Кўйлагинг ивибди монанди саҳоб,

Қошларинг эгилмиш - қаноти уқоб,

Лабларинг баргидан   тўкилур гулоб,

Ёмғирли бир кунда келдинг, хуш келдинг.

Оғирлашиб борар  кипригинг тори,

Армонларим учар  ул йўқлик сори,

Этагингда йўқдир  йўлнинг ғубори,

Ёмғирли бир кунда келдинг, хуш келдинг.

Қирқ кокилинг узра томчилар шодоб,

Минг рангда товланиб қилар печутоб,

Томчилар-ла этдим, умримни ҳисоб,

Ёмғирли бир кунда келдинг, хуш келдинг.

Лабларинг дарёнинг ўзидек гўзал,

Кугуларинг гулбарг изидек гўзал,

Сўзларинг Мавлоно сўзидек гўзал,

Ёмғирли бир кунда келдинг, хуш келдинг.

Сен йўллар файзидан меҳмон бўлдинг, оҳ,

Нечун ёмғир ичра айлайин нигоҳ?

Кўзларим уйини айла сарпаноҳ,

Ёмғирли бир кунда келдинг, хуш келдинг.

Гулназар Келди,

Тожикистон халқ  шоири.