Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 22 Декабр 2017 Кӯришлар: 522
Печат

 

- - - - - -  - - - - -  - 22 декабр - Тожикистон энергетиклари байрами  - - - -  - - -  - - -  - - -

 xurshed umarov 2017 21«Барқи Тожик» очиқ ҳиссадорлик холдинг компаниясининг Рўдакий ноҳиясидаги марказий электр тармоғи идораси бош муҳандиси, энергетика соҳаси аълочиси Хуршед Умаров билан суҳбатимиз энергетик мустақиллик ҳамда «Барқи Тожик» очиқ ҳиссадорлик холдинг компаниясининг аҳолига Мурожаатномаси доирасида бўлиб ўтди.

- Ҳурматли Хуршед Ҳаитмуродович, бир мутахассис сифатида

республикамиз энергетикасида юз бераётган бунёдкорлик ишларини қандай баҳолаган бўлардингиз?

- Азиз Ватанимиз истиқлолиятга эришгандан сўнг, барча соҳаларда илгари силжишлар, ривожланиш юз бериб, порлоқ келажак сари шахдам қадамлар ташлаш бошланди. Давлатимиз ва республика Ҳукумати бошчилигида мустақиллик даврида эришилган муваффақиятлар сифатида «Сангтўда-1», «Сангтўда-2», «Помир-1», «Роғун» ГЭСлари, «Душанбе-2» иссиқлик узатиш маркази, «Қўрғонтепа-Кўлоб» темир, Қулма-Қароқурум автомобил йўллари, «Истиқлол», «Шаҳристон», «Хатлон» ва «Шар-Шар» туннеллари қурилишлари давлатимизни ривожланаётган мамлакатлар даражасига кўтарганлигини эслаб ўтиш мавридлидир.

Республиканинг коммуникацион боши берк кўчадан чиқиши  ва тўлиқ энергетик мустақилликка эришиши йўлидаги саъй-ҳаракатлари эзгу ниятлар сари элтаётгани, шунингдек,  Тинчлик ва миллий бирлик асосчиси-Миллат пешвоси, Тожикистон Ҳукумати Раиси муҳтарам Эмомали Раҳмон бошчилигида қуриб битказилган ва қурилажак катта-кичик ГЭСлар мамлакатимизнинг энергетика соҳасида мустақилликка эришишида катта рол ўйнайди.

- Ноҳия миқёсида ишлар кўлами қандай йўлга қўйилмоқда?

- «Барқи Тожик» очиқ ҳиссадорлик холдинг компаниясининг Рўдакий ноҳиясидаги марказий электр тармоғи идорасининг Нурзодаи Олим бошчилигидаги энергетиклари ҳам ўз олдиларига қўйилган вазифаларини бекаму кўст бажариб келмоқдалар.

Мазкур марказий электр тармоғи идораси ходимлари ўтиб бораётган 2017 йил давомида аҳолига электр энергиясини узлуксиз етказиб бериш, линияларда юз бериши мумкин бўлган авария ҳолатларини ўз вақтида бартараф этиш ҳамда  карточка асосидаги рақамли ҳисоблагичлар ўрнатиш масаласида астойдил хизмат қилиб келмоқдалар. Бундан ташқари, идорамиз айни пайтда қишки мавсумда ишлаш режимига тўлиқ ўтган бўлиб, йилнинг бу ўзига хос имтиҳон фаслида кеча-кундузги навбатчилик жорий қилинган.

- Айтинг-чи, давлатга пул тўламаслик ниятида яширинча сим тортиб, электр токидан фойдаланаётганлик ҳолати ҳам учраб турадими?

- Давлат мулкига кўз олайтирувчи кишилар ҳамма давру замон ва турли соҳаларда бўлишган. Аҳоли орасида ҳам токдан ўғринча фойдаланиб юрганлар ҳам анча-мунчани ташкил этиб келганлиги, бор гап. Рўдакий ноҳияси энергетика соҳаси ходимлари бу нохуш ҳолатга чек қўйишган.

- «Барқи Тожик» очиқ ҳиссадорлик холдинг компаниясининг жорий йил октябр ойидаги мамлакат аҳолисига Мурожаатномаси ҳақидаги фикрингиз?

