*** Беҳуда гапирма, оқибати яхши эмас.

*** Эй, инсон, билгин, сенинг умринг қисқа, ғайрат қил, башарият учун хайру саховат ниҳолини эк, дон эк, токи улар сендан баҳра олишсин.

*** Эй, инсон, сен келдинг ва билгинки, У сени на ейишу ётиш ё фақат ишқ билан машғул бўлиш учун яратмади. У сени ўз инсонийлик қарзингни Унинг

наздида бажаришинг шарт эканлиги учун яратди. Сен ўз қарзингни бажар. Вассалом. 

***

Сен хасаки эмас, ҳақиқий инсонсан. Сен ҳамиша билгин, босиб ўтишинг шарт бўлган хатарлар тўла йўлда ҳеч қачон қўрқоқ бўлишинг керак эмас. Йўлингда қийинчиликлар сон-саноқсиздир, тоғлар, денгизлар, ғорлар ва хусусан, тимсоҳлар, йўлбарслар, аждаҳо, сон-саноқсиз илонлар сени, албатта, қарши олишади. Сен бу барча қийинчиликларга тайёр бўлишинг шарт.

***

Агар сен кўп ўзингдан кетдинг ва одамларга нисбатан ножоиз хатти-ҳаракатлар қилдинг, унда билгинки, сени у дунёда қуртлар, ўргимчаклар ва оқибат дўзах кутади. Сен ҳеч қачон унутма, дарахт шохидаги барг каби вақтинчалик бир фаслда дунёга келасан ва оқибат дарахт шохидан хазон бўлиб тушасан… Сен андиша қилгинки, ким эдингу ким бўлдинг…

***

Билгинки, сенинг ҳаётинг вақтинчалик эди, кетиш сени интизор. Сенинг кетишинг бу бир лаҳза эдики, пашша келди-ю кетди. Бас, то оёқларинг устида устуворсан ва қўлу қулоғу кўзларинг фаол экан, кетганларга ёрдам қўлини чўзиш учун дуруст бўлишга ҳаракат қил.

***

Инсон, сен башариятга зарар келтирадиган амални қилма. Бошлаган ишингни охирига етказ. Ишинг ўнгидан келмаганда ҳеч қачон таслим бўлма.

***

Агар бахтсизликка учрасанг ҳеч қачон золим бўлма. Билгинки, буларнинг ҳаммаси вақтинчалик ва ўткинчидир. Ҳамиша Унга суяниб, ўзингга тасалли бергин, бу қора булутлар ўткинчидир.

***

Ўзингга айтгин, иншоаллоҳ, бу оғир кунлар ва қора булутлар узоқлашади. Ва сенинг кундалик ҳаётингга қуёш ёруғлик қилгусидир.

Ҳошим ГАДО.

Тожик тилидан Муҳаммадражаб БЕРДИЁРОВ таржимаси.