Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 22 Июн 2017 Кӯришлар: 2075
Печат

 

mehr 2017 1ФАРЗАНД МЕҲРИ

Суғд вилояти Хўжанд шаҳридаги кексалар ва ногиронларга ижтимоий хизмат кўрсатиш минтақавий марказида 53 нафар қарияга доимий хизмат кўрсатиб келинмоқда. Шулардан 20 нафари эркак, 33 нафари аёл бўлиб,  уларга барча яшаш шароитлари яратилган.

Бир пайтлар Қариялар уйи номи билан аталган ушбу марказ бундан 81 йил муқаддам, аниқроғи 1936 йилнинг 9 августида собиқ Ленинобод шаҳар ижроия органининг 78-рақамли протоколи асосида ташкил этилган бўлиб, ҳанузгача бошпанасиз ва қаровчисиз қолган қарияларга хизмат кўрсатиб келади.

Марказ Суғд вилояти бюджети асосида фаолият олиб боради.

Бу ерда доимий истиқомат қилувчи қариялар саломатлиги, уларни иссиқ овқат билан таъминлаш марказ раҳбариятининг биринчи галдаги вазифасидир. Уларнинг саломатликларини барқарор сақлаш ниятида спорт ҳужралари ташкил этилган бўлиб, унда қариялар ўзларига хос спорт машқларини бажаришлари мумкин.

Иш билан шуғулланиш имконига эга кексалар эса, марказ теварак-атрофларига гуллар, мевали ва сояли дарахтлар экиш билан ҳам ўзлари ва ҳам бошқа кишиларга манфаат етказмоқдалар.

Марказ биноси ичкарисида эса, «Тирик бурчак» ташкил этилган бўлиб, бу ерда яшовчилар томонидан сайроқи қушлар парвариш қилинади. Зеро, қушлар сайраши айни пайтда шифо ҳамдир.

Бундан ташқари, марказнинг ўз кутубхонаси мавжуд бўлиб, унда 2924 нусха турли соҳага оид китоблар сақланади. Шунингдек, ушбу кутубхона вилоятнинг Тошхўжа Асирий номли кутубхонаси билан ҳамкорликда бўлиб, ўзаро китоб айирбошлашни ҳам йўлга қўйган.

Дарвоқе, Суғд вилояти раисининг 2009 йил 27 февралидаги 5-қарори асосида Тожикистон Республикаси Миллий банкининг Хўжанддаги филиали ва «Жавоний» масъулияти чекланган жамияти муассислари комитети томонидан марказ истиқоматчилари мунтазам қўллаб-қувватланиб келинади.

mehr 2017Сўзида давом этган директор марказда Рамазон ҳайити ва Миллий бирлик байрами муносабати билан доимий ҳомийлар - Тожикистон Миллий банкининг Хўжанддаги филиали ва «Жавоний» масъулияти чекланган жамияти қўллаб-қувватлаши ҳамда санъат коллежи талабалари иштирокида қатор тадбирлар ўтказилиши режалаштирилганини айтди.

Қувончлиси шундаки, ҳар байрам арафасида маҳаллий ҳукумат ҳамда алоҳида саховатли кишилар томонидан ҳам меҳрибонлик акциялари амалга ошириб турилади. Айрим саховатпеша кишилар эса, баъзи қарияларни отахонлик ёки онахонликка қабул қилишган бўлиб, доимий равишда улар аҳволидан хабар олиб туришади. Шулардан бири Бобожон Ғафуров ноҳиясида яшовчи Абдуқодир Абдураҳимов бўлиб, у ушбу марказда ҳеч кими йўқ қарияни онахонликка олиб, унга ўз туққан онасидай меҳрибонлик кўрсатиб, самимий муомалада бўлиб келмоқда.

- Ушбу она-ўғил ўртасидаги самимий муносабатни кўриб, ҳайратим янада ошди, - дейди мазкур марказ директори Абдуазиз Зуҳуров, - чунки, Абдуқодир таниқли тадбиркор ҳам, катта пул эгаси ҳам эмас. Фақат, унинг улкан қалб эгаси эканлиги маълум бўлди. Демак, меҳрибонлик қилиш, эзгу амалга қўл уриш учун кишининг бой бўлиши шарт эмас экан, фақат кишида озгина жўмардлик бўлса бас…

Дарвоқе, Суғд вилояти Хўжанд шаҳридаги қариялар ва ногиронларга ижтимоий хизмат кўрсатиш минтақавий маркази директори Абдуазиз Зуҳуров бошлиқ коллектив ҳам бу ерда яшовчиларга ота-оналари каби муомалада бўлишиб, уларга бекаму кўст хизмат кўрсатишга, уларнинг дуойи хайр – олқишларига сазовор бўлишга астойдил енг шимарганлари рост.

 

Собир ҳожи Абдураҳимов,

Хўжанд шаҳри.

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Апрел 2025 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

МАҚОЛАЛАР

Соч толаларидек беҳисоб ҳасанот

 

Ёхуд етимлар ҳақини адо этиш хусусида

Рамазон - савоб ишлар қилинадиган ой. Айни шу муборак кунларда етимларга меҳр-мурувват кўрсатган инсонлар учун ҳам савоб эшиклари очилади.

У ҳам тугамоқда. Ҳадемай ҳайит. Демак, яхшилик қилиш учун ҳар лаҳза ғанимат…Мамлакатимиз тобора ободонлашиб, тинч диёримизда эл фаровонлиги яхшиланиб бормоқда. Тўкинчилик, қайси бир хонадонга кирманг, дастурхони

Муфассал...

Бешиктобут

 

Қарийб бир ойдан буён боғ четида қандайдир иш билан машғул. Қалам билан ниманидир белгилайди, арралайди, қоғоздаги эскизни чўпга тушириб, уни қочов билан ўяверади, ўяверади… Унинг нима қилаётганлигини бирор киши билмайди, сўрамайди ҳам. Агар кимдир ҳовлига кирса ёки боғ четидан ўтиб қолса, ишора билан салом беради ва паст овозда  "Ҳорма, ишлар билан" дейди. У ҳам аранг жавоб қайтаради  ёки бошини қимирлатибгина  қўяқолади.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2075150

ӮҚУВЧИЛАР СОНИ

8071107
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1836
2537
12647
8024732
10197
108045
8071107

Сизнинг IPнгиз: 3.145.71.161
Бугун: 04-04-2025 12:21:13

ҲАМКОРЛАР

 

 

   

2015