Қорин бўшлиғида суюқлик тўпланиши тиббиётда асцит, деб юритилади. Турли касалликлар бу ҳолатни вужудга келтира олади.

Ибн Сино касалхонаси духтурларининг айтишича, асцитга йўлиққан беморлар 30-40 фоизининг умри 5 йилгача камаяди. Шунинг учун ҳам асцитга учраган пайтда, албатта, духтурларга мурожаат этиш тавсия қилинади.

Асцитни қўзғатадиган иллатлар

Асцит кўпинча жигар хасталиклари туфайли вужудга келади. Фиброз ёки жигар тўқималарининг “қотиши” портал йўғон томир (вена)нинг ички босими ошишига олиб келади ва бу қон таркибидаги суюқликнинг қорин бўшлиқларига ўтишига сабаб бўлади.

Хасталикнинг пайдо бўлиш сабаблари:

жигар циррози сингари иллатлари;

В ва С гепатити;

спиртли ичимликларинг меъёридан ортиқ истеъмол қилиниши;

тухумдон ва бачадондаги онкологик иллатлар;

     ошқозон ости безларидаги иллатлар;

панкреотит хасталиги;

сил хасталиги;

юрак ва буйраклар фаолиятлари етишмовчиликлари;

Асцит белгилари

Асцит белгилари кутилмаганда ёки тасодифан кўзга ташланиши мумкин. Бу асцит хасталигининг қўзғатувчисига боғлиқдир. Кутилмаганда семириб кетиш, қорин ҳажмининг катталашуви, узала тушиб ётганда нафас қисилиши, иштаҳасизлик, қорин оғриғи, қорин шиши, кўнгил айниши ёки қайд қилиш асцит касаллиги белгиларидандир.

Асцитнинг ташхиси

Асцит ташхиси турли босқичларни қамраб олади. Дастлаб духтур томонидан бу касалликка чалиниш имкониятини ўрганиш ҳамда ташхисни тасдиқлаш учун бемор ултратовуш ёки компютер томографияси ташхисидан ўтиш учун жўнатилади. Шунингдек, ташхисни тасдиқлаш учун турли лаборатория ташхислари ҳам талаб қилинади.

Асцитни даволаш

Асцитни даволаш ҳам уни қўзғатувчи иллатга боғлиқдир. Шунинг учун ҳам асцит хасталигини аниқлаш ҳамда ташхис қўйиш учун тезлик билан духтурга мурожаат қилиб, ташхисда белгиланган барча кўрсатмаларни ўз вақтида бажариш лозим.

Асцитнинг олдини олиш:

спиртли ичимликлар истеъмолини камайтириш ёки тамоман ичмаслик;

В гепатитига қарши вакцинацияни тўлиқ тугатиш;

жинсий алоқа пайтида ҳимояланиш ва умумий фойдаланишда бўлган уколлардан фойдаланмаслик;

шўр ва жуда суюқ бўлган таомлар истеъмолидан чекиниш;

жигар хасталикларини ўз вақтида даволаш.

 Шуни ҳам қайд этиб ўтиш ўринлики, Ибн Сино касалхонаси қошида “Суғуртаи миллий” суғурта ташкилоти фаолият юритади. Бу ташкилот фаолиятини йўлга қўйишдан асосий мақсад мижозлар харажатини камайтиришга қаратилгандир.

Сиз тўлиқ маълумотни (+992 44) 640 - 01 - 02  (+992 44) 640 - 01 – 03 телефонлар орқали олишингиз ёки қуйидаги сайтлардан топишингиз мумкин: www.ibnisino.tj   ва  www.sugurta.tj.

Ўз мухбир.