Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 20 Октябр 2016 Кӯришлар: 529
Печат

 

futbbollБаҳрайн давлатида футбол бўйича ёшлар (U-19) ўртасида «Осиё чемпионати-2016» мусобақалари бўлиб ўтмоқда.

Саралаш босқичининг «D» гуруҳида иштирок этаётган Тожикистон ёшлар терма жамоаси дастлабки ўйинини ўзбекистонликларга қарши ўтказди. 

Учрашувнинг 20-дақиқасида ёшларимиз рақиб дарвозасини ишғол этиб, ҳисобда олдинга чиқиб олишди.

Иккинчи қисмда ўйин суръатини пасайтирган тожикистонликлар 67 ва 72-дақиқаларда ўз дарвозаларидан иккита тўп ўтказиб юбордилар. Натижада 2:1 ҳисоби қайд этилиб, қўшни давлат ёшларининг қўли баланд келди.

Куни кеча бўлиб ўтган 2-турда вакилларимиз Хитой термасига қарши майдонга тушдилар. Рақиблар дарвозасига иккита жавобсиз тўп йўллаган ёш футболчиларимиз ўзларида кейинги босқичга чиқиш имкониятини сақлаб қолдилар.

Сўнгги 3-турда 21 октябр куни Виталий Левченко шогирдлари Австралия ёшлари билан беллашадилар.

 

«ИСТИҚЛОЛ» ЧЕМПИОНЛИККА ЯҚИН

Олий лига жамоалари ўртасида Тожикистон XXV чемпионати мусобақалари тугашига ҳам саноқли тур ўйинлари қолди.

Мусобақаларнинг 16-турида турнир жадвали пешқадами пойтахтнинг «Истиқлол» клуби совринли ўринлардан бирига даъвогарлик қилаётган Турсунзода шаҳрининг «Регар-ТадАЗ» жамоасини қабул қилди.

Беллашувнинг охирги дақиқаларида ўйинни кучайтирган истиқлолчилар 3:1 ҳисобида ғалаба қозониб, чемпионлик сари яна бир қадам қўйдилар.

Бобожон Ғафуров ноҳиясининг «Парвоз» ҳамда Хўжанд шаҳрининг «Хўжанд» жамоалари ўртасида бўлиб ўтган Суғд дербисида Сир соҳили футболчилари йирик - 0:4 ҳисобида ғалаба қозонишди.

Турнинг қолган ўйинларида қуйидаги натижалар қайд қилинди: ЦСКА «Памир»-«Хайр»-1:1, «Вахш»-«Ҳосилот»-  0:3.

 

= = = = Жаҳонда = = = = 

Футбол 

МЕЗБОНЛИККА НОМЗОДЛАР РЎЙХАТИ

Халқаро футбол ассоциациялари федерацияси - ФИФАнинг Цюрих шаҳрида бўлиб ўтган конгрессида «Жаҳон чемпионати-2026» турнирига мезбонлик қилишга даъвогар бўлган давлатлар рўйхати эълон қилинди.

Улар: Америка Қўшма Штатлари, Канада, Мексика, Янги Зеландия, Хитой Халқ Республикаси ва Қозоғистон.

Цюрих конгрессида мезбон сайлаш жараёнига ўзгартишлар киритилганлиги ҳам таъкидлаб ўтилди.

Илгари сайлов жараёнида ФИФА президент ва конфедерацияларининг 15 нафар аъзоси иштирок этган бўлса, эндиликда бу жараён ФИФА конгресси томонидан бажарилади. 

 

Бокс

ЛИВЕРПУЛДА ҲИМОЯ ЖАНГИ

Буюк Британиянинг Ливерпул шаҳрида касбий бокснинг WBC (Бутунжаҳон боксчилар кенгаши) йўналиши бўйича оғир вазндаги спортчилар ўртасида ҳимоя жанги бўлиб ўтди.

