29 апрел куни Тинчлик ва миллий бирлик асосчиси - Миллат пешвоси, мамлакат Ҳукумати Раиси муҳтарам Эмомали Раҳмон бошчилигида Тожикистон Республикаси Ҳукуматининг навбатдаги мажлиси бўлиб ўтди.  

Ҳукумат мажлисида дастлаб Тожикистон Республикасининг бир қатор амалдаги қонунларига ўзгартиш ва қўшимчалар киритиш тўғрисидаги қонун лойиҳалари тасдиқланиб, Тожикистон Республикаси Олий Мажлиси Намояндалар мажлисига кўриб чиқиш учун тавсия қилинди.

Ҳукумат аъзолари, жумладан, Тожикистон Республикасининг "Тожикистон Республикасининг "Тожикистон Республикасининг 2016 йил учун давлат бюджети тўғрисида"ги Қонунига ўзгартиш ва қўшимчалар киритиш тўғрисида", "Тожикистон Республикасининг "Бюджетга бошқа мажбурий тўловлар тўғрисида"ги қонунига ўзгартиш ва қўшимчалар киритиш тўғрисида", "Тожикистон Республикасининг "Олий ва олий ўқув муассасаларидан кейин касбий таълим тўғрисида"ги қонунига ўзгартиш ва қўшимчалар киритиш тўғрисида", "Тожикистон Республикасининг "Давлат мулкини хусусийлаштириш тўғрисида"ги қонунларига ўзгартиш ва қўшимчалар киритиш тўғрисида"ги қонун лойиҳаларини тасдиқладилар ва Тожикистон Республикаси Олий Мажлиси Намояндалар мажлисига кўриб чиқиш учун тавсия қилдилар.

Мажлисда, шунингдек, "Бадахшонроҳсоз" давлат унитар корхонаси, "Данғара Давлат университети политехник коллежи" давлат таълим муассасаси,  "Янги саноат технологияларини лойиҳалаштириш конструкторлик маркази" давлат муассасаси ташкил этилиши ҳамда бир қатор давлат унитар корхоналарини қайта номлаш ва маъмурий, турар жой иншоотлари, саноат корхоналари ва цехлари қурилиши учун ер участкалари ажратиш билан боғлиқ масалалар кўриб чиқилди.

Ҳукумат мажлиси ишида Тожикистон Республикаси Ҳукумати ва Болгария Республикаси Ҳукумати ўртасида йўловчилар ва юк ташиш бўйича халқаро автомобил ҳаракатлари тўғрисида келишув лойиҳаси қабул қилинди.

Тинчлик ва миллий бирлик асосчиси - Миллат пешвоси, мамлакат Ҳукумати Раиси Эмомали Раҳмон мажлис иши охирида Ҳукумат аъзолари, вазирликлар ва идоралар раҳбарларига мажлисда кўриб чиқилган масалаларни ўз вақтида ижро этиш ҳамда қишлоқ хўжалиги маҳсулотлари ишлаб чиқарилишини ошириш, картошкапарварликни ривожлантириш, такрорий экинни тезлаштириш ҳамда мева ва сабзавотларни хорижга экспорт қилиш ҳажмини ошириш борасида аниқ топшириқлар берди.

"Ховар" ТМАА.