. Мамлакатнинг олис тоғларидан бирида ўсимликлар, мевалар ва сабзавотларни қуритиб дори-дармонлар тайёрлайдиган кекса табиб яшар экан. Подшонинг буйруғи билан табибни келтиришибди. Шунда у маликани кўриб, шоҳга дебди:

-Шоҳим, маликамиз шолғом, сабзи каби сабзавотлар, кўкатларни емай қўйганлар. Шу сабабли, айнан, шу егуликларда бўладиган дармондориларнинг етишмаслиги у кишида хасталикни келтириб чиқарган. Агар маликамиз жисман ва ақлан баркамолу гўзал бўлишни истасалар, Яратган инъом этган бу неъматлардан тановул қиладилар ва албатта, тез орада тузалиб кетадилар.

Бу гапни эшитган малика қувониб кетибди ва дебди:

-Касаллигимнинг давоси жуда осон экан-ку. Кўзларим равшан бўлиши учун шу масаллиқларни ейишим зарур бўлса, албатта, ейман,- дебди.

Малика чиндан ҳам тезда соғайиб, юртни бошқариш ишларида отасига ёрдамлаша бошлабди».

…Шундан сўнг, оз-оз бўлса-да, шу сабзавотларни ея бошлаганимни эслайман. Кейинчалик бувим эртакнинг шу жойини ўзлари атай тўқиб айтганларини билиб олдим. Ва албатта, бу усулдан  болаларим тарбиясида неча марта фойдаландим. Фарзандимда учрайдиган қусур ёки ноўрин хислатни йўқотиш учун ҳикоялар, афсоналар айтиб бериш жараёнида қаҳрамонларга зарар келтирадиган ҳолатларда бувимнинг усулидан фойдаланаман.

Оилада, аввало, она болаларининг юриш-туришини мунтазам кузатиб бориши ва ўта ҳушёрлик билан унинг тўғри вояга етишига замин яратиши лозимдир. Бироқ, афсуски, бугун анқонинг уруғига айланиб улгурган китоб дўконларидан болаларга мўлжалланган афсона ва ҳикоя китобларини топиш, чўлда игна қидириш билан баравар бўлиб қолди.

Китоб ўқиб бериш жараёнида боланинг дунёқараши кенгаяди, табиати юмшоқ, ўзига нисбатан ишончли, билим олишга ҳавас қиладиган бўлади. Боланинг тасаввур ва тафаккур дунёси бойийди. Китоб ўқиш инсоннинг жисму жонига бирдек самарали наф келтиради. Шундай экан, келинг, азизлар, болаларимизда китобга нисбатан ҳавас ва ҳурмат уйғотайлик.

 

Азиза Жўраева, ўқитувчи,

Спитамен ноҳияси.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

УЛ ГАВҲАРИ ЯКТОДУР…

 

Ўзбек ва тожик халқларининг дўстлиги узоқ тарихий илдизларга бориб тақалади. Бу икки қондош, жондош бўлган халқ бир дарёдан сув ичиб, бир ҳудудда яшаб, бир қориндан тушган оға-инилардек эт билан тирноқ бўлиб кетишган. Бу икки қадимий халқнинг урф-одатлари, расм-русумлари, миллий анъаналари шундай умумлашиб кетганки, уни асло фарқлаб бўлмайди. Мирзо Турсунзоданинг қадрдон дўсти академик шоир Ғафур Ғулом бу икки ажойиб

Муфассал...

Маориф ва илм соҳасига жиддий эътибор

 

Левакант шаҳри раиси Санавбар Самизода давлат ҳокимияти Левакант шаҳри ижроия органи масъуллари ҳамда шаҳар умумтаълим муассасалари раҳбарлари билан учрашув ўтказди. Шаҳар раиси соҳада кўзга ташланадиган камчиликлар юзасидан йиғилиш қатнашчилари билан юзма-юз суҳбатлашди.

Мажлисда ўқувчиларнинг дарсларда тўлиқ қатнашиши, уларнинг билими даражасини юксалтириш, ягона мактаб либоси талабларига риоя этиш, таълим

Муфассал...

СТАТИСТИКА

Сайтга кирганлар
1
Мақолалар
787
Мақолаларни кӯрганлар сони
469414

ӮҚУВЧИЛАР СОНИ

2229374
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
931
2288
9417
2208014
36366
46701
2229374

Сизнинг IPнгиз: 34.204.179.0
Бугун: 23-08-2019 10:15:57

ҲАМКОРЛАР

 

 

   

2015