Унда мазкур вазн тоифасида амалдаги жаҳон чемпиони, 33 ёшли англиялик Тони Белю ва чемпионликка даъвогар, 37 ёшли америкалик Би Жей Флореслар рингга кўтарилишди.

Ҳимоя жанги узоқ давом этмади. Муштлашувнинг учинчи раундида Тони рақибини нокаут ҳолатига тушириб, муддатидан илгари ғалабани қўлга киритди.

Шундай қилиб,Тони Белю биринчи марта ўз чемпионлик камарини муваффақиятли ҳимоя қилди.

 

Теннис

РЕЙТИНГДА ЎЗГАРИШ КУТИЛМОҚДА

Англиялик теннисчи Энди Маррей йил охиригача жаҳон теннисчилар рейтингида биринчи ракеткага айланиши мумкин.

Агар Энди Маррей жорий йил мавсуми сўнггида Лондонда ўтказилиши режалаштирилган турниргача, Венада бўлиб ўтадиган «Мастерс» ва Париж мусобақаларида ғолиб чиқсагина, шу мақомга эришади.

Унгача айни пайтда жаҳон теннис рейтингида «карвонбошилик» қилиб келаётган сербиялик спортчи Новак Жокович мағлубиятга учраган ҳолда, буюк британияликка бундай зафар насиб этиши мумкин.

 

Шаҳмат

ОЛМАОТАДА ОЧИҚ ТУРНИР

Қозоғистоннинг Олмаота шаҳрида илк бор ўтказилган «Almaty Open» халқаро очиқ турнири якунига етди.

Турнирнинг ҳал қилувчи финал босқичи – 9-турида мусобақа пешқадами Аристанбек Ўразаевни доғда қолдирган Қозоғистоннинг амалдаги чемпиони, 40 ёшли Пётр Костенко ғолиблик шоҳсупасининг энг юқори поғонасига кўтарилди.

Дона суриш беллашувларида еттитадан очко жамғарган Вадим Малахатко (Белгия), Аристанбек Ўразаев (Қозоғистон), Муҳаммад Ҳусанхўжаев (Тожикистон), Жўрабек Ҳамроқулов (Ўзбекистон) ва Торнике Саникидзе (Грузия)лар 2-6-ўринларни ўзаро тақсимлаб олишди.

 

«Халқ овози»нинг спорт шарҳловчиси.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Тўйлар неча кун давом этмоқда?

 

Ёхуд миллий қонунларга киритилган ўзгартишларнинг манфаати хусусида

Ўтган йили мамлакатимизда бир қатор қонунлар, жумладан, Тожикистон Республикасининг «Тожикистон Республикасида анъана, тантана ва маросимларни тартибга солиш тўғрисида»ги қонуни, бир қатор меъёрий-ҳуқуқий ҳужжатларга ўзгартишу қўшимчалар киритилди. Ушбу ҳужжатларга ўзгартишу қўшимчалар киритиш чоғида, мамлакат аҳолисининг таклиф ва тавсияларини ҳисобга олишдан мақсад: уларни халқ манфаати йўлида такомиллаштиришдан

Муфассал...

Деҳқон хўжалиги ва деҳқон ташвиши

 

Ер деҳқонларга берилиб, ўз эгасини топгани рост. Инсон ҳар буюмни ўзиники бўлганидан кейингина қадрига етади ва ақли бўлса ундан унумлироқ фойдаланади. Аммо бунинг учун аниқ режалаштирилган имкониятлар яратилиши шарт. Ер ҳар бир давлатнинг асосий бойлиги. Ундан замонавий илмий-техника ютуқларидан кенг ва самарали фойдаланган ҳолда, мўл-кўл ҳосил етиштириш деҳқоннинг иши. Деҳқонга ҳамма томонлама шароит яратиш лозим. Дунёнинг

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
508675

ӮҚУВЧИЛАР СОНИ

2345692
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1589
2054
11042
2320138
39529
62133
2345692

Сизнинг IPнгиз: 18.208.159.25
Бугун: 18-10-2019 13:27:02

ҲАМКОРЛАР

 

 

   

2015