Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 13 Октябр 2016 Кӯришлар: 619
Печат

 

qasamИссиқ жоннинг иситмаси бор, дейдилар…

Тожикистонда қарийб саккиз ярим миллион иссиқ жон яшайди.

Воҳ, уларнинг иситмаси тутсами?!.

Албатта, аллакимларнинг, аниқроғи, дўхтирларнинг ошиғи олчи бўлади.

Гап нима ҳақида бораётганлигини зийракроқ муштарий аллақачон,

англаб олди: бугунги кунда бирор касаллик танангизга ёпишиб, жонингиз оғрийдиган бўлса борми!?.

Худо кўрсатмасин…

Яқинда ўртача ҳаёт кечирадиган бир ўқитувчи, яъни устоз билан суҳбатлашиб қолдим. Журналистлигим боисми ёки у киши мени ўзига яқин олибми, билмадим, дардини тўкиб солди:

- Халқимиз кўп донишманд-да, ҳар бир гапини ақл чиғириғидан ўтказиб, етти ўлчаб, бир кесиб айтади.

Боланг - балойи жонинг, деганлари - айни ҳақиқат.

Катта ўғлимнинг тоби қочди: қон босими пасайиб, боши оғриди, мадори қуриб, қувватдан кетиб қолди.

Врач кўригидан ўтказиш учун шаҳардаги марказий поликлиникага олиб бордим.

«Мулойим»гина дўхтир қабул қилди: қон босимини ўлчади. Ўпкасига қулоқ солди. Яна алламбалолар…

Мен тушунмайдиган ташхисни қўйиб, дори-дармонлар ёзиб берди.

Дорилар рўйхати ёзилган қоғозни кўтариб, шаҳар марказидаги дорихоналарнинг ўнтаси десам, виждоним йўл қўймайди, эҳтимол, муболаға бўлиб кетар, етти-саккизтасининг остонасига бош уриб чиққаним бор гап.

Бирорта аптекчи:- Дори бор,- демайди, зормонда қолгур…

Охири, яқин шогирдларимдан бири қулоғимга шивирлаб, шундай деди:

- Домла, бу дорини ёзиб берган дўхтир қайси махфияга (мафия демоқчи) аъзо бўлса, ўшанга тегишли дорихонадан изланг. Буни марказий поликлиника атрофидаги дори-дармон савдоси билан шуғулланадиган нуқталардан қидиринг…

Ҳафсалам пир бўлиб, дами чиқиб кетган пуфакдек шалвираб, марказий поликлиникага - врачнинг ҳузурига қайтиб келдим. Бўлган гапни: шаҳар дорихоналарини бўзчининг мокисидай кезганларимни, доридан асар ҳам топмаганимни оқизмай-томизмай, ипидан-игнасигача - ҳаммасини айтиб бердим.

Барчаси, нақ аптекачининг айтганидай бўлиб чиқди.

Шифокор ҳам энсаси қотган киши қиёфасига кириб, жавраб кетди:

- Э-э-э, Омон гаранг экансиз-ку, ака. Марказда нима қиласиз, галдираб. Мана, биринчи қаватда, Зуҳра Пўлатовнанинг дорихонасида тиқилиб ётибди-ку, бу дори…

Қарзу қавола қилиб, пулнинг қолганини икки кундан кейин олиб келиб бериш шарти билан боламнинг дардига шифо тилаб, дори-дармонларни сотиб олдим.

Аммо, айримларнинг айтишларича, поликлиника, касалхоналар ҳудудида жойлашган дорихоналар билан шаҳар марказидагилар ўртасидаги нарх-навода анчайин фарқ бўлиб, шифо масканлари ҳудудларидаги дорихоналарда мижоз жўнатган дўхтирнинг ҳам «доля»си қўшилиб, қиммат сотилар экан…

Тожикистоннинг ғарбий дарвозаси, деб тан олинган шаҳарда юз берган воқеани қаламга олиш баҳонасида, бугунги кун тиббиётида кишини хийла ташвишга соладиган ҳолатлар борлигини айтиб ўтиш зарар қилмайди, афтидан.

