Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 28 Апрел 2016 Кӯришлар: 746
Печат

Норак шаҳрининг Дўконий қишлоқ жамоати Чашма қишлоғида янги мактаб  

gimnaziya27 апрел куни Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон Хатлон вилоятининг Норак шаҳрига иш сафари билан борди.

Норак шаҳрида мамлакат Президенти дастлаб Дўконий қишлоқ жамоати Чашма қишлоғида 10-ўрта умумтаълим мактабини фойдаланишга топшириш маросимида иштирок этди.

Мактаб маҳаллий тадбиркор Муҳиддин Табаров томонидан 2 миллион сомонийлик маблағ эвазига қурилган. Мазкур ўқув муассасасида бир сменада 240 ўқувчи таълим олади. Мактаб хорижий тиллар кенг кабинетлари, қизларга турли ҳунарлар ўргатиш марказлари, компютер синфхоналари, мажлислар зали ва замонавий ошхонага эга.

Давлат бошлиғи танишув чоғида қурилиш ишлари сифати, таълим ва тарбия шароитларидан қониқиш изҳор қилиб, тадбиркор Муҳиддин Табаровнинг бунёдкорлик ва ободончилик ишларига ҳисса қўшишдаги фаол ташаббусини юқори баҳолади.

Мамлакат Президенти Эмомали Раҳмон мактаб ҳунар ўргатиш алоҳида таълим синфхоналари ва технологик марказида ўқувчиларни яхши ахлоқ ва ўқишда муваффақият қозонишга, чет тилларини янада яхши ўрганиш, компютер технологиялари, касб ва ҳунар ўзлаштиришга чорлади.

Таъкидлаш жоизки, Миллат пешвоси Эмомали Раҳмоннинг ҳар бир бунёдкорлик ташаббуси мамлакат шаҳру ноҳияларида ҳар томонлама қўллаб-қувватланиб, жамият ҳаёти турли соҳалари тараққиётини таъминлашга ҳисса қўшади. Чашма қишлоғида янги мактаб қурилиши туфайли қишлоқ маҳаллий йўллари ва кўчалари қайта тикланиб, асфалтланди ҳамда аҳоли яшаш шароитини яхшилаш учун қулай шароитлар яратилди.

 

"Доим амал қилувчи иссиқхоналар мажмуи" ДУК фаолияти билан танишув

issiqxonaНорак шаҳрида Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон "Доим амал қилувчи иссиқхоналар мажмуи" ДУК фаолияти билан бевосита танишди.

Маълум қилинишича, Норак шаҳри иссиқхоналари мажмуи 1982 йили бунёд этилган бўлиб, мустақиллик йилларида тўлиқ қайта тикланган.

Доим амал қилувчи иссиқхоналар мажмуи умумий майдони 12 гектар бўлиб, асосан, унинг олтита иссиқхона бунёд этилган 6 гектарида помидор, бодринг, булғор қалампири, карам ва кўкатлар каби эртачи сабзавотлар парвариш қилинади.

Бу йилги мавсумда деҳқонлар мавжуд олти иссиқхонадан 100 тоннагача эртачи сабзавот, жумладан, 69 тонна помидор, 3,5 тоннадан зиёд бодринг ва 5 тонна бошқа турли қишлоқ хўжалиги маҳсулотлари йиғиштирилиб, арзон нархларда бозорга чиқарилиши айтиб ўтилди.

Шаҳар "Иссиқхоналар мажмуи" ДУК раҳбарияти Давлат бошлиғи Эмомали Раҳмонга мавсум охиригача бу кўрсаткич 250 тоннага етказилиши ҳақида хабар беришди. Зеро, мутахассислар ҳисоби бўйича ҳар бир иссиқхонадан кутилган ҳосил 28 тоннани ташкил қилади.

Ўтган йили бу иссиқхоналардан 170 тонна помидор ва 50 тонна бодринг йиғиштирилгани маълум қилинди.

Агротехник ишларини тугатиш ва яхши сифатли уруғ танланганидан кейин экин ҳосилдорлиги бу иссиқхоналарда гектаридан 360-400 центнерга етказилгани, тажрибали деҳқонлар мамлакат Ҳукумати стратегик мақсадларидан бири - озиқ-овқат хавфсизлигини таъминлашга эришиш учун мавжуд барча имконияту шароитлардан оқилона фойдаланаётганликлари айтиб ўтилди.

