Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 12 Июл 2018 Кӯришлар: 301
Печат

 

sh shohin 2018Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон олиб бораётган бунёдкорлик сиёсати туфайли, мамлакатимизнинг барча гўшаларида ободончилик ишлари яхши йўлга қўйилганлигига ҳар бир юртдошимиз гувоҳ бўлмоқда. Шамсиддин Шоҳин (собиқ Шўрообод) ноҳияси истиқлолиятнинг илк йилида қайтадан ташкил этилган бўлиб, мустақиллик йилларида бу ерда кенг миқёсда

ободончилик ва бунёдкорлик ишлари амалга оширилди. Ноҳияда амалга оширилган барча ободончилик ишлари бевосита мамлакатимиз Президенти муҳтарам Эмомали Раҳмонинг кўрсатмалари ҳамда маҳаллий ҳокимият раҳбарлари ташаббуси билан амалга ошганлиги табиий.

Халқимизнинг буюк байрамларидан ҳисобланган Бирлик ва миллий тотувлик – Ваҳдат байрами арафасида Шамсиддин Шоҳин ноҳияси маркази билан танишиб, мустақиллик йилларида ноҳия аҳолиси қўлга киритган ютуқлар кўлами анчайин кўзга кўринарли эканлигининг гувоҳи бўламиз.

Энг асосийси, ноҳия марказидан ўтадиган Шўрообод-Қалъаихумб халқаро автомобил шоҳйўли ободончиликнинг асосини ташкил этади, десак муболаға бўлмайди. Мамлакатимизни Хитой Халқ Республикаси билан боғлайдиган мазкур автомобил йўли, нафақат, Ш. Шоҳин ноҳияси, балки мамлакатимиз учун стратегик аҳамиятга молик иншоотлардан бири ҳисобланади.

Айни пайтда қурилиши давом этаётган ноҳия Маданият қасри биноси ҳам, Тинчлик ва миллий бирлик асосчиси - Миллат пешвоси муҳтарам Эмомали Раҳмоннинг кўрсатмаси билан амалга ошмоқда. Айни кунларда бино қурилишининг асосий ишлари тугатилган бўлиб, қурувчилар пардозлаш ишларини давом эттиришмоқда. Мазкур иншоот жорий йил истиқлолият байрами арафасида фойдаланишга топширилиши режалаштирилган.

- Замонавий тарзда қурилаётган ноҳия Маданият қасри икки қаватдан иборат бўлиб, 450 кишига мўлжалланган томоша зали, кичик мажлисгоҳ, қаср раҳбарияти учун иш кабинетлари ҳамда пардозхонадан иборат, - деди қурувчилар бошлиғи Субҳонқул Султонов биз билан суҳбатда.

Маданият қасри ҳовлисига номи ноҳияга берилган нуктадон шоир Шамсиддин Шоҳиннинг бюсти ўрнатилиши ҳам кўзда тутилган экан.

- Жорий йилда халқимизнинг севимли шоири Шамсиддин Шоҳиннинг 160 йиллик юбилейи қайд қилинади, - деди С. Султонов. – Бу хайрли иш амалга ошса, тадбирга муносиб совға бўлиши табиий.

Ноҳия марказидаги 1-ўрта умумтаълим муассасаси бу ердаги замонавий бинолардан бири ҳисобланади. Ўтган йилнинг 70-йилларигача Шўроободда замонавий мактаб йўқ эди ҳисоби. Ўқувчилар «Шўрообод» ҳарбий қисми ўтган асрнинг 30-йилларида фойдаланган эски биноларда таълим олишарди. Айни пайтда ноҳия маркази ва унинг атрофидаги маҳаллаларда учта замонавий ўрта умумтаълим муассасаси фаолият юритади ва уларда 2000 нафарга яқин ўқувчилар таълим-тарбия билан қамраб олинган. Мустақиллик йилларида бунёд этилган ва қайта тикланган Кўҳдоман, Роғиён, Жавонон, Фирдавсий, Истиқлол ва Дўстий маҳаллалари шўроободликларнинг мустақиллик йилларида қўлга киритган ютуқлари сирасига киради. Ноҳия маркази аҳолиси 10 минг нафарга яқинлашганлиги ҳам унинг тобора ободонлашиб бораётганлиги нишонасидир.

Бундан ташқари, шу кунларда давлат ҳокимияти Шамсиддин Шоҳин ноҳия ижроия органининг янги биноси қурилиши якунланиш арафасида. Бу иншоот ҳам истиқлолият байрами арафасида фойдаланишга топширилади.