Беморхоналарда соҳа ходимларининг совуққонлиги даражаси жуда юқори, сабаби: касалхона остонасидан ҳатлаб ўтган беморнинг аҳволига қаралади. Агар касалнинг «қўли юпқа», чўнтаги «саёз»роқ бўлса, унинг тақдири билан ҳеч ким қизиқмайди.

У муолажа қилиш учун ётқизилган чоғда ҳам, ҳолига «маймунлар йиғлайверади».

Тиббиёт ходимлари ўртасида муносабатларга ғараз, ҳасад шунчалик «ин қуриб» кетганки, бунинг салбий оқибати залвори ҳам шўрпешона даво излаганнинг чекига тушади.

Бу нуқтага Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Тожикистон Республикаси Олий Мажлисига Пайём йўллаши жараёнида ҳам урғу бериб ўтганди.

Бугунги кунда тиббиёт муассасалари чайқов бозорига айланиб бўлди. Ҳар бир муолажа ва жарроҳликнинг ўз нарху навоси бор.

Даволаниш учун кассаларга тўланадиган маблағдан ташқари, қилинадиган харажатларнинг ҳисоби йўқ…

Назаримда, врач ўз касбига садоқат рамзи сифатида Гиппократ қасамини ичмагану, бемор касалхоналарда бўладиган ҳар қандай адолатсизлик, камситиш, азоб-уқубатларга бардош бераман, дея қасамёд қилгандек, гўё…

Бу кўнгилсизликларнинг жами, тиббиёт масканларида имону виждон саломатлигининг йўқолганиданмикан, деб ўйланиб қоласан, баъзан.

Озгина инсофи, виждони бўлган шахс юз бераётган, юракни оғритадиган кўплаб воқеаларга қўл урмайди…

Уролмайди ҳам…

Иймону виждон саломатлигини йўқотмайлик, қўлдан бой бермайлик, акс ҳолда, аламли ижтимоий кўргуликларга йўлиқишимиз ҳеч гап эмас…

 

Абдуҳафиз МИРЗААҲМЕДОВ,

«Халқ овози»нинг махсус мухбири.

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

«Пахта иши» ёки кўзбўямачилар билан юзма-юз

 

Милиция подполковниги Ўктам Жўраев ўз даврининг буюк фидойи  инсонларидан бири бўлган ғончилик (бугунда Деваштич) Жўра Расулнинг невараси. Жўра Расул ноҳиянинг Эшонқўрғон қишлоғида туғилган. Оддий чоряккор-батрак сифатида ўз даврининг бойлари хонадонида хизмат қилиб, вояга етгач, ишчи ва деҳқонлар давлати бўлган Шўролар сиёсатини қўллаб-қувватлаб, оддий ишчиликдан то раҳбарлик лавозимигача кўтарилган.

Муфассал...

Деҳқон хўжалиги ва деҳқон ташвиши

 

Ер деҳқонларга берилиб, ўз эгасини топгани рост. Инсон ҳар буюмни ўзиники бўлганидан кейингина қадрига етади ва ақли бўлса ундан унумлироқ фойдаланади. Аммо бунинг учун аниқ режалаштирилган имкониятлар яратилиши шарт. Ер ҳар бир давлатнинг асосий бойлиги. Ундан замонавий илмий-техника ютуқларидан кенг ва самарали фойдаланган ҳолда, мўл-кўл ҳосил етиштириш деҳқоннинг иши. Деҳқонга ҳамма томонлама шароит яратиш лозим. Дунёнинг

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
512163

ӮҚУВЧИЛАР СОНИ

2355951
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1019
2104
3123
2334650
49788
62133
2355951

Сизнинг IPнгиз: 3.231.228.109
Бугун: 22-10-2019 10:50:15

ҲАМКОРЛАР

 

 

   

2015