Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 18 Май 2017 Кӯришлар: 455
Печат

 

hujand-hosilotОлий лига  жамоалари ўртасида Тожикистон XXVI чемпионатининг 10-тур учрашувлари бўлиб ўтди.

Турнинг асосий ўйини Фархор ноҳиясининг марказий стадионида жараён олди. Унда ўтган мавсумнинг кумуш медали ва Суперкубоги эгаси "Ҳосилот" ва мамлакатнинг амалдаги чемпиони, пойтахтнинг "Истиқлол" жамоалари майдонга тушди.

Учрашув тенг курашлар асосида ўтди. Гарчи томонлар рақиблари дарвозасини забт этиш учун бир қатор имкониятларга эга бўлсалар-да, улардан фойдалана олишмади. Шундай қилиб, 0:0 кўринишдаги дуранг ҳисобда дарвозалар дахлсизлиги сақланиб қолди.

Яна бир қизиқарли ўйин Турсунзода шаҳридаги "ТалКО-арена"да ўтказилди. Унда "Регар-ТадАЗ" клуби Тожикистон Мудофаа вазирлигининг ЦСКА "Памир" жамоасини қабул қилди.

Кескин курашлар асосида кечган ўйиннинг сўнгги дақиқаларида захира ўриндиғидан майдонга тушган Асқар Равшанов киритган ягона гол мезбонларнинг ғалабасини таъминлади.

Турнинг қолган ўйинларида қуйидаги натижалар қайд этилди: "Панжшер"-"Хўжанд" - 0:5, "Барқчи" - ЦСКА "Памир" - 0:0.

Кези келганда шуни ҳам таъкидлаб ўтиш лозимки, "Осиё футбол конфедерацияси-2017" турнирида Тожикистон шарафини ҳимоя қилаётган ягона жамоа, мамлакатнинг чемпиони, Душанбенинг "Истиқлол" жамоаси саралаш мусобақаларининг "D" гуруҳида тўп сурмоқда. Пойтахтликлар тўрт имкониятдан 10 очко тўплаб, гуруҳда пешқадамлик қилмоқдалар.

Газетамиз чопга тайёрланаётган бир пайтда юртдошларимиз Қирғизистон пойтахти Бишкек шаҳрида саралаш босқичининг 5-турида "Дордой" жамоасига қарши "яшил майдон"га тушдилар. Агар истиқлолчилар бу учрашувда ғалаба қозонишса, турнирнинг финал босқичида иштирок этиш ҳуқуқини берувчи йўлланма сари яна бир ишончли қадам ташлайдилар.

 

======    Жаҳонда    ======

----------    Бокс    ----------

"ЎЗБЕК ЙЎЛБАРСЛАРИ" ҒАЛАБАСИ

Ўзбекистон Республикаси пойтахти Тошкент шаҳрида жамоалар ўртасида Жаҳон бокс лигаси турнири саралаш жараёнининг навбатдаги беллашуви ташкиллаштирилди.

Унда Ўзбекистоннинг "Uzbek Tigers" ва Кубанинг "Cuba Domadores" жамоаларининг чарм қўлқоп усталари рингга кўтарилишди.

Кескин муштлашувларга бой бўлган жанглар натижасига кўра, ринг эгалари - ўзбекистонлик спортчилар 3:2 ҳисобида устунликка эришдилар.

Иқболжон Холдоров (64 килограмм) ва Санжар Турсунов (91 килограмм)лар рақибларига имкониятни бой берган бўлсалар, Ҳасанбой Дўсматов (49 килограмм), Исроил Мадримов (56 килограмм), Муроджон Аҳмадалиев (75 килограмм)лар зафар қучдилар.

Жавоб беллашуви эртага, яъни 19 апрел куни Куба Республикаси бош шаҳри Гаванада йўлга қўйилади.

 

---------    Футбол    ---------

ЕВРОПА ТУРНИРЛАРИ ФИНАЛЧИЛАРИ

Клублар ўртасидаги энг нуфузли турнир-Чемпионлар лигасининг финалчи жамоалари аниқ бўлди.

Биринчи йўлланмани жаҳоннинг кучли клублари сирасига кирган Мадриднинг "Реал" (Испания) жамоаси қўлга киритди.

