Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 06 Феврал 2019 Кӯришлар: 182
Печат

 

s salomzoda 2019Ўтган йили Исфара шаҳрида давлат бюджети кирими ижроси 100,1 фоиз қилиб бажарилди. Бу борадаги режа кейинги тўрт йил давомида биринчи марта ижро этилганини қайд қилиб ўтиш ўринлидир. Рақамларга мурожаат этсак, бюджетга 97 миллион 91 минг сомонийдан кўпроқ маблағ келиб тушди. Маҳаллий бюджет эса, 102 фоизга бажарилди. Бунда бюджетга назарда тутилганига қараганда бир миллион 534 минг сомонийдан кўпроқ маблағ қўшилди.

Бюджетнинг ортиғи билан бажарилиши аҳолини ижтимоий ҳимоялашга ёрдам берди. Жумладан, бюджет ҳисобидан маош оладиган кишилар ўз вақтида иш ҳақларини олишди. Ижтимоий ҳимоя жамғармасига зарур маблағ ажратиб турилди. Исфарада яшаётган 21 минг 621 нафар нафақа олувчига нафақалари ўз вақтида етказиб берилди.

Исфара шаҳри раиси Сижоуддин Саломзода ўтган йилги иқтисодий-ижтимоий натижаларга бағишланган матбуот йиғинида сўзлар экан, бошқа рақамларни ҳам келтирди. Жумладан, Исфарани вилоятнинг бошқа минтақалари билан боғловчи муҳим йўллардан бири – Кўчкак-Гулистон йўлини қайта қуриш тугалланиш арафасида турибди. Йўлнинг умумий узунлиги 45,1 километрдан иборат. Исфарадан ўтадиган бу йўл Тожикистон ва Қирғизистонни ҳам боғлайди.

Умуман, Исфарада йўллар сифатини яхшилашга муҳим эътибор берилмоқда. Исфара шаҳри ва қишлоқларда 9,6 километр йўлга мум ётқизилди.

Исфарада 2018-2028 йиллар - «Сув устувор тараққиёт учун» халқаро амалиёт ўн йиллиги лойиҳаларини амалга татбиқ этишга ҳам алоҳида эътибор берилмоқда. Шу мақсадда 9,3 миллион сомонийдан ортиқроқ маблағ сарфланди. Қишлоқларда яшаётган 42 минг 300 нафардан кўпроқ киши тоза ичимлик суви билан таъминланди. Ҳозирда – Лаккон қишлоғи аҳолисини ичимлик суви билан таъминлаш ишлари олиб борилмоқда. Бунинг учун 4 миллион сомоний маблағ ажратилган. Лойиҳа амалга оширилса, лакконлик 5035 киши ичимлик суви билан таъминланади.

Исфара шаҳри раиси саноат ва қишлоқ хўжалиги соҳасида қўлга киритилган ютуқлар билан бирга, айрим камчиликларни ҳам тилга олиб ўтди. У саккизта саноат корхонаси буткул тўхтаб қолмай, маҳсулот ишлаб чиқаришни камайтирмаганида, бюджетга яна анча миқдорда солиқ келиб тушиши мумкинлигини айтди.

Журналистлар Исфарада маориф, соғлиқни сақлаш борасида ҳам кейинги йилда муҳим ишлар амалга оширилганидан огоҳ бўлишди.

«Халқ овози» мухбири «Зумрад» санаторийсида ўзбекистонликлар ҳам келиб дам олишгани, саломатликларини тиклашганини эслатиб, Тожикистон ва Ўзбекистон орасида виза тартиби бекор қилингач, бу ҳолат қайтадан давом этаётган-этмаётганлиги билан қизиқди.

Исфара шаҳар раиси саволга батафсил жавоб берди. У «Зумрад»да қўшни ўзбекистонликларнинг дам олаётганини ўзи кўрганини таъкидлар экан, қардош халқлар ўртасидаги дўстликнинг муҳим аҳамиятига тўхталди. - «Зумрад» замонавий талаблар асосида қайта қурилмоқда. Шубҳасиз, бу дам олиш-табобат масканида Ўзбекистон ва Қирғизистондан келиб, ҳордиқ чиқарадиганлар янада кўпаяди,- деди Исфара шаҳри раиси.

-Биз Тожикистон, Ўзбекистон ва Қирғизистоннинг Исфарага туташ ноҳиялари билан уч томонлама дўстлик учрашув тадбирлари ўтказишни мўлжаллаяпмиз. Исфаралик ҳунармандларни қўшни Ўзбекистонга тажриба алмашиш, малака оширишга юборишни режалаштирганмиз…

Шу ўринда Исфарада республика ва вилоят газеталарига обуна бўлиш ортиғи билан бажарилганини эслатиш ҳам жоиз. Бу ҳақда гапирар экан, Исфара шаҳар раиси энг чекка қишлоқлардаги хонадонларга вақтли матбуот нашрлари кириб борса, аҳолининг маънавияти бойиши, дунёқараши кенгайиши, одамларда жонажон юртининг гуллаб-яшнаши, ободончилик учун ҳисса қўшиш истаги кучайиши, қалбида Ватанга муҳаббат барқ уришини таъкидлади.

 

Ўринбой УСМОН,

«Халқ овози».

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Ҳеч кимнинг боласи ногирон бўлмасин…

 

Умр Аллоҳ таоло бизга инъом этган энг олий неъматдир. Инсон ўзи учун муносиб кўрилган бошқа сон-саноқсиз неъматларга ҳам умри давомида эришади. Шундай экан, тирикликнинг қадрига етмоқ, ҳаётни севиб яшамоқ, умрнинг ҳар бир лаҳзасини Яратганга шукрона айтиб ўтказмоқ нақадар хуш. Бироқ орамизда турмушнинг адоқсиз ва арзимас икир-чикирлари важидан ношукрлик кўчасига кириб қолганлар ҳам топилади. Қалби ҳеч нарсадан таскин топмайдиган бундай

Муфассал...

ДИННИ НИҚОБ ҚИЛГАН ЭКСТРЕМИСТЛАР…

 

Тинчлик ва миллий бирлик асосчиси – Миллат пешвоси, муҳтарам Эмомали Раҳмон Жаноби олийларининг мамлакат Олий Мажлисига юборган навбатдаги Паёмини барча ватандошларимиз қатори биз Имом Абуҳанифа (р.) номли Тожикистон Ислом олийгоҳи ўқитувчилари жамоаси ҳам ҳамжиҳатлик билан ойнаи жаҳон орқали томоша қилиб, сўнгра чоп шаклидагисини мутолаа қилдик. У кишининг ҳар бир айтган маъноли сўзларида ҳаёт акс этаётганини

Муфассал...

СТАТИСТИКА

Сайтга кирганлар
1
Мақолалар
787
Мақолаларни кӯрганлар сони
469809

ӮҚУВЧИЛАР СОНИ

2230719
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
509
1767
10762
2208014
37711
46701
2230719

Сизнинг IPнгиз: 18.205.176.100
Бугун: 24-08-2019 08:23:08

ҲАМКОРЛАР

 

 

   

2015