Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 17 Март 2016 Кӯришлар: 782
Печат

 

dzudoТуркиянинг Анталия шаҳрида курашнинг дзюдо тури бўйича анъанавий Европа кубоги халқаро турнири бўлиб ўтди.

Унда мамлакатимиз шарафини ҳимоя қилган ёш, умидли спортчи Ёқуб Назиров олтин медални қўлга киритди.

Гиламга 81 килограмм вазн тоифасида чиққан курашчимиз финал босқичигача бўлган барча беллашувларда рақиблари курагини ерга теккизди.

Ўтган йили ҳам мазкур анъанавий халқаро турнирда иштирок этган юртдошимиз фахрли учинчи ўринни эгаллаб, бронза медали соҳиби бўлган эди.

---------------    Футбол    ---------------

ФЕДЕРАЦИЯ КУБОГИ «РЕГАР-ТАДАЗ»ДА

Мамлакатимиз пойтахти Душанбе шаҳрида футбол бўйича Тожикистон футбол федерацияси кубоги турнири ниҳоясига етди.

Мусобақанинг ҳал қилувчи финал босқичида Турсунзода шаҳрининг «Регар-ТадАЗ» ва Хўжанднинг «Хўжанд» жамоалари бош совринга эгалик қилиш учун «яшил майдон»га тушди.

Хавфли вазиятлар ва кескин ҳужумларга бой бўлган учрашувнинг 25-дақиқасида «металлурглар» форварди Ромиш Жалилов киритган ягона гол жамоасига ғалаба келтирди.

Шундай қилиб, «Регар-ТадАЗ» клуби ўз тарихида иккинчи бор федерация кубоги соҳибига айланди.

Учинчи ўрин учун бўлган қарама-қаршиликда Қўрғонтепанинг «Вахш» ва пойтахтнинг ЦСКА «Памир» жамоалари ўзаро тўп сурди. Натижа кичик - 0:1 ҳисобида жанубликлар фойдасига ҳал бўлди. 

---------------    Якка кураш    ---------------

ОЧИҚ ТУРНИР ҒОЛИБЛАРИ

Хўжанд шаҳридаги «Юбилейний» спорт саройида ўсмир ва ёшлар ўртасида Шарқ яккакурашининг каратэ-до тури бўйича очиқ турнирга якун ясалди.

Мусобақаларда Суғд вилоятининг шаҳар ҳамда ноҳияларидан 300, жумладан, 50 нафар қиз бола иштирок этди.

Эришилган натижалар якунига кўра, очиқ турнир ғолиблиги Хўжанд шаҳри намояндаларига насиб қилди.

Иккинчи ва учинчи жойларни эса, Бобожон Ғафуров ноҳияси ва «Истиқлол» шаҳри каратэчилари ишғол этишди.

Очиқ турнир давлат ҳокимияти Хўжанд шаҳар ижроия органи қошидаги Ёшлар, спорт ва сайёҳлик ишлари бўйича бўлимнинг спорт тадбирлари ўтказиш режасига биноан ташкиллаштирилди.

 

=======    Жаҳонда    =======

---------------    Кураш    ---------------

«КЎҲНА ДУНЁ» ЧЕМПИОНЛАРИ

Рига шаҳрида эркин кураш бўйича Европа чемпионати мусобақалари ўтказилди.

Турнирнинг 125 килограммгача вазн тоифасидаги полвонлари ўртасидаги беллашувлар ғолиблиги грузиялик Гено Патриашвилига насиб этди.

У ҳал қилувчи финал босқичида полшалик Роберт Баран устидан 11:0 ҳисобида устунликка эришди.

Айнан шу шаҳарда юнон-рим кураши бўйича йўлга қўйилган қитъа чемпионатининг ўта оғир вазнли вакиллари орасида Туркия намояндаси Ризо Каяалп ғолиб чиқди.

У финал учрашувида 130 килограмм вазн тоифасида гиламга чиқиб, украиналик Александр Чернецни доғда қолдирди.

---------------    Баскетбол    ---------------

МАВСУМ РЕКОРДИ ЎРНАТИЛДИ

Миллий баскетбол ассоциацияси мунтазам чемпионатининг «Голден Стэйт Уорриорз» ва «Портленд Трэйл Блэйзерс» жамоалари ўртасидаги учрашув чоғида мавсумнинг янги рекорди ўрнатилди.

Голден стэйтчилар ўйиннинг биринчи ярмида рақиблари саватига тўп ташлаш бўйича 81 очко жамғаришга муваффақ бўлдилар.

Миллий баскетбол ассоциацияси мунтазам чемпионати тарихида 51 марта мавсум рекорди ўрнатилган, аммо ҳеч қачон бундай юқори натижа қайд этилмаган.

Баскетбол клубининг икки нафар аъзоси Стивен Карри ва Клэя Томпсонлар урашувнинг дастлабки 24 дақиқасида жамоалари жамғармасига 46 балл тўплашди. 

---------------    Футбол    ---------------

«РОСТОВ» - БИРИНЧИ ПОҒОНАДА

Россия премер-лигасининг 20-туридан сўнг турнир жадвалининг пешқадами ўзгарди.

Навбатдаги турда жадвалда биринчи ўринни ишғол қилиб бораётган Москванинг ЦСКА (Марказий армия спорт клуби) жамоасини қабул қилган Дон дарёси бўйидаги Ростов шаҳрининг «Ростов» клуби футболчилари рақибларини 2:0 ҳисобида мағлуб этиб, жадвалнинг биринчи поғонасига кўтарилиб олишди.

Турнинг қолган учрашувлари қуйидаги натижалар билан тугади: «Кубан»-«Крылья Советов»-2:0, «Урал»-«Анжи»-4:2, «Спартак»-«Амкар»-2:1, «Мордовия»-«Краснодар»-0:1, «Локомотив-М»-«Уфа»-2:0, «Зенит»-«Рубин»-4:2, «Динамо-М»-«Терек»- 0:1.

«Халқ овози»нинг спорт шарҳловчиси. 

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

АНОМАЛ ИССИҚ ҲАРОРАТ ВА ЎЛКАМИЗНИНГ АБАДИЙ МУЗЛИКЛАРИ

 

- Қадимий Саразмнинг 5500 йиллиги Тожикистон Республикаси Ҳукумати қарори асосида 2020 йил ўтказилади, - деди Тожикистон Фанлар академияси президенти Фарҳод Раҳимий Фанлар академиясининг ярим йиллик фаолиятига бағишланган матбуот конференциясида. – Айни пайтда тадбирнинг ташкилий комитети ҳамма томонлама тайёргарлик ишларини олиб бормоқда. Шу билан бирга академия олимлари қадимий Саразмда илмий-тадқиқот ишларини давом

Муфассал...

Жиноятчилик – жамият кушандаси…

 

Жиноят – ҳар қандай жамиятнинг пок нуфузига тушадиган қора доғ, унинг равнақига тўсиқ бўладиган - ёмон иллат.

Айниқса, бу қусур ёшлар, хусусан, балоғатга етмаганлар орасида кенг илдиз отса, жамоатчилик учун бундан ортиқ фожиали ҳолат бўлмаса керак.

Энг аянчлиси шундаки, вояга етмаган авлод томонидан қўл урилган жиноят, янгиси учун йўл очади. Каттароқ жиноятга чорлайди.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
513645

ӮҚУВЧИЛАР СОНИ

2360003
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2605
2466
7175
2334650
53840
62133
2360003

Сизнинг IPнгиз: 3.228.21.186
Бугун: 23-10-2019 21:33:21

ҲАМКОРЛАР

 

 

   

2015