Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 21 Июл 2016 Кӯришлар: 1933
Печат

 

futbolХалқаро футбол федерациялари ассоциацияси (ФИФА) жаҳон терма жамоаларининг навбатдаги рейтинг варақасини эълон қилди.

Унга кўра, Тожикистон миллий терма жамоаси 19 поғона юқорилаб, 145-жойни ишғол этди.

"Осиё кубоги-2019" турнирининг саралаш босқичида Бангладеш термасига қарши ўтказилган икки учрашувда эришилган ғалаба мамлакатимиз бош жамоасининг мавқеи яхшиланишига хизмат қилди.

Тожикистон футбол федерацияси раҳбарияти икки Осиё давлати - Сурия ва Туркманистон терма жамоалари билан ўртоқлик учрашувлари ўтказишга келишиб олди.

Уларнинг биринчисида футболчиларимиз 27 август куни Хўжанддаги "Тожикистон мустақиллигининг ХХ йиллиги" номли стадионда Сурия термасига қарши тўп суришади.

Иккинчиси 9 ноябр куни Душанбедаги республика марказий стадионида Туркманистон термасига қарши ўтказилади.

 

------------    Футзал    ------------

НАТИЖАЛАР ЁМОН ЭМАС…

Илгари хабар қилганимиздек, Тожикистон ва Ўзбекистон Республикалари футбол федерациялари ўртасидаги келишувга биноан,  икки қўшни давлат футзалчилари ўртасида учта ўртоқлик учрашуви ўтказилди.

Учта ўйиндан иккитасида жанговар дуранг (3:3, 5:5) натижа қайд этилган бўлса, биттаси кичик ҳисобда (2:1) майдон эгалари фойдасига ҳал бўлди.

Эслатиб ўтиш жоизки, жорий йилнинг феврал ойида Тошкент шаҳрида бўлиб ўтган "Осиё чемпионати-2016" турнирининг финалида ўзбекистонлик футзалчилар эронликларга имкониятни бой бериб, кумуш медали соҳиби бўлишган эди.

Энди улар сентябр ойида Колумбияда ўтказиладиган жаҳон чемпионати мусобақаларида иштирок этишади.

 

------------    Олимпизм    ------------

КАТТА СИНОВЛАР ОЛДИДАН

Яқинда Бразилиянинг Рио-де-Жанейро шаҳрида ХХХI ёзги олимпиада ўйинларига старт берилади.

Маълумки мазкур спорт анжуманида 7 нафар спортчиларимиз мамлакатимиз шарафини ҳимоя қилишади. Булар: босқон ирғитувчи Дилшод Назаров, дзюдочилар Комроншоҳи Устопириён ва Муҳаммадмурод Абдураҳмонов, боксчи Анвар Юнусов, сузувчилар Анастасия Тюрина ҳамда Олим Қурбонов, югурувчи Кристина Пронженколардир.

Ёзги олимпиада ўйинларининг тантанали очилиш маросимида  спортчиларимиз сафи олдида Тожикистон байроғини Дилшод Назаров кўтариб ўтади.

Тожикистон Миллий олимпиада қўмитаси бош ассамблеяси йиғилишида шундай қарорга келинган.

 

=======    Жаҳонда    =======

------------    Шаҳмат    ------------

МУДДАТИДАН ОЛДИНГИ ҒАЛАБА

Дортмунд шаҳрида дунёнинг энг кучли гроссмейстерлари иштирок этган супертурнирга якун ясалди.

Унда франциялик дона сурувчи Ваше-Лаграв муддатидан илгари турнир ғолиблигига эришди.

Мусобақаларнинг 6-турида француз шаҳматчиси украиналик Руслан Понамарёв устидан ғалаба қозониб, турнир тугашига уч тур қолганида ғолиб деб топилди.

Шунингдек, бу нуфузли турнирда Америка, Россия, Хитой, Норвегия сингари давлатлар намояндалари ҳам ўзаро куч синашишди.

 

------------    Теннис    ------------

ҒОЛИБ - СЛОВАКИЯ ВАКИЛИ

Германиянинг Гамбург шаҳрида теннис бўйича халқаро турнир бўлиб ўтди.

Унинг финал босқичида словакиялик Мартин Клижан ва уругвайлик Пабло Куовасалар бош соврин учун ўзаро беллашдилар.

Қизғин курашлар асосида ўтган учрашувда Мартин Клижан 6:1, 6:4 ҳисобида устунликка эришди.

Ғолиб эса, 316 минг евро соврин пули билан тақдирланиши баробарида, ўз жамғармасига 500 рейтинг очкосини ҳам тўплаб олди.

 

------------    Бокс    ------------

БИРИНЧИ МАҒЛУБИЯТ АЛАМИ

Америка Қўшма Штатларининг Бирмингем шаҳрида касбий бокс бўйича рейтинг жанги бўлиб ўтди.

Унда ижтимоий келиб чиқиши арман миллатига мансуб бўлган австралиялик боксчи Вахтанг Дарчинян ва Энрике Кеведолар рингга кўтарилишди.

Муштлашув унча узоқ давом этмади. Дастлабки дақиқаларданоқ устунликни ўз томонига ағдариб олган Энрике Кеведо жангнинг иккинчи раундидаёқ ўз рақибини нокаут ҳолатига туширди ва беллашувга нуқта қўйди.

Вахтанг Дарчинян эса, ўз фаолиятида биринчи бор мағлубият аламини татиб кўрди.

 

"Халқ овози"нинг спорт шарҳловчиси.

КАЛЕНДАР

« Ноябр 2026 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

МАҚОЛАЛАР

Эл нетиб топғай мениким…

 

1987 йилнинг кузаги. Тонг маҳали Матбуот уйи, деб аталадиган қутлуғ даргоҳга йўл олдим. Осмон мусаффо, офтоб чарақлаб турибди. Бу ерда республика ўзбекларининг отахон газетаси ҳисобланган "Совет Тожикистони" (ҳозирги "Халқ овози")нинг идораси жойлашган бўлиб, кираверишда узун коридор, кенг ёруғ хоналардан иборат эди. Азизу мўътабар, меҳрибон, дилкаш инсонлар қалам тебратардилар. Тилларида ширин сўз, юзларида табассум

Муфассал...

Бешиктобут

 

Қарийб бир ойдан буён боғ четида қандайдир иш билан машғул. Қалам билан ниманидир белгилайди, арралайди, қоғоздаги эскизни чўпга тушириб, уни қочов билан ўяверади, ўяверади… Унинг нима қилаётганлигини бирор киши билмайди, сўрамайди ҳам. Агар кимдир ҳовлига кирса ёки боғ четидан ўтиб қолса, ишора билан салом беради ва паст овозда  "Ҳорма, ишлар билан" дейди. У ҳам аранг жавоб қайтаради  ёки бошини қимирлатибгина  қўяқолади.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2618238

ӮҚУВЧИЛАР СОНИ

10376330
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
718
4229
18946
10316547
111842
161581
10376330

Сизнинг IPнгиз: 216.73.217.135
Бугун: 20-11-2026 03:25:20

ҲАМКОРЛАР

 

 

   

2015