1 март куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон бир вақтнинг ўзида оммавий ахборот воситаларининг  учта муҳим иншооти – «Варзиш», «Синамо» телевидениелари ва «Оммавий ахборот воситалари академияси» давлат муассасаларини тантанали равишда очиб берди.

Таъкидлаш жоизки, давлатнинг бошқа телевидение ва радио каналлари қаторида мустақиллик даврида янги телеканаллар очилиши соҳа ходимлари учун муносиб совға ҳамда ахборот хавфсизлигини таъминлаш ва мамлакат ахборот фазосини тўлдириш йўлидаги шахдам қадамлардан бири ҳисобланади. 

«Варзиш», «Синамо» телевидениелари ва «Оммавий ахборот воситалари академияси» давлат муассасаларини ташкил этиш учун Тожикистон Республикаси Ҳукуматининг тегишли қарори қабул қилинган бўлиб, тажрибали шахслар академия ва мазкур телеканаллар раҳбарлари этиб тайинланишган.

«Варзиш» телеканали очилиши ва овоз ёзиш, монтаж студияси ва бошқа иш кабинетлари билан танишувдан сўнг, ушбу бинонинг учинчи қаватида Давлат бошлиғи «Синамо» телевидениеси давлат муассасаси фаолиятини бошлаб берди.

Таъкидлаш жоизки, мазкур уч муассаса ташкил этилиши туфайли 215та янги иш жойлари яратилган бўлиб, ходимлар ойлик маошлари то 2 минг сомонийгачани ташкил қилади.

Шубҳасиз, бу уч муассасанинг очилиши мамлакат ахборот фазосида ўзига хос ютуқ ҳисобланади. Чунки шу кунгача мамлакатда Давлат бошлиғи муҳтарам Эмомали Раҳмоннинг ҳар томонлама қўллаб-қувватлаши билан Тожикистонни минтақа ва жаҳонда ўзининг кўп жанрли дастурларини намойиш этувчи замонавий телевидение ва радио каналлари ташкил қилинган.

«Ховар» ТМАА.