Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 16 Июл 2015 Кӯришлар: 963
Печат

 

qulda qalqmСуғд вилояти раиси Абдураҳмон Қодирий давлат ҳокимияти ижроия органининг оммавий ахборот воситалари билан ҳамкорлиги жамиятдаги кўплаб муаммоларни ҳал этишда ўз ижобий самарасини бераётганлигини айтиб ўтди.

Вилоят раҳбарининг маҳаллий, марказий ва хорижий оммавий ахборот воситалари ходимлари иштирокида ташкил этилган

мабуот конференциясида вилоят ижроия органи барча журналистлар ва улар фаолият юритаётган оммавий ахборот воситаларига, шакл ва мулкчилигидан қатъий назар бир кўз билан қарашини, шунинг учун ҳам улар билан яхши ҳамкорликда эканлигини ва бу эзгу анъана давомли бўлишини таъкидлади.

Мамлакат Президенти амри асосида давлат ҳокимияти Суғд вилояти ижроия органи режасига биноан, ташкил этилган олти ойлик фаолиятга бағишланган вилоят раҳбари матбуот анжумани Хўжанд шаҳридаги Матбуот қасрида 80 нафар журналистлар иштирокида ўтказилди.

Абдураҳмон Қодирий матбуот конференцияси пайти давлат ҳокимияти вилоят ижроия органининг йил бошидан бери ўтган олти ойлик фаолияти юзасидан ҳисобот бериб, халқ хўжалигининг турли соҳаларида эришилган ютуқларга ҳам алоҳида тўхталиб ўтди. Жумладан, 2015 йил - Йўллар ободлиги йили дастури доирасида бугунгача вилоят ҳудудида 2191 километр йўллар таъмирланиб, ундан 34 километри тўлиқ асфалт қилинди ва қолгани қисман таъмирланди. Йил охиригача 3100 километр йўллар таъмирланиши режалаштирилган.

Ишсизликни камайтириш ва уйда ишсиз ўтирган хотин-қизларни иш жойи билан таъминлаш мақсадида барча шаҳру ноҳияларда атлас ва адрас ҳамда гилам тўқиш цехлари ва таълим марказлари ишга туширилди. Янги ташкил этилган марказларга вилоят ижроия органи томонидан барча зарурий ускуналар бепул тақдим этилди.

Вилоят раҳбари саноат соҳасида ҳам бир қатор ютуқлар қўлга киритилаётганини алоҳида таъкидлади. Жумладан, улкан цемент ишлаб чиқариш заводи Ғаюр-цемент ва Зарафшон рангли металлар ишлаб чиқариш корхоналарининг аҳамияти катта эканлигини айтди.  

Вилоят шаҳру ноҳияларида  янги бунёд этилаётган корхоналар сони йил охиригача 170 тага етиб, 5300 нафар маҳаллий аҳолига янги иш жойлари ташкил этилишини ҳам алоҳида таъкидлади, вилоят раҳбари.

Вилоят раиси қишлоқ хўжалигида ўтказилган ислоҳотлар натижасида 50 мингдан ортиқ янги деҳқон хўжаликлари ташкил этилгани ва мамлакат Президенти фармони асосида ўтказилган мазкур ислоҳот деҳқонларнинг янги куч ва ғайрат билан ишга киришишларига сабаб бўлаётганлигини айтиб, бу ҳолат аллақачон ўз натижасини бериб, вилоят деҳқонлари йилнинг биринчи ярмида 100 минг тонна сабзавот маҳсулотларини хорижий давлатларга экспорт қилишга муваффақ бўлишган. Мамлакат ички бозори эса, арзон ва сифатли маҳсулотлар билан таъминланди. 

Экин майдонларини сув билан таъминлашда ҳам бир қатор ютуқлар кўлга киритилди. Охирги йилларда танқислик сезилаётган Конибодом, Панжакент, Мастчоҳ, Зафаробод шаҳру ноҳияларида сув билан таъминлаш ҳолати анчайин яхшиланди.

Абдураҳмон Қодирий мамлакат президенти Эмомали Раҳмон топшириқлари асосида аҳолини яшаш шароити яхшиланиши учун бир қатор чора-тадбирлар кўрилаётганини айтиб ўтди. Жумладан, эҳтиёжмандларни ер участкаси билан таъминлаш ҳолатини яхшилаш, бу соҳадаги узоқ йиллар ҳал этилмай келинаётган муаммолар ечимини топиш мақсадида Сомғор даштида янги қад ростлаётган Сайҳун шаҳарчаси, Исфарада бунёд этилиши кутилаётган Моҳпари ва Истаравшанда обод этилаётган Баҳористон шаҳарчалари бу соҳада эришилаётган улкан ютуқлардан бўлиб, бу уч минтақада юз минглаб одамларга яшаш манзили бунёд этилиб, вилоят миқёсида яшаш манзили танқислиги бартараф этилишини таъминлайди.

Анжуман давомида журналистлар турли савол, таклифлар билан вилоят раҳбарига мурожаат этдилар.

Конференция сўнгида Суғд вилояти раиси Абдураҳмон Қодирий оммавий ахборот воситалари ходимларини юрт ободлигида журналистлар жамиятдаги камчиликларни бартараф этиш йўлида энг яхши ҳамкор эканлигини таъкидлади ва уларни ўз қаламлари билан юрт ободлигига хизмат қилишга чақиради.

Озод МЕЛИБОЕВ,

«Халқ овози».

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

Маҳбуба Камолова: -Миллийлик тарғиботида эркаклар ҳам масъул

 

Миллий либос тожиклар маданиятининг ажралмас қисми бўлиб, у бизга аждодларимиздан мерос қолган ва асрлар давомида шаклини ўзгартирган бўлса-да, ўзининг чиройлилиги ва кўркамлилигини сақлаб қолган. Афсуслар бўлсинким, бугун баъзи ёшлар, хусусан, хотин-қизлар миллий либослар ўрнини бошқа халқларга хос бўлган кийимларга алмаштириб, ёт маданиятга юз тутмоқдалар.

Муфассал...

ҲУНАРМАНД АЁЛЛАР САФИ КЕНГАЙМОҚДА

 

Бугун мамлакат Ҳукумати томонидан уй бекаларини ишга жалб қилиш, ҳунарманд хотин-қизлар сафини кенгайтириш масаласига алоҳида эътибор қаратилмоқда. Юртимиз бўйлаб ҳунарманд аёллар иштирокида турли танловларнинг ўтказилаётгани, уларнинг қўл меҳнати ўз вақтида муносиб тақдирланаётгани ва улар учун имконият эшикларининг кенг очилаётгани ана шу эътиборнинг самараси, десак тўғри бўлади.

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
553516

ӮҚУВЧИЛАР СОНИ

2482745
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2220
2131
15615
2448083
37523
71175
2482745

Сизнинг IPнгиз: 3.81.29.254
Бугун: 15-12-2019 18:45:37

ҲАМКОРЛАР

 

 

   

2015