Зайниддин Зидан шогирдлари икки ўйин натижасига кўра, ўз ҳамшаҳарлари "Атлетико" клуби футболчиларини 4:2 ҳисобида доғда қолдирдилар.

Иккинчи йўлланма Турин шаҳрининг "Ювентус" (Италия) жамоасига насиб этди. Туринликлар дастлабки ва жавоб ўйинларида Франциянинг "Монако" клуби дарвозасини тўрт бор аниқ нишонга олиб, ўз дарвозалари тўридан битта тўп олиб чиқишди.

Ҳал қилувчи финал босқичининг "Реал" ва "Ювентус" жамоалари жуфтлигида бўлиб ўтадиган матчи муддати 3 июн кунига белгиланган.

Шунингдек, Буюк Британиянинг "Манчестр Юнайтед" ҳамда Голландиянинг "Аякс" клублари Европа лигаси финал босқичида иштирок этувчи жамоаларга айланди.

Англияликлар ярим финал босқичида Испаниянинг "Селта", голландияликлар эса, Франциянинг "Лион" жамоаларини ҳал қилувчи босқичда қатнашишдан маҳрум қилди.

 

ҚИСҚА САТРЛАРДА

Германиянинг Кёлн ва Франциянинг Париж шаҳарларида шайбали хоккей бўйича жаҳон чемпионати мусобақалари қизғин давом этмоқда.

Гуруҳ босқичи якунланиб, «А» ва «В» гуруҳлари жадвалларида пешқадамлик қилган қуйидаги жамоалар жуфтлиги чорак финалда тўқнаш келади: Россия-Чехия, АҚШ-Финляндия, Швеция-Швейцария, Канада-Германия.

***

Москва шаҳрининг "Спартак" клуби Премер-лига мусобақалари тугашига уч тур қолганида, муддатидан илгари Россия чемпиони унвонига эгалик қилди.

Янги мавсумда москваликлар тўғридан-тўғри Чемпионлар лигаси турнирида иштирок этишади.

***

Англия Премер-лигасининг ғолиби ҳам белгиланган фурсатдан илгари аниқланди.

Лондоннинг "Челси" жамоаси ҳам турнир жадвалида уни таъқиб этиб келаётган клубларга нисбатан анча илгарилаб, "Туманли албион" чемпионатида ғолиб чиқди.

 

"Халқ овози"нинг спорт шарҳловчиси.

КАЛЕНДАР

« Ноябр 2019 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

МАҚОЛАЛАР

Миннат

 

Ярим тунда ғала-ғовурдан уйғониб кетдим. Ҳамхоналарим ҳам бирин-кетин бош кўтаришди. Куни-кеча уйига жавоб берилган кишининг ўрнига бир кекса одамни келтириб ўтирғизишгану халатли уч-тўрт эркак-аёл атрофида гирдикапалак. Чолнинг кийимини алмаштиришди. Юрак уриши-ю қон босимини ўлчашди. Укол қилишдими ё ичишга дори беришдими, сўнгра, бирин-кетин чиқиб кетишди. Охиридагиси биратўла чироқни ҳам ўчирди.

Муфассал...

ИСЛОМ – ТЕРРОРГА ҚАРШИ

 

Тожикистон Республикаси Ҳукумати қошидаги Дин ишлари, миллий анъана, тантана ва маросимларни тартибга солиш комитети томонидан дунё мамлакатларининг диққатини тортиб, ташвишига сабаб бўлаётган ҳамда бугунги куннинг энг долзарб мавзуларидан бири - террорчилик ва бузғунчилик, шунингдек, ушбу даҳшатли ҳодисаларни муқаддас Ислом дини билан боғламасликка бағишланган "Ислом террорга қарши" номли ахборот қўлланма китоби нашрдан чиқди.

Муфассал...

СТАТИСТИКА

Сайтга кирганлар
1
Мақолалар
817
Мақолаларни кӯрганлар сони
526616

ӮҚУВЧИЛАР СОНИ

2401557
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1441
2592
8870
2379391
27510
67884
2401557

Сизнинг IPнгиз: 18.206.194.210
Бугун: 14-11-2019 13:56:07

ҲАМКОРЛАР

 

 

   

2015