Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 06 Июл 2017 Кӯришлар: 628
Печат

 

husenhodzhaevТожикистонлик шаҳматчи Муҳаммад Ҳусенхўжаев жорий йилнинг 2-28 сентябр кунлари Грузия пойтахти Тбилиси шаҳрида ўтказилиши режалаштирилган "Жаҳон кубоги" турнирида қатнашиш ҳуқуқини берувчи йўлланмани қўлга киритди.

"Дона сурувчи" Муҳаммад Ҳусенхўжаев Марказий Осиё давлатлари иштирокидаги минтақавий чемпионат мусобақаларида иштирок этиб,

тўққиз имкониятдан 6,5 очко жамғарди ва иккинчи ўринни ишғол қилди.

"Жаҳон кубоги" беллашувларида сўнгги бор - бундан 9 йил муқаддам халқаро тоифадаги гроссмейстер Фаррух Амонатов қатнашган эди.

 

----------    Енгил атлетика    ----------

ЯНГИ МИЛЛИЙ РЕКОРД ЎРНАТИЛДИ

Қозоғистон Республикасининг Олмаота шаҳрида Гусман Касанов хотирасига бағишланган XXVII халқаро турнир бўлиб ўтди.

Мазкур мемуар турнирда иштирок этган тожик енгил атлетикачилари қайд этишга арзигулик натижалар кўрсатдилар.

Даврон Отабоев 400 метр масофани 47,60 секундда босиб ўтди ва янги Тожикистон миллий рекордини ўрнатишга муваффақ бўлди.

Шунингдек, Одилшоҳ Исматов ва Кристина Пронженко (400 метрга югуриш), Меҳрангиз Назарова (5000 метрга югуриш)лар мусобақаларнинг бронза медаллари билан тақдирландилар.

Умумжамоа ҳисобида биринчи ўрин майдон эгалари- Қозоғистон вакилларига насиб этди.

Фахрли иккинчи ва учинчи ўринларни Ҳиндистон ва Эрон Ислом Республикалари намояндалари ўзаро тақсимлаб олишди.

 

----------    Футбол    ----------

"ОСИЁ ЧЕМПИОНАТИГА" ҲОЗИРЛИК ЖАРАЁНИ

Тожикистон ёшлар (U-23) терма жамоаси келгуси йилнинг 9-27 январ кунлари Хитойда ўтказиладиган "Осиё чемпионати- 2018" турнирига тайёргарлик ўқув-машғулотларини бошлаб юборди.

Душанбеда ўтаётган ҳозирлик жараёнига ёшлар термаси бош мураббийси Ҳаким Фузайлов 25 нафар, яъни 3 нафар дарвозабон, 9 нафар ҳимоячи, 10 нафар ярим ҳимоячи ва 3 нафар ҳужумчини чорлаган.

Қитъа биринчилигига тайёргарлик доирасида ёш футболчиларимиз 10 июл куни Дубай шаҳрида Бирлашган Араб Амирликлари ёшларига қарши назорат учрашувида майдонга тушадилар.

Фаластинда 19-23 июл кунлари ўтадиган турнир саралаш босқичининг "Е" гуруҳида тожикистонликлар Фаластин, Бангладеш, Иордания ёшлари билан ўзаро куч синашадилар.

Ўнта гуруҳдан ғолиб чиққан ва бешта энг яхши натижа билан иккинчи ўринни эгаллаган жамоалар финал босқичига йўлланма олади.

 

ОЛИЙ ЛИГА АЪЗОЛАРИ ТАНАФФУСДА

Юқори дивизион чемпионатининг икки давраси, яъни 13 тур ўйинлари ортда қолди. Биринчилик иштирокчилари эса, 29 июлга қадар танаффусга чиқишди.

Сўнгги 13-турда пойтахт дербисида ЦСКА "Памир" жамоасига қарши тўп сурган "Истиқлол" жамоаси йирик- 4:1 ҳисобида устунликка эришди ва турнир жадвалидаги мавқеини янада мустаҳкамлаб олди.

Қолган учрашувларда қуйидаги натижалар қайдга олинди: "Вахш"- "Хўжанд"- 1: 4, "Ҳосилот"- "Панжшер"- 3: 2, "Регар-ТадАЗ"- "Барқчи"- 1: 2.

Икки даврада 13 имкониятдан 33 очко тўплаган "Истиқлол" жамоаси турнир жадвалида пешқадамлик қилмоқда. 21тадан очкога эгалик қилган "Хўжанд" ва ЦСКА "Памир" жамоалари кучли учликдан жой олган.

