Биз билан боғланинг:

   

Бизга қӯшилинглар

ХАБАРЛАР

НАСР

Муаллиф: Super user Категория: НАСР
Чоп этилган 04 Май 2017 Кӯришлар: 651
Печат

 

bixalicha 2017ёки  «бриллиант  оёқ»

Аввало, айтиб қўяй. Хоҳ ишонинг, хоҳ ишонманг, мен қуйидаги гапларни кимнидир қизиқтириш учун ўйлаб топганим йўқ. Агар гапимга ишонган бўлсангиз, бошладим.

Биласизми, мен нимани яхши кўраман? Байрамларни ва туғилган кунни. Сиз ҳам яхши билсангиз керак, шу кунлари одам фақат яхши сўзлар, табриклар

эшитади. Совғаларни айтмайсизми,  совғаларни!  Мен учун совғанинг катта-кичиги йўқ,  оддий ручками, дафтарчами, хурсанд бўлавераман. Негаки, бу совғаларга меҳрни ҳам қўшиб беришади-да! Ҳа, яна бир гап: одамлар бир йилда бир марта туғилса, мен тўрт марта туғилганман. Ишонмайсизми? Майли, аввал бир эшитиб кўринг!

Бошланғич синфларда ўқиб юрганимда 22 апрелда туғилган кунимни нишонлардим. Туғилганлик ҳақидаги гувоҳномамни ҳижжалаб ўқиб билганман. Битта рақам эсимда қолган. Бу кун Шўролар даврида жуда тарихий кун ҳисобланарди. Чунки ўша пайтдаги доҳиймиз  Ленин ҳам худди ўша кунда туғилганди. Синфдошларимнинг менга ҳаваслари келарди. Мактабни битираётганимда гувоҳномани ўқиб кўрсам, аслида 22 апрелда менга метрика, яъни гувоҳнома ёзишган экан.

Олий ўқув юртини битириб, эндигина мактабда иш бошлаган йилларим. Мени 5-«а» синфига раҳбар этиб тайинлашди. Болалар жуда шўх эди. Бошланғич синф ўқитувчиси уларни эркалаб ўргатиб қўйган эканми, ҳечам гапни тушунишмайди. Синфга кирганим заҳоти атрофимга тўпланиб, қий-чувлашишади.  Пўписа қилгандай бўлсам, бир зумгина жим ўтиришади-да, яна атрофимга йиғилишади. Тарбиявий соат ўтмоқчи бўлсам, бир-бирининг айбини айтиб, чақимчилик қилишади. Сочи ўсиб кетган болаларга пўписа қилсам, қизчалар ўнта қайчини ўнглаб, ҳалиги болани ушлаб келтиришади. Уларни «рамка»га солгунча анча қийналдим.  Худога шукур, аста-аста ҳаммаси жойига тушди. Энди ҳар ҳафтанинг шанба куни болаларнинг ўзи тарбиявий соатга тайёрланиб келишади, прогулчилар билан иш олиб боришади, ким кўп баҳо оларга мусобақа ўйнашади. Фақат, шу шўхликлари тийилмаяпти-да!

Хуллас, биринчи апрел куни дарсга кирдим. Болалар билан ҳазиллашмоқчи бўлиб, «болажонлар, мени бугун хафа қилманглар, чунки менинг туғилган куним!»-деб қўйдим. Дарс кўнгилдагидай ўтди. Ўқувчилар барча топшириқларни яхшигина бажаришди. Қўнғироқ чалиниб, улар хайрлашишни ҳам насия қилиб, ташқарига отилиб чиқиб кетишди. Бир маҳал иккинчи соатда бирин-кетин мени чақириб кела бошлашди. Бирининг қўлида қоғоз гул, биттасининг қўлида рўмолча, яна бири откриткага нимадир ёзган, мени туғилган куним билан табриклашяпти. Менинг ҳазилимга улар чиппа-чин ишонишибди. Болаларнинг меҳр ва самимиятга тўла кўзларига боқиб, «мен биринчи апрел билан ҳазиллашгандим», – дея олмадим. Шундан буён ўша ўқувчиларим мени ҳалиям биринчи апрелда табриклашади.