Замонавий тарзда қурилган Ички ишлар вазирлигининг ноҳиядаги бўлими, Миллий хавфсизлик комитети минтақа бошқармасининг ноҳия бўлими, Аҳоли ижтимоий ҳимояси ва нафақа бўлими, ҳарбий комиссариат, ноҳияда жойлашган ҳарбий қисм, беморхона, «Амонатбонк», «Тожиксодиротбонк», «Агроинвестбонк» ва бошқа идора, ташкилот ва муассасаларнинг маъмурий бинолари ноҳия маркази қиёфасини ўзгартириб юборган. Шунингдек, бу ерда амал қилаётган мева-сабзавотни қайта ишлаш корхонаси, ўнлаб таълим муассасалари, саломатлик марказлари, тижорат дўконлари, магазинлар, спорт майдончалари, шунингдек, ноҳия маркази аҳолисининг замонавий тарзда қурилган яшаш манзиллари ободончилик нишоналари эканлиги табиий.

Айни пайтда ноҳия маркази ва унинг атрофидаги маҳаллалар аҳолиси ичимлик сувидан танқислик чекишмайди. Ноҳия марказида тўққизта қудуқ қазилган бўлиб, аҳолини ичимлик суви билан таъминлайди.Навобод, Хожағалтон, Себдара маҳаллалари аҳолиси ҳашар қилишиб, қишлоқларига ноҳия марказидан уч-тўрттадан сув қувурлари тортиб боришиб, ичимлик суви муаммосини ўртадан кўтарганлар.

Дарҳақиқат, айни пайтда, Шамсиддин Шоҳин ноҳияси аҳолиси ноҳия раиси Почохон Зарифзода раҳбарлигида ҳамжиҳатлик билан ободончилик ва бунёдкорлик ишларини йўлга қўйишган. Улар Бирлик ва миллий тотувлик – Ваҳдат байрамини тоғликларга хос самимият ва кўтаринки кайфият билан кутиб олишлари ҳамда мамлакатимизнинг бу чекка тоғли ноҳияси янада обод бўлишига ишонч бор. Энг асосийси, улар саодатли келажак сари бунёдкорона қадамлар билан одимлашаётганликларида…

 

Зубайдулло РАҲМОНЗОДА,

Искандар МАҲМАДАЛИЕВ,

Шамсиддин Шоҳин ноҳияси.

Украинанинг келажаги кандай?

КАЛЕНДАР

« Апрел 2019 »
Дш Сш Чш Пш Жм Шб Яб
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

МАҚОЛАЛАР

ДИННИ НИҚОБ ҚИЛГАН ЭКСТРЕМИСТЛАР…

 

Тинчлик ва миллий бирлик асосчиси – Миллат пешвоси, муҳтарам Эмомали Раҳмон Жаноби олийларининг мамлакат Олий Мажлисига юборган навбатдаги Паёмини барча ватандошларимиз қатори биз Имом Абуҳанифа (р.) номли Тожикистон Ислом олийгоҳи ўқитувчилари жамоаси ҳам ҳамжиҳатлик билан ойнаи жаҳон орқали томоша қилиб, сўнгра чоп шаклидагисини мутолаа қилдик. У кишининг ҳар бир айтган маъноли сўзларида ҳаёт акс этаётганини

Муфассал...

«Ғурбатда ғариб шодмон бўлмиш эмиш…»

 

2002 йилнинг ёзи эди. Мен ўшанда ўн еттига қадам қўйгандим. Ҳамсоямиз Тоғай малим Россиядан пул ишлаб келди. Қамиш билан ёпилган томини бузиб, баланд кўтарди-да, шийпир қоқди. Буни кўрган ҳамқишлоқлар пайтавасига қурт, кўнгилларига васваса тушди, ҳисоб. Отам ҳам бир куни масжиддан ҳовлиқиб келди-да: ”Тоғай малим яқинда Москвага қайтаркан. Илтимос қилгандим. Сени обкетишга кўнди. Тўрт кундан кейин жўнайсанлар”,- деди, очиқ осмонда чақмоқ чаққандек қилиб. Ўша кеча ухлай олмадим. Эрталаб жойимдан турарканман, танам жуда ланж эди

Муфассал...

СТАТИСТИКА

Сайтга кирганлар
1
Мақолалар
738
Мақолаларни кӯрганлар сони
420383

ӮҚУВЧИЛАР СОНИ

2093776
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1183
1623
1183
2073937
52061
74014
2093776

Сизнинг IPнгиз: 3.80.224.52
Бугун: 22-04-2019 23:02:53

ҲАМКОРЛАР

 

 

   

2015