Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 22 Октябр 2015 Кӯришлар: 788
Печат

 

futbolistiФутбол бўйича 2018 йили Россияда ўтказиладиган жаҳон чемпионати турнирининг гуруҳ саралаш босқичи мусобақалари давом этмоқда.

Саралаш босқичининг «В» гуруҳида иштирок этаётган Тожикистон миллий терма жамоаси гуруҳ беллашувларининг 6-турини сафарда ўтказиб, Иордания термасига қарши майдонга тушди.

Тенг курашлар асосида кечган биринчи қисмда ҳисоб очилмади. Аммо учрашувнинг иккинчи бўлимида терма жамоамиз ҳимоя чизиғида сусткашлик юзага келиб, йўл қўйилган хатолар мезбонларга рақиблари дарвозасига учта жавобсиз тўп киритиш имконини берди.

Шундай қилиб, майдон эгалари йирик- 3:0 ҳисобидаги ғалабани қўлга киритиб, гуруҳ жадвалидаги мавқеларини яхшилаб олишди.

Гуруҳ саралаш босқичининг навбатдаги 7-тур ўйинлари жорий йилнинг 12 ноябрида бўлиб ўтади. Шу куни юртдошларимиз ўз майдонларида Бангладеш термасини қабул қилишади.

 

МУДДАТИДАН ИЛГАРИ ФИНАЛДА

Қитъа футбол клублари ўртасида иккинчи нуфузга эга бўлган «Осиё футбол конфедерацияси кубоги-2015» турнири ярим финал босқичининг жавоб ўйинлари шу йил 21 октябрда бўлиб ўтиши лозим эди.

Бу турнирда Тожикистон шарафини ҳимоя қилаётган, олий лига клублариаро мамлакатнинг амалдаги чемпиони, Душанбенинг «Истиқлол» жамоаси Қувайтнинг «Қувайт» спорт клуби футболчиларини қабул қилиши кўзда тутилганди. 

 Аммо Халқаро футбол федерациялари ассоциацияси (ФИФА) Қувайт давлатининг ярим финалда иштирок этаётган икки клуби-«Қувайт» ҳамда «Ал-Қудсия» жамоаларини мусобақалардан четлаштирди. Бунинг сабаби, мамлакат Ҳукуматининг спорт ташкилоти ишларига аралашгани, деб айтилмоқда.

ФИФА баёнотида таъкидланишича, қачонки, Қатар футбол ассоциацияси ва футбол клублари мустақил тарзда фаолият юрита бошласа, шундагина чекловлар бекор қилинади.

Энди 2015 йилнинг 31 октябри куни мазкур турнирнинг финал босқичи республикамиз марказий стадионида бўлиб ўтади. Унда «Истиқлол» (Тожикистон) ва «Жохор Дарул Такзим» (Малайзия) жамоалари ўзаро куч синашади.

 

ВАКИЛИМИЗ – ҚИТЪА ЧЕМПИОНИ

Таиландда курашнинг дзюдо тури бўйича ташкиллаштирилган ёшлар ўртасидаги Осиё чемпионати мусобақалари ниҳоясига етди.

Тожикистон Республикаси миллий олимпиада қўмитасидан маълум қилишларича, уч нафар ёш курашчи: Фаррухи Салим, Акмал Муродов ва Темур Раҳимовлар мамлакатимиз байроғи остида чиқиш қилишган.

Акмал Муродов ҳамда Темур Раҳимовлар мусобақаларнинг дастлабки куч синашишларида мағлубиятга учраб, бош соврин учун курашни давом эттириш ҳуқуқидан маҳрум бўлишди.

Шижоатли ёш дзюдочи Фаррухи Салим эса, дуч келган барча рақибларини доғда қолдириб, Осиё чемпиони унвонига сазовор бўлди.

Бош соврин учун кечган рақобатда у Туркманистон намояндаси Ботир Хўжамуҳаммадовни тўла устунлик билан мағлуб этди.

Умумжамоа ҳисобида биринчи ўрин япониялик ёш дзюдочиларга насиб қилди.

Шимолий Корея ва Тайван ёшлари ўзаро иккинчи ва учинчи ўринларни тақсимлаб олишди. Тожикистонликлар эса, бешинчи ўрин билан кифояланишди.