Ҳаётимда яна бир марта дунёга келиш насиб қилган экан, уни 12 феврал,  деб белгиладим. Чкалов, айтгандай ҳозирги Бўстон  шаҳрининг 1-май кўчасида яшардим. 80-маршрутка кўчанинг нариги томонидан келарди. Ишдан қайтишимда доим ўша йўлдан келардим. Бундан ўн йилча илгари ишхоналарда ҳали технология ривожланмаган пайтлар эди. Газета саҳифаларини боғлаш жуда қийин эди. Шу сабабли, газета кунларида доим кеч қолардик. Кунлар қисқа, дарров қоронғи тушарди. Ўша куни ҳам ишдан кеч қайтдим. Қаттиқ шамол эсарди. Маршруткадан тушиб, энди йўлнинг бу четига ўтувдим ҳамки, бир катта дарахт қарсиллаб устимга қулади. «Вой онажооон!»-деганимча турган жойимда қолдим. Худонинг қудрати билан дарахтнинг икки шохи орасига тушиб қолибман. Агар бошимга тушса ёки бир шохчасиям бир еримни тилиб кетса, нима бўларди? Аллақачон, ердан кўкариб чиққан бўлардим. Ўзимни ўнглаб олгунимча, икки нафар йигит югуриб келиб, мени дарахтлар орасидан олиб чиқишди. Уйимгача кузатиб қўйишди. Эртасигаёқ, бир эчкини сўйиб, худойи қилиб бердим. Шундан буён бу кунни ҳам нишонлайдиган бўлдим.

Энг сўнгги туғилган куним– 13 июн. Ўша куни мен жуда катта жарроҳлик амалиётини бошдан кечирганман. Нақ 7 минг долларлик тиллами, бриллиантми, ишқилиб, қимматбаҳо металлни оёғимга «улашган». Турмуш ўртоғим ҳазиллашиб: -«Хотин, ўзингданам оёғинг қиммат, эҳтиёт бўл, ҳаммага айтаверма, яна ўғрилар билиб қолиб, оёғингни синдириб, олиб кетишмасин», - деб қўядилар. Хуллас, бир йилда тўрт марта туғилиб, тўрт гуруҳдаги гапчиларимни чақириб, зиёфат бериб, совғалар оламан.    Ҳақиқий туғилган кунимни эса, ҳеч кимга айтмайман.

 

БИХАЛИЧА,

Бобожон Ғафуров ноҳияси.

КАЛЕНДАР

« Январ 2020 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

БУНЁДКОРЛИК ҒЎЛАКАНДОЗЛИКЛАРГА АБДУҒАФУР ОТАДАН МЕРОС

 

Қишлоқ жамоатимиз аҳолиси барча тожикистонликлар қаторида мустақил юртимизнинг равнақи йўлида ҳалол меҳнат этагини тутганлар. Юртимизда ҳукмрон осойишталик, истиқлол ютуқлари, фаровон турмуш уларнинг ҳар бирининг юрагида ватанпарварлик ҳиссини жўштириб, янги меҳнат зафарлари сари ундаётганлиги ободончиликка замина яратмоқда.

Муфассал...

ЖОНЛАНТИРИШ БЎЛИМИДА КЕЧГАН ЯНГИ ЙИЛ БАЙРАМИ

 

Ёруғ хона, аммо сокин бӯлишига қарамай, дилгир, каравоту бемор тӯшаги, қондош синглим томирларига қуйилаётган осма уколнинг чак-чаки бу - реанимация.

Палата  четида столу стул, қоғозу қалам, ойнаю тароқ, пилка (тирноқ ранда) ва ҳамширанинг оқ халатли, келбатли жувон билан сӯқаётган чақ-чақи бу - реанимация.

Рӯпарадаги эшик, медбрату медсестра «толпа»си, Янги йил оқшоми, кулги, енгил-елпи ҳазил аралаш сӯкишлар бу - реанимация.

Муфассал...

СТАТИСТИКА

Сайтга кирганлар
1
Мақолалар
835
Мақолаларни кӯрганлар сони
593929

ӮҚУВЧИЛАР СОНИ

2586409
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
728
3237
19851
2546984
54505
86682
2586409

Сизнинг IPнгиз: 100.26.179.196
Бугун: 19-01-2020 05:24:19

ҲАМКОРЛАР

 

 

   

2015