Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 25 Май 2017 Кӯришлар: 2044
Печат

 

ramazon 2017Мана, ҳаммамиз учун муборак ва азиз бўлган Рамазон ойи ҳам бошланяпти. Барчамиз орзуқиб кутган муборак ойга етказгани учун Яратганга шукр айлаймиз. Ва аввало, ҳар бир хонадон, маҳалла, шаҳар ва қишлоқ, севимли Ватанимиз - Тожикистонда тинчлик-омонлик, дастурхонларимиз тўкин, кўнгилларимиз хотиржам бўлишини Аллоҳдан сўраб қоламиз.

Азизлар, ҳар биримиз Рамазон ойи рўзасини тутишни кўнглимиз туб-тубидан ният қилиш билан бирга, айнан эл-юрт тинчлигини,  гуллаб-яшнашини ҳам Аллоҳдан тилаб, ният қилайлик. Расулуллоҳ (с.а.в.) дедилар: - «Субҳдан аввал рўзанинг ниятини қилмаган одамнинг рўзаси рўза эмасдир». Имом Абу Довуднинг марҳамат қилишларича, ниятнинг ўрни қалбдир.

Расулуллоҳ (с.а.в.)нинг марҳамат қилишларича, саҳарликни тарк этиш суннатга хилофдир. Муқаддас ҳадисларда баён этилишича, айнан саҳарлик баракатлидир. Расулуллоҳ (с.а.в.):  - Баракатли овқатга келинглар, - деганларида айнан саҳарликка ишора қилгандилар. Ва «Саҳарлик баракат емагидир, гарчи бир қултум сув билан бўлса-да, сизлардан бирингиз саҳарликни тарк этмасин, чунки Аллоҳ ва унинг фаришталари саҳарлик қилганларга салавот айтадилар»,-дедилар (Имом Аҳмад имом Ҳанбал ривояти). Саҳарликни субҳи содиққача тугатиш Расулуллоҳ (с.а.в.)нинг суннатларидан.

Рўзадорнинг дуоси камайтирилмайди, ижобатсиз қолмайди. Имом Бухорий ривоятларига кўра: - «Келинглар, дуолар қайтарилмайдиган онларда дуо қиламиз. Парвардигори олам, биз сендан тинчлик-омонлик, соғлик ва хотиржам қалб соҳиби, оилаларимизни ҳамиша ҳифзу ҳимоятингга олиб, аҳли солиҳ ва солиҳалардан, буйруқларингга бўйинсиниб, қайтариқларингдан қайтадиган қилишингни сўраймиз. Эй Раббим, сендан ҳар бир беморга шифо, ҳар бир ночорга ризқ беришингни, ҳар бир ғамга ботганни ғамдан фориғ қилишингни, ҳар бир тавба қилувчининг тавбасини қабул қилишингни, ҳар бир «омин» дегувчини ўз паноҳингда асрашингни сўраймиз».

Рамазон ойида Аллоҳнинг қайтариқларидан бири рўзадорларнинг жанжаллашиш нари турсин, бир-бирларига қаттиқ, ёмон гапирмасликлари ҳамдир. Рўзадорлар қайта-қайта эшитишган бир ҳақиқатни яна такрорлаб ўтсак, зарар этмас: агар рўза тутмаган бирон киши рўзадор билан жанжал бошласа, у: -«Мен рўзадорман»,- дея индамай кетгани маъқул. Лекин минг афсус, муборак Рамазон ойида ҳам айрим мамлакатларда ўқ отилади, бегуноҳ одамлар қони тўкилади, уйлар ёндирилади… Ҳаммамиз олдинги йилларда айни Рамазон ойида Сурия, Ироқ, Афғонистон каби мамлакатларда юз берган жанжаллар, қон тўкишлар ҳақида эшитганмиз. Энди, ўйлаб кўрайлик, ўз юмуши билан тинчгина юрган одамларга ўқ отиб, портлатиб, қон тўккан одамлар мусулмонмиканлар? Ҳолбуки, у кимсалар Ислом дини номидан иш кўрадилар.

Имом Ғаззолий марҳамат қиладилар: -«Рўза тутиш жон учун закот, бадан учун риёзат, яхшилик учун даъватдир. Рўза – инсон учун гуноҳлардан тийилиш, жамият учун жиноятлардан сақланиш. Оч баданда қалб бир меъёрда ишлайди, ақл тиниқлашади, кўз равшанлашади…» Ва яна ривоят қилишларича, Рамазон ойида шайтонлар занжирбанд этилади. Демак, ушбу ойда одам қилаётган ёмонлигини шайтонга тўнкай олмайди.

Шундай экан, азизлар, муборак ойда бир-биримизга янада меҳрибон бўлайлик! Бир-биримизга қўлимиздан келганча яхшилик қилайлик. Топганимизни бўлишиб, бирга ифторлик қилайлик. Ночорларга, етимларга қўлимиздан келганча ёрдам берайлик. Ва албатта, ҳеч кимни на тилимиз, на қўлимиз, на хатти-ҳаракатимиз билан ранжитмайлик! Рўзамизни бузмайлик!

Имом-хатиблар, масжид ходимлари бу оддий ва кўнгилларимизни равшан этгувчи ҳақиқатларни ҳар бир инсонга тушунтириб боришлари шарт.

Сизу биз орзуқиб кутган Рамазон ойи ҳаммангизга муборак бўлсин! Уйингизга Аллоҳнинг нури, яхшиликлари ёғилсин, азизлар!

 

Абдураҳим РАҲМАТУЛЛАЕВ,

Бобожон Ғафуров ноҳияси марказий жомеъ масжиди масъул ходими.

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Апрел 2025 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

МАҚОЛАЛАР

Суғддаги сайёҳлар севган жойлар

 

Искандаркўл Душанбе –Хўжанд шоҳ йўлига яқин жойлашган. Пойтахт томондан юрилганда, йўлнинг чап тарафида. Кўл баланд тоғлар қўйнида, денгиз сатҳидан 2 минг метр баландликда жойлашган. Кўлнинг умумий майдони деярли 3 ярим квадрат километрга тенг бўлиб, чуқурлиги 72 метрга етади.

Айний ноҳияси ҳудудида жойлашган кўлга Саратоғ, Ҳазормеш, Сарема дарёлари қуйилади. Кўлдан эса, Искандардарё оқиб чиқади. У сал ўтмасдан,

Муфассал...

АНИҚ ФАНЛАРНИ ЎРГАНИШНИНГ ЙИГИРМА ЙИЛЛИГИ – ДОЛЗАРБ ТАШАББУС

 

Ҳар йили Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмоннинг мамлакат парламентига йўллаётган паёмларини интиқлик билан кутиб, жамоа ҳолда томоша қиламиз. Бу йил ҳам шундай бўлди – устоз ўқитувчилар ҳамроҳлигида Паёмни томоша қилдик. Президентимиз айтаётган ҳар сўз, ҳар бир нуқта халқ кўнглидан ўтган ва амалга ошишини истаб юрган орзу-истаклар эди, ростданам.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2075185

ӮҚУВЧИЛАР СОНИ

8071151
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1880
2537
12691
8024732
10241
108045
8071151

Сизнинг IPнгиз: 18.117.241.170
Бугун: 04-04-2025 12:33:40

ҲАМКОРЛАР

 

 

   

2015