Биз билан боғланинг:

   

Бизга қӯшилинглар

ХАБАРЛАР

МАДАНИЯТ

Муаллиф: Super user Категория: МАДАНИЯТ
Чоп этилган 24 Апрел 2020 Кӯришлар: 2841
Печат

 

hisor 2020Ўлкамизда ҳукм сурган шиддатли ва сурункали ёмғирли кунлардан сўнг, ўтган ҳафта истироҳат кунлари ҳаво очилиб, сайру гашт учун қулай кунлар бўлди. Бу ёқимли ҳавода юртдошларимиз орасида ички сайёҳликка қизиққанлар сони ортганлигини кузатиш мумкин эди. Оила аъзоларимиз билан Ҳисор шаҳрининг сайёҳлик ва тарихий мавзеларига сафаримиз ниҳоятда кўнгилли кечди.

Саёҳатимизни Ҳисор шаҳрининг Шарора шаҳарчаси ҳудудидаги бозордан

бошладик. Озиқ-овқат маҳсулотларининг фаровонлиги кўзга ташланиши билан бирга, бу ерда ҳам картошканинг нархи ошганлигини кузатса бўларди. Бу маҳсулотнинг бир килограмми нархи 7,5 сомоний эканлиги кузги картошка захираси камайиб, янги ҳосил ҳозирча бозорга чиқмаганлигининг натижаси бўлса керак.

hisor 2020 1Нафақат, юртдошларимиз, балки хорижий сайёҳларнинг диққатини жалб этиб келаётган Ҳисор қалъасида саёҳатчиларнинг гавжум эканлиги кўзга ташланарди. Бу тарихий масканга ташриф буюрган ўрта умумтаълим муассасалари, олийгоҳлар талабалари қалъа тарихидан сўзловчи осори-атиқалар, махсус дўконларда сотувга қўйилган халқ ҳунармандчилиги маҳсулотларини катта қизиқиш билан томоша қилишаётган эди. Шундайгина қалъанинг ортида жойлашган ва улоқ мусобақалари ўтказиш учун қулай текисликда эса, от миниб сайил қилиш имконияти яратилганди. Айниқса, ёшлар отга миниб, сайил қилишга ўч эканликлари яққол кўзга ташланарди. Гуруҳ-гуруҳ ёшларнинг отларга миниб, чоптириш манзаралари беихтиёр кишининг таассуротида Ҳисор беклиги даврида навкарларнинг от чоптириш манзарасини пайдо қиларди.

Ҳисор қалъаси масъуллари томонидан саёҳатга келувчилар учун йўлбошловчилар хизмати жорий этганлиги эса, хорижий сайёҳлар учун яратилган қулайликлардан бири эди.

Энг асосийси, Ҳисор қалъасида ҳукм сурган озода, осойишта ва обод муҳит эди. Қулай об-ҳаво эса, кўнгилларга ўзгача завқ улашаётганди.

Саёҳатга келувчиларнинг бир қисми қалъа ҳудудидаги ошхонадаги мазали таомларни тановул қилишса, айрим саёҳатчилар шундайгина қалъанинг ортида жойлашган Қараев номли ошхонага ташриф буюришарди.

Умуман, қадимий Ҳисор шаҳрида саёҳат қилишга мувофиқ масканлар жуда кўп. Тинчлик ва миллий бирлик асосчиси – Миллат пешвоси, Тожикистон Республикаси Президенти иштирокида очилган «Қовун» мажмуаси, гўзал ва нотакрор Алмоси дараси, кўпчилик шифо мақсадида ташриф буюрадиган, Хирманак қишлоғида жойлашган «Оби шифо» табобат маскани ва қадимий Ҳисорнинг бошқа кўплаб тарихий ҳамда бетакрор табиий манзарали мавзелари саёҳатни ихтиёр этган ички ва хорижий сайёҳларнинг диққатини жалб этаётганлиги ўлкамизда бу соҳанинг истиқболи порлоқ эканлигидан дарак беради…

Абдулазиз ЁРОВ,

Рўдакий ноҳияси.

КАЛЕНДАР

« Ноябр 2026 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

МАҚОЛАЛАР

ДУНЁ ОЛҚИШЛАГАН ОЛАМШУМУЛ ТАШАББУС

 

Жонажон халқимизнинг ўтмиши, бугуни, шонли кечмиши, асрий орзу-умид ва интилишлари, қадриятларини ўзида мужассам этган Наврўз юртимиз бўйлаб кенг нишонланди. Бу йилги Наврўз байрами биз – тожикистонликлар учун ҳар йилгидан-да аҳамиятли ва эсда қоларли бўлди.

Зеро, айни Наврўз кунлари, Тинчлик ва миллий бирлик асосчиси – Миллат пешвоси, Тожикистон Республикаси Президенти

Муфассал...

Тожикистон Республикаси Президенти Эмомали Раҳмоннинг БМТ телевидениеси рус хизматига берган интервюси

 

- Жаноби олийлари, ушбу кунларда, Тожикистон ва Марказий Осиёнинг бошқа мамлакатлари Наврўз байрамини нишонламоқда. Шу муносабат сабабли, Сиз ва Тожикистоннинг қадимий халқини байрам билан табриклаб, Сизга мустаҳкам соғлиқ ва муваффақиятлар тилашни истардим. 2009 йили Тожикистон ва бошқа бир қатор мамлакатлар БМТ Бош Ассамблеясининг 21 мартни халқаро Наврўз куни сифатида,

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2619765

ӮҚУВЧИЛАР СОНИ

10382925
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
266
7047
25541
10316547
118437
161581
10382925

Сизнинг IPнгиз: 216.73.217.43
Бугун: 21-11-2026 01:21:19

ҲАМКОРЛАР

 

 

   

2015