Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 03 Ноябр 2016 Кӯришлар: 544
Печат

 

qismatХолида шифокорнинг «Ўзингизни эҳтиёт қилинг, яқинда она бўласиз»,-  деган гапларини ўйлаб дўхтирхона эшикдан чиқар экан, қувончи ичига сиғмас эди. Наҳотки, барча азоблари тугаган бўлса. Тушиммикан ёки ўнгим деб, ўзини ҳатто, чимчилаб ҳам кўрди. Ўн  йил-а, ўн йил кутди: бу дамларни.

 У шу хаёллар билан кетар экан, йўл четида турган ўриндиққа кўзи тушди-ю ўзини озгина ўнглаб олиш учун бориб ўтирди.

Кўз олдидан шу ўн йил ичида ўтган даҳшатли ҳаёти бирин-кетин ўта бошлади.

Ҳа, ҳаммаси кечагидек хотирасига муҳрланиб қолган. Бунёд билан севишиб турмуш қуришди. Қайнонаси ва қайинсингиллари бошида жуда меҳрибон эдилар. Эри эса, уни еру кўкка ишонмас, нима деса муҳайё қиларди. У ўзини жуда бахтли ҳис қилар, Бунёдни танлаб адашмаганига янада кўпроқ иқрор бўларди. Ҳаммаси тўйларидан бир йил ўтиб, фарзанд кўрмаётганларидан кейин бошланди. Шу бир йилда кўригидан ўтмаган шифокор қолмади. Охирги борган шифокорнинг гаплари ҳали-ҳануз қулоғи остида жаранглайди. Унинг гапидан эру хотиннинг ҳам кўзларига дунё қоронғу бўлиб, қандай уйга қайтишганини билмасди. Бунёд: - «Ажрашамиз. Агар мен туфайли фарзандли бўла олмасак, умрингни беҳуда ўтказма»,- деди орадаги сукунатни бузиб. Холиданинг эса, ҳали ҳам ҳуши ўзига келмаганди. Кўзларидан оқаётган ёшни артар экан: - «Сабрли бўлинг. Худонинг бизга ҳам атагани бордир»,- деди. Бунёд эса, уни  қанчалик ажралишга мажбур қилмасин, уддасидан чиқолмади. Холида: - Сиздан бир илтимос. Фарзанд кўрмаётганимизнинг сабабини ҳеч ким билмасин. Бу иккимиз билган сир бўлиб қолади, - деди.

Бу қарори уни қай аҳволга солишини билмас, у учун эрининг обрўси ва ор-номуси  муҳимроқ эди.

Кундан-кун қайнонасининг: - Битта-ю битта ўғлимга шу туғмас хотиннинг нима кераги бор экан? Агар майли деса, онаси ўпмаган қиз олиб бераман, - деган гаплари, қайинсингилларининг пичинглари-ю бу ҳам етмагандек, уни уриб кетишлари кўпая бошлади. У Бунёдга ҳеч нима демас, агар айтгудек бўлса, эри уни қийналмасин деб, ажралишга тайёрлигини ўйлаб қўрқиб кетарди. Турмуш ўртоғисиз унга ҳаётнинг қизиғи йўқ, усиз яшашни тасаввур ҳам қилолмасди. Тунлари тонггача йиғлаб чиқар, севгиси олдида бу азобларнинг ҳаммаси бир пулдек эди, гўё. Охирги тўққиз йил ичида бўлган жанжаллару оиладагиларнинг пичинглари уни  адо қилди. Асаблари толиққанидан, қўллари титраб, ҳушини йўқотадиган бўлганди.

Мана, энди ҳаммаси ортда қолди. Худо хоҳласа, яқинда фарзандли бўлишади. Бу хушхабарни эрига айтиш учун уйга шошиб борди. Бунёд бу янгиликни эшитиб, хурсандлигидан рақсга ҳам тушиб берди. Ҳамма бу хабарни эшитиб хурсанд бўлди-ю, қайинсингилларининг: - Касалманд хотиндан қанақа фарзанд туғиларди, - деган гапи унинг жон-жонидан ўтиб кетди, аммо ҳар доимгидек сездирмади.

У тўсатдан ҳушини йўқотишдан қўрқиб яшади. Иложи борича уларнинг гапларига аҳамият бермасликка ҳаракат қиларди-ю, лекин кўпинча уддасидан чиқа олмасди.

Ва ниҳоят, кўп кутилган дамлар келиб, улар ўғилчали бўлишди. Шифокорлар эса, Бунёдга хотини оғир жарроҳликни бошидан ўтказгани, иложи борича уни эҳтиёт қилиш, хотини вақтинчалик ўрнидан камроқ туришини тушунтиришди. Чақалоқни уйга олиб келишди. Неча йиллар сабрсизлик билан кутилган жажжи фариштани кутиб олгани ҳамма қариндош-уруғлари тўпланишганди. Бунёд ва Холиданинг қувончлари  эса, чексиз эди.

Орадан уч кун ўтди. Қайинсингиллар хабар олишгани келишди.  Холиданинг ўрнидан ҳам туришга мадори йўқ. Унинг ётганини кўриб: - Ҳа, энди ҳамма ҳам туғсин экан-да, туғдим деб ётаверасанми? Тур ўрнингдан, биз бу ерга уй ишларидан дам оламиз деб келганмиз. Келинга ўхшаб бир хизмат қилгин-чи, - деб турганида Бунёд келиб қолди ва уларга хотинига ҳозирча ишлаш мумкин эмаслигини тушунтирмоқчи бўлган эдики, сингиллари унга ташланиб кетишди. Жанжалларини эшитиб, Холида турмоқчи бўлганида, улар жиянини олиб чиқишини айтишди. Чақалоқни олиб чиқаётиб бирдан боши айланди ва остонадан йиқилиб, ҳушини йўқотди.

У анча вақт ўтгандан сўнг, ҳушига келди. Кўзини очди-ю, олдида йиғлаб ўтирган онасидан фарзандини сўраб, уни қидира бошлади. Онаси эса, ўн йил зору интизор кутган фарзанди ўн кун ҳам яшай олмаганини унга қандай қилиб айта оларди…

 

Садоқат Абдуразоқова, Душанбе шаҳри.

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Ҳаёт сарчашмаси

 

Азиз Тожикистонимиз истиқлолиятни қўлга киритгач, давлатимиз раҳбарлари нафақат мамлакатимизда, балки халқаро миқёсда тоза ичимлик сувига тегишли глобал муаммолар ечимига жаҳон ҳамжамияти диққатини жалб этиб келмоқда.

Тожикистонимиз – жаннатмакон юрт, табиати бой, беқиёс ўлка. Мамлакатимиз Ер юзида тоза ичимлик суви захираси бўйича энг олдинги

Муфассал...

Тил ўрганиш – замон талаби

 

Тил билиш барча давру замонларда муҳим бўлган. Айниқса, ахборот ва инновацион технологиялар асри – янги юз йилликда унинг аҳамияти янада ошди. Илму фан ютуқларидан бохабар бўлиш, турли соҳаларда қўлланиладиган замонавий техника ва ускуналарни ўзлаштириш ва чет эллик мутахассисларнинг бой тажрибасидан фойдаланиш учун биздан камида икки-учта хорижий тилни билиш талаб этилади.

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
466889

ӮҚУВЧИЛАР СОНИ

2222117
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
451
1709
2160
2208014
29109
46701
2222117

Сизнинг IPнгиз: 3.81.28.94
Бугун: 20-08-2019 05:43:52

ҲАМКОРЛАР

 

 

   

2015