Биз билан боғланинг:

   

Бизга қӯшилинглар

ХАБАРЛАР

МАОРИФ

Муаллиф: Super user Категория: МАОРИФ
Чоп этилган 20 Июл 2017 Кӯришлар: 439
Печат

 

maorif va ilm 2017Тожикистон Республикаси Маориф ва илм вазирлиги ўзининг 2017 йил биринчи ярим йиллик фаолияти якунларига бағишланган матбуот анжуманини ўтказди. Унда мамлакат Маориф ва илм вазири Нуриддин Саид иштирок этиб, вазирликнинг жорий йил олти ойлик фаолияти борасида қисқача маълумот берди.

- 2017 йилнинг биринчи ярмида мамлакат ўрта умумтаълим муассасаларининг 1102 нафар ўқувчиси иштирокида республика фанлар

олимпиадаси ташкил этилди. Мазкур олимпиада натижаларига кўра, иштирокчилар орасида 205 нафар ўқувчи фахрли ўринлар (54та олтин, 54та кумуш ва 97та бронза медаллари)ни қўлга киритишди,- деди Нуриддин Саид ва сўзида давом этар экан: - Шунингдек, Халқаро олимпиада ташкилий қўмитасининг таклифлари асосида мамлакатимиз ўқувчилари тўққизта халқаро олимпиадада фаол иштирок этишиб, 81та (12та олтин, 33та кумуш ва 36та бронза) медал соҳиби бўлишди.

Матбуот анжуманида вазирлик томонидан Миллий бирлик байрамининг 20 йиллигига бағишлаб «Миллий бирлик – мустақиллик даврининг қимматли ютуғи» мавзусида республика илмий-амалий конференцияси ташкил этилганлиги, шунингдек, мамлакатимизнинг барча ўрта умумтаълим муассасаларида  шу мавзуга йўналтирилган тарбиявий соат, давра столи ва бошқа маърифий, маданий ва спорт тадбирлари уюштирилгани таъкидланди.

Ўқувчилар ўртасидаги низолар, жиноятчилик ва ҳуқуқбузарликлар, шунингдек, уларнинг турли экстремистик ҳаракатлар ва диний оқимларга қўшилиб кетишларининг олдини олиш, уларни ватанпарварлик ва миллий ифтихор руҳида тарбиялаш мақсадида мамлакат Маориф ва илм вазирлиги Тожикистон Республикаси Ички ишлар вазирлиги билан биргаликда тегишли чора-тадбирлар режасини ишлаб чиққан бўлиб, унинг ижроси қатъий назорат остига олинган. Шундай бўлса-да,  2017 йилнинг беш ойи давомида вояга етмаганлар орасида 304та жиноят содир этилган, бу эса, ўтган йилнинг шу даврига нисбатан 54 ҳолат ёки 15,0 фоизга кам демакдир. Бу йўналишдаги ишларни янада жонлантириш лозимлиги матбуот анжумани давомида яна бир марта қайд этиб ўтилди.

Юртимиздаги ўрта умумтаълим муассасаларида кадрлар етишмаслиги масаласига тўхталган вазир, бу борада республика шаҳру ноҳиялари маориф бўлимлари томонидан 2017-2018 ўқув йиллари учун 2821 нафар ўқитувчи етишмаслиги ҳақида сўров келиб тушганлиги, мазкур кўрсаткич Хатлон вилоятида 751 нафар, Суғдда 944, Душанбе шаҳрида 208 ва республика бўйсунишидаги ноҳияларда 918 нафар эканлиги айтиб ўтилди. Мазкур масала юзасидан педагогика йўналишидаги барча ўрта ва олий таълим муассасаларида ёш мутахассислар тақсимоти ўтказилиб, 2017 йилда ўқитувчилик йўналишида ўқишни тамомлаган 4425 нафар битирувчи Тожикистон Республикаси Маориф ва илм вазирлиги тавсияси асосида ўрта умумтаълим муассасаларига юборилган. Шундан 3324 нафари олий маълумотга эга. Бундан ташқари, юқоридаги битирувчиларнинг 491 нафарини Президент квотаси асосида таҳсил олган мутахассислар ташкил этади.

Жорий йилнинг биринчи ярми давомида  республика шаҳру ноҳиялари маориф ва илм бўлимлари ҳамда бошқа ташкилоту муассасаларга 136 турдаги дарслик китоблар  2 миллион 87 минг 710 нусха ва 18 миллион 978 минг 628 сомоний эвазига етказиб берилган. Бундан ташқари, 163 турдаги таълим материаллари (қўлланма, дастур ва бошқалар) 127 минг 315 нусха ва 1 миллион 344 минг 689 сомоний эвазига, шунингдек, 68 турдаги бепул таълим адабиётлари 50 минг 32 нусхада юборилган.

Бажарилган кўпгина ишларга қарамасдан, ҳозир ҳам маориф ва илм соҳасида камчилигу муаммолар борлиги, Маориф ва илм вазирлиги эса, бундай камчиликларнинг тез орада ҳал этилиши ҳамда соҳа ислоҳотини босқичма-босқич самарали амалга ошириб боришига ишонч билдирилди.

 

Гулчеҳра СОТИБОЛДИЕВА,

«Халқ овози».

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

ФАРОВОНЛИК ЙЎЛИДАГИ ТЎСИҚ

 

-Қишда қорнинг, баҳорда эса, ёмғирнинг йўлини кутиб, кўзимиз тўрт бўлди. Экинларимиз пишиб етиламан, деб турганида тинимсиз ёмғир ёғиши ва сел келиши чакки бўлди-да, - деган гаплар тез-тез қулоғимизга чалиниб қолади. Ҳа, ҳақиқатдан ҳам, иқлим ўзгаришининг об-ҳавога салбий таъсири сўнгги йилларда яққол сезилмоқда.

Муфассал...

Бу дунёда ҳаммамиз меҳмон...

 

ВАТАН СОҒИНЧИ

Соғинч деб аталган соҳир туйғудан,

Қалбнинг яралари мудом ортади.

Сафарларда қолсанг

Узоқ ё яқин,

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
465734

ӮҚУВЧИЛАР СОНИ

2218907
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
958
1417
10893
2199519
25899
46701
2218907

Сизнинг IPнгиз: 18.206.15.215
Бугун: 18-08-2019 15:51:33

ҲАМКОРЛАР

 

 

   

2015