Тўпурарлар беллашувида эса, "Истиқлол" клуби ҳужумчиси Манучеҳр Жалилов 13та гол билан "мерганлар" рўйхатини бошқариб бормоқда.

 

=======    Жаҳонда    =======

----------    Бокс    ----------

"РУС БАҲОДИРИ" РИНГГА ҚАЙТДИ

Ўта оғир вазнли спортчилар орасида касбий бокснинг WBA (Бутунжаҳон боксчилар ассоциацияси) йўналиши бўйича собиқ "мунтазам" жаҳон чемпиони, россиялик Александр Поветкин маълум муддатдан сўнг яна рингга қайтди.

Илгари боксчи қонида тақиқланган перепарат- мелдония унсурлари топилгани учун мусобақалардан четлаштирилган эди.

Александр Поветкин рингга қайтган дастлабки жангдаёқ Москва шаҳрида ўтказилган бокс кечасида WBA (Бутунжаҳон боксчилар ассоциацияси) ва WBO (Бутунжаҳон боксчилар ташкилоти) йўналишлари бўйича украиналик Андрей Руденко билан қитъалараро чемпионлик камари учун муштлашди.

Россиялик "чарм қўлқоп" устаси назорати остида 12 раунд давом этган жанг якунида ҳакамлар очколар фарқи билан Александр Поветкинни ғолиб деб топишди.

 

----------    Футбол    ----------

"КОНФЕДЕРАЦИЯЛАР КУБОГИ" ЯКУН ТОПДИ

Россия Федерациясининг Москва, Санкт-Петербург, Қозон ва Сочи шаҳарларида старт олган "Конфедерациялар кубоги-2017" турнири ўз маррасига етди.

Санкт- Петербург шаҳрида ўтган ҳал қилувчи финал босқичида Чили ва Германия терма жамоалари бош соврин учун ўзаро ҳисоб-китоб қилди. Чилиликларнинг жуда катта устунлигини "синдириб", улар дарвозасига ягона гол йўллай олган немис футболчилари мусобақа ғолиби бўлишди. 

Нуфузли мусобақанинг учинчи ўрни, яъни бронза медали учун Португалия ҳамда Мексика терма жамоалари кураш олиб борди. Учрашувнинг асосий вақтига қўшиб берилган дақиқаларгача 0: 1 ҳисобида имкониятни бой бериб келган португалияликлар 90+1 вақтида ҳисобни тенглаштирдилар. Ҳакам томонидан белгиланган қўшимча таймларда рақиб дарвозасини яна бир бор забт этиб, иродали ғалабани қўлга киритдилар.

"Халқ овози"нинг спорт шарҳловчиси. 

КАЛЕНДАР

« Июн 2020 »
Дш Сш Чш Пш Жм Шб Яб
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

МАҚОЛАЛАР

ТУҒИЛГАН КУНЛАРИМ

 

ёки  «бриллиант  оёқ»

Аввало, айтиб қўяй. Хоҳ ишонинг, хоҳ ишонманг, мен қуйидаги гапларни кимнидир қизиқтириш учун ўйлаб топганим йўқ. Агар гапимга ишонган бўлсангиз, бошладим.

Биласизми, мен нимани яхши кўраман? Байрамларни ва туғилган кунни. Сиз ҳам яхши билсангиз керак, шу кунлари одам фақат яхши сўзлар, табриклар

Муфассал...

Бир келиб кетинг Турсунзодага!

 

- Ҳар даврнинг ўз қаҳрамонлари бўлади, - дейдилар. Ҳақ гап. Биз тилга олмоқчи бўлган, мустақиллик йилларида Турсунзода шаҳар раҳбарлиги лавозимида фаолият юритган ҳар бир шахс ўзидан яхши хотира, эзгу иш қолдирган, десак, хато бўлмас. Марҳум М.С. Табаров чекига ҳар бир "ўзбошимча" "ўзи хон, кўланкаси майдон" бўлган оғир йилларда раҳбарлик қилиш тушган эди. У киши шаҳар халқ хўжалигини бошқариш билан бир қаторда, тинчликни сақлаш

Муфассал...

СТАТИСТИКА

Сайтга кирганлар
1
Мақолалар
869
Мақолаларни кӯрганлар сони
734366

ӮҚУВЧИЛАР СОНИ

2985147
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
652
2212
6711
2960349
6711
115041
2985147

Сизнинг IPнгиз: 3.231.220.225
Бугун: 04-06-2020 06:06:03

ҲАМКОРЛАР

 

 

   

2015