Биз билан боғланинг:

   

Бизга қӯшилинглар

ХАБАРЛАР

МАОРИФ

Муаллиф: Super user Категория: МАОРИФ
Чоп этилган 25 Апрел 2015 Кӯришлар: 1032
Печат

 

oila mustahkamligi.jpegОила – жамиятнинг мустаҳкам негизидир…

Оила инсон ҳаётига тўкислик бағишлайди, унга бахт келтиради, лекин ҳар бир оила, айниқса, фуқаролик жамиятидаги оила, энг аввало, давлат аҳамиятига эга, унинг назорати ва ғамхўрлиги остида бўлмоғи керак.

Қурилаётган ёш оилаларнинг ҳар жиҳатдан мустаҳкам бўлиши жамият келажагининг маънавий, ижтимоий-иқтисодий мукаммаллигини таъминлайди.

Шунинг учун ҳам Тожикистон Республикаси Ҳукумати ҳамда Президенти томонидан олиб борилаётган ижтимоий сиёсат асосида 2015 йилни-«Оила йили» деб эълон қилиниши замирида ҳам оилага нисбатан ўзига хос ва махсус эътибор борлиги ҳеч кимга сир эмас.

Тожикистон Республикаси Президенти, муҳтарам Эмомали Раҳмоннинг мамлакат Олий Мажлисига йўллаган Паёмида, айниқса, бу нарса янада ёрқинроқ кўзга ташланади.

Давлатимиз сарвари ўз чиқишида оилаларга кўрсатилиши лозим бўлган ғамхўрликлар кўлами, оилаларнинг турмуш даражасини яхшилаш, улардаги камбағаллик сатҳини пасайтириш, маънавий савияни ошириш ҳақида алоҳида урғу бериб гапирди.

Жорий, 2015 йилнинг «Оила йили» деб эълон қилинганлиги Тожикистонда оилага муносабат давлат сиёсатидаги етакчи масалалардан бири эканлигининг далилидир.

Президентимиз ўз Паёмида оиладорлик муаммоларини атрофлича таҳлил қилиб, уларни бартараф этиш борасида ҳам доно маслаҳат ва кўрсатмалар берди.

Янги бунёд этилаётган оилаларнинг арзимас сабаблар билан бузилиб кетаётганлиги, фарзанд тарбиясига қаратилган диққат-эътиборнинг сусайганлиги давлат бошлиғининг эътирозларига сабаб бўлди.

Оиладорликнинг юқорида қайд этилган иллатлари туфайли кўплаб гўдаклар етим қолмоқда, айрим ёшлар бузғунчи-террорчи ва экстремистик гуруҳларга қўшилиб кетишмоқда.

Оиладорлик масаласида Президентимиз олиб бораётган сиёсатни қўллаб-қувватлаган ҳолда шуни айтмоқчиманки, умумтаълим муассасалари ўқув дастурларида оиладорлик тарбиясига бағишланган дарс соатларини қайта тиклаш, тарбия жараёнининг сифат ва самарадорлигини оширишга хизмат қиладиган янги, замонавий усулларини ҳаётга татбиқ этиш даврнинг долзарб талабларидан бирига айланди.

Ёшлар онгига оиладорликнинг том маънодаги тушунчасини сингдириш, оила қуришда қариндош-уруғчиликка асосланмаслик мақсадларига йўналтирилган тарбиявий соатлар ҳамда синфдан ташқари ишлар ҳажмини кенгайтириш фурсати етган кўринади.

Амалга ошириладиган таълим-тарбия жараёнларига никоҳни қайдга олиш ва диний идоралар ходимларини таклиф қилиш, ёшларнинг оила бунёд қилиш билан боғлиқ саволларига улардан жонли жавоб олишнинг ҳам зарарли томони бўлмайди.

Ахлоқ-одоб дарси саналган адабиёт таҳсили жараёнлари оиладорлик тарбияси билан узвий боғлиқ тарзда олиб борилса, дарсларда амалиётга эътибор кучайтирилса, яъни намунали оилалар бошлиқлари ва аъзолари таклиф этилса, улар билан малакаю тажрибалари юзасидан мазмунли суҳбатлар ўтказилса, фойдадан холи бўлмайди…

Донолар таъбири билан айтганда, оила табиатнинг шоҳ асарларидан биридир. Ана шу шоҳ асарнинг мазмундорлиги ҳамда таъсир кучини ошириш биз маориф ва илм ходимларининг зиммасига даврнинг энг масъул вазифаларини юклайди…

 

Гулчеҳра ОТАБОЕВА, Шаҳринав ноҳиясидаги

8-ўрта умумтаълим муассасасининг ўзбек тили ва адабиёти фанлари ўқитувчиси.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Чегаралар очиқ… Чеҳралар очиқ…

 

Панжакентдан Самарқандга ўтиш йўли. Чегаранинг у томонида ҳам, бу томонида ҳам ўтувчиларнинг ҳисоби йўқ. Чегарачилар уларни очиқ чеҳра билан кутиб олиб, тезда ҳужжатларини тахт қилиб беришяпти. Иккала тарафда ҳам йўловчиларни ташувчи машиналар қаторлашиб турибди. Чегарачилар ҳамда божхона ходимларининг илиқ ва самимий муносабатларини кўриб, севиниб кетдим.

Муфассал...

Камтарин ва талабчан устоз

 

Ёшлик йилларидан табиб бўлишни, эл-юрт саломатлиги йўлида ҳалол хизмат қилишни кўнглига тугиб қўйган Мавжуда Исоева Хатлон вилоятидаги Колхозобод (Ж. Балхий) ноҳиясида ўрта мактабни битиргач, Абу Али ибн Сино номидаги Тожикистон Давлат тиббиёт институти (университети)га ўқишга кирди.

Олий мактабни муваффақиятли тугатгач, Конибодом шаҳрига дерматолог (тери касалликларини даволовчи врач) сифатида ишга юборилди.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
511604

ӮҚУВЧИЛАР СОНИ

2354055
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1227
3162
1227
2334650
47892
62133
2354055

Сизнинг IPнгиз: 35.175.191.168
Бугун: 21-10-2019 13:22:58

ҲАМКОРЛАР

 

 

   

2015