Айни пайтда бу иссиқхоналарда 50 нафардан зиёд аҳоли доимий иш жойлари ва яхши маош билан таъминланган.

Мазкур иссиқхоналар мажмуи ягона иситиш тармоғига эга бўлиб, фаолиятини бошлаган даврдан шу пайтгача, яъни 34 йилдан буён электр энергияси асосида фаолият юритмоқда.

Лойиҳалаштириш режасига биноан, яқин келажакда иссиқхоналар мажмуи буғхона ускуналари қайта тикланиши кутилмоқда.

Деҳқонларнинг айтишларича, электр энергияси харажати бугун маҳсулот қийматини оширади ва улар алтернатив ёқилғи, жумладан, кўмирга ўтишни ишларининг манфаати сифатида билишади.

Шунингдек, Норак шаҳрида "Доим амал қилувчи иссиқхоналар мажмуи" ДУК деҳқонларининг  қишлоқ хўжалиги соҳаси олимлари билан ҳамкорликлари яхши натижа бераётгани таъкидланди.

Сабзавотчилик тармоғини ривожлантиришга эътибор берилган ҳолда, ҳар бир иссиқхонада қишлоқ хўжалиги чидамлилиги ва ҳосилдорлигини аниқлаш учун тажриба қитъалари таъсис этилган бўлиб, бу ишни охирига етказиш келажакда деҳқонларга мўл ҳосил олишга ёрдам беради.

Бугун мазкур иссиқхоналар мажмуи Шириншоҳ Шоҳтемур номли Тожикистон Аграр университети студентларининг эртачи сабзавот парвариш қилишлари йўналишида амалиёт ўтказиш минтақаси ҳисобланади. Зеро, улар бу ерда тажриба ўрганадилар. Шунинг бараварида, соҳа олимлари илмий тадқиқот охирида мамлакат деҳқонларига қишлоқ хўжалиги маҳсулотлари серҳосил турларини тавсия қилишади.

Бу иссиқхоналар мамлакат ички бозорини таъминлаш бараварида, шунингдек, қишлоқ хўжалиги янги сабзавотлари, жумладан, помидор, бодрингни Россия Федерациясига ҳам экспорт қиладилар.

 

Сари гузар маҳалласида давлат гимназияси

gimnaziya 1Норак шаҳрининг Дўконий қишлоқ жамоати Сари гузар маҳалласида Миллат пешвоси Эмомали Раҳмон рамзий лентани кесиш орқали 1-рақамли давлат гимназияси фаолиятини бошлаб берди.

Янги турдаги таълим муассасаси очилиши муносабати билан ўқувчилар Давлат бошлиғини маданий дастур билан кутиб олишди. Улар мамлакат Президентига тинчлик ва хотиржамлик ҳамда маориф соҳасига ғамхўрлиги учун миннатдорчилик билдирдилар.

Мазкур гимназия биноси Тожикистон Республикаси ва Хитой Халқ Республикаси ўртасидаги икки томонлама келишув асосида қурилган ва фойдаланишга топширилган.

Гимназияда қурилиш ишлари 2013 йили Миллат пешвоси дастлабки ғиштни қўйиши билан бошланган бўлиб, уч йил орасида  30 миллион сомонийлик маблағ эвазига амалга оширилди. Мазкур бино 360 ўқувчи ўрнига мўлжалланган ва барча зарур жиҳозлар билан таъминланган. Гимназияда 6та жиҳозланган техник кабинет, 11та ўқув синфхонаси, кутубхона, замонавий спорт зали, 92 ўринли ошхона ва халқ ҳунарларини ўргатиш кабинети мавжуд. 

Гимназия саҳнида халқаро стандартларга жавоб берувчи футбол, волейбол ва теннис майдонлари қурилган. Гимназияга 20 педагог ва 15 нафар техник мутахассис жалб қилинган.

Мамлакат Президентига гимназия биноси халқаро стандартларга мувофиқ тарзда, маориф соҳаси билан боғлиқ меъморчилик барча нозикликларига риоя этилган ҳолда қурилган.