 

РОНАЛДУ – «ОЛТИН БУТСА» СОҲИБИ

Испаниянинг «Реал» клуби ва Португалия терма жамоасининг ҳужумчиси Криштиану Роналду футбол бўйича Европа мамлакатлари чемпионатларининг тўпурарлари учун бериладиган энг олий соврин -«Олтин бутса»га тўртинчи маротаба эгалик қилиб, қитъа футболи тарихида ўзига хос рекорд ўрнатди.

Ўтган футбол мавсумида у рақиблар дарвозасини аниқ нишонга олиш бўйича энг юқори натижа кўрсатиб, 48та гол уришга муваффақ бўлган.

Бундан илгари у 2007/08 («Манчестер Юнайтед», 31 гол), 2010/11 («Реал», 40 гол), 2013/14 («Реал», 62 гол)  футбол мавсумларида ҳам «Олтин бутса» совриндори бўлган.

Тўпурарларнинг олий соврини «Олтин бутса» 1968 йилда таъсис этилган бўлиб, ҳар йили футбол мавсуми якунига кўра, энг «мерган» ҳужумчига берилади.

 

ҚИТЪА БИРИНЧИЛИГИ «ШОВ-ШУВ»ЛАРИ

Спортнинг волейбол тури бўйича Болгарияда ўтказиладиган Европа чемпионатининг чорак финал баҳсларида бир қатор «шов-шув»лар юз берди.

Кутилмаганда Словения терма жамоаси амалдаги жаҳон чемпиони Полша термасини мағлуб этиб, қитъа биринчилиги учун курашни давом эттириш имкониятини тортиб олди.

Чорак финалнинг яна бир учрашувида италияликлар Россия волейболчиларини 3:0 (20:25, 19:25, 19:25) ҳисобида доғда қолдириб, Европанинг амалдаги чемпионларини майдон ташқарисига чиқариб қўйишди.

Европа биринчилиги турнири қизғин давом этмоқда.

 

ХОУ ИФОН - ГРАН-ПРИ ҒОЛИБИ

Монте-Карло шаҳрида шаҳмат бўйича аёллар ўртасида Гран-При мусобақалари бўлиб ўтди.

Турнирнинг 10-турида украиналик Мария Музичукка қарши дона суриб, ғалаба қозонган ва жамғарилган холлар сонини 8,5тага етказган хитойлик шаҳматчи Хоу Ифон Гран-При мусобақалари ғолибига айланди.

Иккинчи ўринни ҳиндистонлик Хампи Конеру (7 хол)  ишғол этди. Украиналик Мария Музичук (6,5 хол) ҳам кучли учликдан жой олди.

Маълумки, 2017 йилда Монте-Карло шаҳрида шаҳмат бўйича аёллар ўртасида ўтказиладиган жаҳон чемпионатида Гран-При ғолиби Хоу Ифон ва Мария Музичуклар жаҳон шаҳмат тожи учун кураш олиб борадилар.

«Халқ овози»нинг спорт шарҳловчиси. 

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

ТОЖИКИСТОН - МОҲИР ҲУНАРМАНДЛАР ВА БЕҚИЁС САЙЁҲЛИК МАКОНИ

 

Тинчлик ва миллий бирлик асосчиси - Миллат пешвоси, Тожикистон Президенти муҳтарам Эмомали Раҳмон ўтган йилнинг декабр ойида Олий Мажлисга йўллаган Паёмида 2018 йилни Сайёҳлик ва халқ ҳунармандчилигини ривожлантириш йили, деб эълон қилиш таклифи билан чиқди. Дарҳақиқат, бу ўз вақтида олдинга сурилган ташаббусдир. Зеро, бугун жаҳонда сайёҳлик туфайли тараққиётнинг юқори поғоналарига эришган давлатлар тажрибаси ҳам буни

Муфассал...

Қиёмат кун қўшнидан…

 

Қўшничилик муносабатлари ҳақида қоғоз қораламоқчи бўлдим. Кенг-тор, катта-кичик, пасту-баланд хонадонларда турфа хил тақдирга, дунёқарашга эга бўлган кишилар умргузаронлик қиладилар. Қадим-қадимдан қўшнининг уйи қўшнининг тўю азадорлигига яраган. Халқимизда тўй, азадорлик маросимларини ўтказишда қўшни қўшнидан маслаҳатлар сўрашган.

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
549606

ӮҚУВЧИЛАР СОНИ

2471059
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1250
2679
3929
2448083
25837
71175
2471059

Сизнинг IPнгиз: 3.214.184.124
Бугун: 10-12-2019 16:58:02

ҲАМКОРЛАР

 

 

   

2015