- Давлатимиз бошлиғи муҳтарам Эмомали Раҳмон саъй-ҳаракатлари билан иккинчи йилдирки, мамлакат аҳолисига электр энергияси узлуксиз узатиляпти. Тўғри, ўтган йили қишки мавсум бошларида чеклов бироз амал қилган бўлса-да, кейинчалик олиб  ташланганди. Бу йил эса, ўзингизга маълум «Барқи Тожик» холдинг очиқ ҳиссадорлик компанияси Мурожаатнома билан чиқиб, бу йилги қишки мавсумда лимит бекор қилинганлигини эълон қилди. Мана,  халқимиз кеча-ю кундуз электр энергиясидан баҳраманд. Бунга фақат шукур айтмоқ ва бу бебаҳо неъмат қадрига етмоқ лозим.

- Ҳар соҳанинг ўз донишмандлари бўлади, дейишади…

- Рўдакий ноҳияси марказий электр тармоғи идорасининг Юра Гулин – техника хавфсизлиги инженери, Ф. Саидов – электр тармоғи диспетчери, шунингдек, Турғун Чўтов, Обиддин Жониқулов, Шукрулло Мустафоқулов  каби моҳир ва тажрибали электр усталари кечани-кеча, кундузни-кундуз демай, ноҳиянинг турли минтақаларида хизматга ҳозиру нозирдирлар.

- Аҳоли билан мулоқот қай аҳволда?

- Ноҳия марказий электр узатиш тармоғи идораси ва  аҳоли ўртасида илиқ муносабат, ўзаро ишонч тобора ошиб бормоқда.  Бунинг учун, бизга бир қатор маҳалла фаоллари, раислари яқиндан ёрдам беришмоқда. Улар кўмагида жойларда соҳага оид камчиликлар тезкорлик билан тузатилиб, аҳоли хурсандчилигига эришилиб келинмоқда. Жумладан, Эшмуҳаммад Пашшақулов (Пахтакор), Зиёдулло Хушвахтов (Кўҳдоман) маҳалла раислари бу борада анча фаолдирлар.

- Байрам арафасидаги тилакларингиз.

-  Фурсатдан фойдаланиб, Рўдакий ноҳияси марказий электр тармоғи идораси барча ходимлари сиймосида мамлакат энергетика соҳаси барча вакилларини касбий байрамлари билан самимий қутлайман. Модомики, соҳанинг  фидойилари бор экан, юртимиз янада чароғон бўлади.

 

Абдулло САИДОВ, Рўдакий ноҳияси.

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Бу кўзларни қаердан олгансиз?

 

Газетага Ҳожи Содиқ домла, Мухтор Баҳриддинов, Музаффаржон Солиҳов, Исмоилжон Муҳсинов, Абдусаттор Аҳмадалиев ва Тоштемир Жўрабоевлар турли йилларда бош муҳаррирлик қилганлар. Газетанинг обрў-эътибори, ўқимишли бўлиши учун ўз даврларида муҳаррирлар анчагина қаттиққўл ҳам бўлишган.

Бир воқеа ҳеч ёдимдан чиқмайди. Абдусаттор ака Аҳмадалиев бош

Муфассал...

Миллат келажаги учун бунёдкорлик ҳужжати

 

Янги дунё тажрибасида ҳар йилнинг охири ва янги милодий йил арафасида Давлат раҳбарининг мамлакат парламенти ҳамда унинг сиймосида бутун республика халқига Паём йўллаши мустақил давлат рукнлари ва демократик, ҳуқуқий давлатчиликнинг асосий рамзларидан бири ҳисобланади. Бу тажриба мамлакатимизда 2000 йилда бошланди. Зеро, Миллат пешвоси, Тожикистон Республикаси Президенти ўз нутқларидан бирида таъкидлаганидек,

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
511340

ӮҚУВЧИЛАР СОНИ

2353209
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
381
3162
381
2334650
47046
62133
2353209

Сизнинг IPнгиз: 35.175.191.168
Бугун: 21-10-2019 05:02:52

ҲАМКОРЛАР

 

 

   

2015