Синфларни иситиш ва зарур ҳароратни ушлаб туриш учун қурилиш чоғида замонавий ва экологик тоза қурилиш материалларидан фойдаланилган. Шу билан бирга, бинони қиш мавсумида иссиқ ушлаб турувчи автоном иситиш тизими ўрнатилган.

Аввал бундай замонавий бино бўлмаганлиги сабабли, ўқувчилар 8-синфгача таълим олишар, сўнгра ўқишни давом эттириш учун бошқа ўрта умумтаълим муассасаларига қатнардилар. Гимназия қурилиши туфайли бу муаммони ҳал этишга муваффақ бўлинди.

Мамлакат Президенти қурилиш ишлари, ўқув синфхоналари ва фан кабинетлари билан танишар экан, қурувчилар ишини юқори баҳолади.

Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон бундай муассасалар қурилишининг йилдан-йилга ошиб борилиши бу, таълим сифатини яхшилаш, малакали кадрлар тайёрлаш учун қулай шароит яратишини қайд қилди.

 

Миллат пешвоси - Норак  ГЭСида

gesdaНорак шаҳрига иш сафари доирасида мамлакат Президенти ҳурматли  Эмомали Раҳмон Норак ГЭСига ташриф буюриб, у  ерда бу муҳим стратегик иншоотнинг муҳим қисми бўлган 500 киловолтли элегаз изоляцияли ёпиқ тақсимловчи ускунани ишга туширди.

Норак ГЭСида 500 киловолтли элегаз изоляцияли ёпиқ тақсимловчи ускуна қурилиши 2012 йили Тожикистон Республикаси Президентининг бевосита топшириғи билан бошланганди. Ускуна эгаллаган майдон мазкур иншоот ишга туширилиш илк йилларида 4,5 гектарни, айни пайтда эса, 0,10 сотих майдонни ташкил қилади. Ер майдони тежалганидан ташқари, ушбу ускуна бошқа устунлик жиҳатларига, жумладан, ишончлилик ва 25 йиллик кафолатга ҳам эга.

500 киловолтли элегаз изоляцияли ёпиқ тақсимловчи ускуна Осиё Тараққиёт фондининг 54 миллион 770 минг Америка доллари ҳажмидаги маблағи ҳисобидан Германиянинг "Алстом" компанияси томонидан қурилгани маълум қилинди.

Мамлакат Президентига иншоот ускуналари, юқори волтли симлар, ҳимоялаш ва назорат ускуналари ҳамда телекоммуникация тизими ускуналари Франция, Италия ва Германияда ишлаб чиқарилгани билдирилди.

Эслатиб ўтиш жоизки, 2013 йили Миллат пешвоси тавсияси ва Тожикистон Республикаси Ҳукумати томонидан қабул қилинган чора-тадбирлар туфайли Норак ГЭСида 220 киловолтли элегаз изоляцияли ёпиқ тақсимловчи ускуна қурилиб, фойдаланишга топширилганди.

 

«Ховар» ТМАА.

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

ҲАҚИҚИЙ ВА ТЎҒРИ ҚАРОР

 

Тожикистон Республикаси Бош прокурори аризаси асосида мамлакат Олий суди томонидан Тожикистон Ислом тикланиш партияси фаолиятида экстремистик-террорчиллик унсурлар бор,  дея эътироф этилиши боис, унинг ман этилиши, фаолиятига барҳам берилиши, шунингдек, мазкур партияга тегишли «Нажот» газетаси тўхтатилиши, интернет сайтининг ёпилиши ҳамда партияга алоқадор аудио-видео ёзувлари, адабиётлару варақаларни олиб кириш, тарқатиш қатъиян тақиқланиши борасидаги хабарни телевидение орқали томоша қиларканман,

Муфассал...

БИР БУВИНИНГ НЕВАРАГА АЙТГАНЛАРИ

 

Уруш йиллари эди,

Ёғарди чилла қори.

Боболаринг фронтда,

Қон кечар кўп қатори.

Оч қолсак-да, ишлардик,

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
465734

ӮҚУВЧИЛАР СОНИ

2218910
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
961
1417
10896
2199519
25902
46701
2218910

Сизнинг IPнгиз: 18.206.15.215
Бугун: 18-08-2019 15:51:48

ҲАМКОРЛАР

 

 

   

2015