Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 27 Ноябр 2015 Кӯришлар: 678
Печат

 

xorkashevМарокко давлатида курашнинг самбо тури бўйича жаҳон биринчилиги мусобақалари бўлиб ўтди.

Унда юртдошимиз Набимуҳаммад Хоркашев 100 килограммдан ортиқ вазн тоифасида гиламга чиқиб, нуфузли турнирнинг кумуш медалини қўлга киритди.

У ҳал қилувчи финал босқичида уч карра жаҳон чемпиони, россиялик Артём Осипенкога имкониятни бой бериб қўйди. Шундай қилиб, рус курашчиси тўртинчи марта ғолиблик шоҳсупасининг энг баланд поғонасига кўтарилди.

Курашчимиз финалгача Гана, Белорус, Грузия давлатлари намояндаларини мағлуб этди.

Самбо бўйича навбатдаги жаҳон чемпионати келгуси 2016 йилнинг 3-7 ноябр кунлари Болгарияда ўтказилади.

 

ВАКИЛИМИЗ ИККИНЧИ ПОҒОНАДА

Хўжандлик Фирдавс Аҳмаджонов Россиянинг Калининград шаҳрида ўтказилган Шарқ яккакурашининг қўл жанги тури бўйича жаҳон чепионати беллашувларида Тожикистон шарафини ҳимоя қилган ягона вакил бўлди.

Суғд вилояти қўл жанги федерациясидан маълум қилишларича, 17 ёшли хўжандлик спортчи 65 килограмм вазн тоифасида чиқиш қилиб, мусобақа кумуш медалига муносиб, деб топилди.

Илгари ҳам ўсмирлар ўртасида жаҳон чемпионати мусобақаларида иштирок этган Фирдавс Аҳмаджонов уч марта совриндор бўлган.

 

БАРЧА ФИНАЛЧИЛАР АНИҚ

Мамлакатимиз шимоли Суғд вилоятида мини-футбол бўйича «Осиё чемпионати-2016» турнирининг марказий минтақа терма жамоалари ўртасидаги саралаш мусобақалари ўз ниҳоясига етди.

Минтақада биринчи ва иккинчи ўринларни эгаллаган Қирғизистон ва Тожикистон миллий терма жамоалари қитъа биринчилигининг финал босқичида иштирок этиш ҳуқуқига эга бўлди.

Саралаш мусобақаларидан сўнг, 2016 йил феврал ойида Ўзбекистон пойтахти Тошкент шаҳрида ўтказиладиган финал босқичининг барча қатнашчилари аниқ бўлди.

Улар: Ўзбекистон, Япония, Эрон, Ливан, Иордания, Саудия Арабистони, Қатар, Ироқ, Қирғизистон, Тожикистон, Таиланд, Малайзия, Австралия, Ветнам, Хитой, Хитой Тайпей.

Финал босқичи жуфтликларини аниқлаб берувчи қуръа ташлаш маросими жорий йил 2 декабр куни Тошкентда ўтказилади.

 

 «РАВШАН» - КУЧЛИ УЧЛИКДА

Ниҳоят, футбол бўйича олий лига жамоалари ўртасида ўтказилган Тожикистон XXIV чемпионатининг бронза медали совриндори ҳам аниқ бўлди.

Мамлакат биринчилиги турнирининг сўнгги турида ўз майдонида Турсунзода шаҳрининг «Регар-ТадАЗ» клубини қабул қилиб, Акуффо Гершон ва Ҳусейн Суҳробийлар киритган голлар эвазига 2:1 ҳисобида ғалаба қозонган Кўлоб шаҳрининг «Равшан» жамоаси кучли учликдан жой олди.

Маълумки, пойтахтнинг «Истиқлол», Суғд вилоятининг «Хўжанд» жамоалари муддатидан илгари олтин ва кумуш медалларга эгалик қилган эди.

Сўнгги 18-турнинг қолган учрашувлари қуйидаги натижалар билан якун топди: «Хўжанд» - «Истиқлол» - 1:7, ЦСКА «Памир» - «Хайр» - 3:1, «Парвоз» - «Вахш» - 2:1, «Барқи тожик» - «Далерон-Ўратепа» - 3:1.

 

ЖОКОВИЧ – МУТЛАҚ ҒОЛИБ

Буюк Британиянинг пойтахти Лондон шаҳрида АТР – жаҳон касбий теннисчилар ассоциациясининг якунловчи турнир финал босқичи  беллашуви ниҳоясига етди.

Унда жаҳоннинг биринчи ракеткаси сербиялик Новак Жокович ва швейцариялик Рожер Федерерлар кортга чиқишди.

Қизғин курашлар асосида 1 соату 21 дақиқа давом этган учрашув натижаси 6:3, 6:4 ҳисобида турнирнинг ва жаҳоннинг биринчи ракеткаси – Н. Жокович фойдасига ҳал бўлди.

Бу сербиялик теннисчининг АТР якунловчи турнири доирасида бешинчи марта финалга чиқиши бўлиб, уларнинг барчаси Новак Жокович учун омадли якунланган.

 

ЙЎНАЛИШНИНГ ЯНГИ ЧЕМПИОНИ

Америка Қўшма Штатларининг Невада штати Лос-Анжелес шаҳрида касбий бокснинг WBC ( Бутунжаҳон боксчилар кенгаши) йўналиши бўйича ўрта - 72,6 килограмм вазн тоифасидаги спортчилараро чемпионлик жанги ўтказилди.

Унда мазкур йўналиш бўйича амалдаги жаҳон чемпиони – Пуэрто-Рикодан Мигел Котто ва чемпионликка даъвогар мексикалик Саул Алвареслар рингга чиқишди.

Мексикалик боксчи ўн икки раунд давом этган муштлашув ҳакамлари томонидан ғолиб, деб топилди ва чемпионлик камарининг янги соҳибига айланди.

Мигел Котто чемпионлик камарини ўтган 2014 йилнинг июн ойида аргентиналик Серхио Габриэл Мартинес устидан ғалаба қозониб, қўлга киритган эди.

 

«Халқ овози»нинг спорт шарҳловчиси. 

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

ҲАМКОРЛИКНИНГ СТРАТЕГИК ХУСУСИЯТИ

 

Тожикистон ўз табиий бойликлари, мавжуд иқтисодий имконият ва экспорт-импорт потенциали орқали, Марказий Осиё мамлакатлари билан савдо-иқтисодий соҳаларда ўзаро манфаатли ҳамкорликларни йўлга қўйиш иқтидорига эга.

Айни пайтда, бу борадаги алоқалар Қозоғистон, Қирғизистон ва Туркманистон давлатлари билан самарали олиб борилмоқда.

Муфассал...

Диний сиёсий партия таъсис этиш ҳаромдир

 

Ҳудудида турли номлар билан диний партиялар амал қилувчи бир неча мамлакатлар тажрибаси ўша давлатларда ушбу ҳаракатлар ва диний идеологияга эга партиялар «шарофати» билан ҳеч қандай ривожланиш вужудга келмагани исботланган. Аксинча, айнан, ушбу сиёсий бирлашмалар ўртасида сиёсий ҳокимиятни қўлга киритиш учун зўравонликлару қарама-қаршиликлар авжга чиқиб, умуман, ўша давлатларнинг бир маромдаги тараққиёти йўлидаги тўсиққа

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
467229

ӮҚУВЧИЛАР СОНИ

2223214
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1548
1709
3257
2208014
30206
46701
2223214

Сизнинг IPнгиз: 3.226.251.205
Бугун: 20-08-2019 16:48:50

ҲАМКОРЛАР

 

 

   

2015