14 июл куни Миллат қасрида Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон Туркманистон Вазирлар маҳкамаси раиси ўринбосари, Ташқи ишлар вазири Рашид Мередов билан учрашди.

Учрашувда Тожикистон ва Туркманистоннинг томонларни қизиқтирган соҳалардаги давлатлараро муносабатлари ҳозирги ҳолати ҳамда истиқболлари

кўриб чиқилди.

Давлат бошлиғи суҳбат аввалида Тожикистон ва Туркманистоннинг турли соҳалардаги алоқалари зарур даражада йўлга қўйилгани, уларни муваффақиятли ривожлантириш учун иккала томон интилиш ва ҳаракатларидан кенг фойдаланилиши кераклигини айтди.

Тожикистон ва Туркманистон конструктив муносабатлари ва халқлари дўстлиги асрлар қаъридан бошланиб, бугун доимий сиёсий диалог ва давлатлараро муносабатлар шартнома-ҳуқуқий базаси зарур даражада тургани борасида бир хил фикр билдирилди.

Давлатлараро ҳамкорликларни янада мустаҳкамлаш мақсадида иқтисодиёт, савдо, энергетика, жумладан, минтақавий газ қувури қурилиши, йўл-транспорт соҳаларида муштарак лойиҳаларни амалга татбиқ этиш, айниқса, тўғридан-тўғри ҳаво алоқаларини доимий таъминлаш, минтақавий темир йўллар қурилиши, илм, маориф, маданият ва соғлиқни сақлаш соҳаларида янада кўпроқ ҳамкорлик қилиш, Тожикистон ва Туркманистоннинг савдо-иқтисодий ва илмий-техник ҳамкорликлар бўйича ҳукуматлараро комиссияси фаолиятини жонлантириш, тадбиркорлик доиралари ва давлат компаниялари доимий диалогини таъминлаш, Ишчи кенгаши ташкил этиш ва Савдо уйлари очиш зарурлиги қайд қилинди.

Амалга татбиқ этилишида иккала давлат ҳам иштирок этаётган йирик инфратузилма лойиҳалари устувор тараққиёт ва минтақа доирасида муваффақиятли интеграциянинг муҳим омили ҳисобланиши таъкидланди.

Учрашувда, шунингдек, Тожикистон ва Туркманистоннинг минтақавий ва халқаро ташкилотлар доирасидаги ўзаро муносабатлари, хавфсизликни таъминлаш, халқаро терроризм ва экстремизм, наркотик моддалар ноқонуний савдосига қарши кураш, Афғонистонда сиёсий ва ҳарбий вазиятни барқарорлаштиришда фаол иштироки билан боғлиқ масалалар ҳам кўриб чиқилди.

"Ховар" ТМАА.