22 феврал куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон пойтахтнинг Сино ноҳияси 33-микроноҳиясида Тожикистон Республикаси Мудофаа вазирлиги офицерлари оилалари учун тўққиз қаватли турар жой биносини фойдаланишга топшириш маросимида иштирок этди.

Қурилиши 2014 йили бошланган мазкур турар жой биноси буюртмачиси Тожикистон Республикаси Президенти Ижроия аппарати ҳукумат иншоотлари қурилиши бўйича дирекцияси, пудратчиси эса, – «Маҳмал-2012» масъулияти чекланган жамият ҳисобланади.  

Янги бино очилганидан кейин Давлат бошлиғи янги квартираларда яратилган шароитлар билан танишди.

18та уч хонали ва 27та икки хонали квартирадан иборат бўлган бу турар жой биноси шаҳарсозлик меъёрлари талабларига мувофиқ тарзда бунёд этилган. Қурилиш ишлари умумий қиймати қарийб 15 миллион сомонийни ташкил қилиб, иншоот сифатли ва белгиланган муддатда қуриб битказилди.

Янги квартираларда ҳаёт шароити билан танишув жараёнида Давлат бошлиғи уй қурилиши лойиҳаси, қурувчилар ишлари сифати, пардозлаш ишлари, квартираларни зарур жиҳозлар билан таъминланганлигини муносиб баҳолади.

Қуролли кучлар Олий Бош қўмондони, мамлакат Президенти муҳтарам Эмомали Раҳмон бахтли офицерлар ва улар оилаларига квартиралар калитини тантанали тарзда топширар экан, янги турар жойни Миллат пешвосининг Миллий армия ташкил этилгани 23 йиллигига муносиб совғаси, дея атади.

Ватан ҳимоячилари 45та бахтли оиласи, умуман, 240 нафардан зиёд киши мамлакат Президентининг инсонпарварона сиёсати туфайли янги турар жой эгаларига айландилар.

Мудофаа вазирлиги офицерлари ва ходимлари давлат раҳбариятининг бу эзгу ташаббусига нисбатан миннатдорчилик билдиришиб, Ватан ҳудудий яхлитлиги ва унинг миллий қадриятларини ҳимоялаш йўлида садоқат билан хизмат қилишга ваъда бердилар.

Давлат мустақиллиги, Миллат пешвоси  Эмомали Раҳмоннинг эзгу ва яратувчан сиёсати туфайли офицерлар ва аскарлар моддий-техник таъминоти ва хизмат шароитлари анча яхшиланди. Мамлакат Қуролли кучлари замонавий ҳарбий техника ва ускуналар билан жиҳозлантирилгани сабабли, қудратли армияга айланди.

Офицерлар ва бошқа ҳарбий хизматчиларни турар жойлар билан таъминлаш мамлакат Президенти Эмомали Раҳмоннинг Миллий армия офицерлари ва бошқа ҳарбий хизматчилар турмуш шароитини яхшилаш йўлида амалга ошираётган эзгу чора-тадбирларидан бири ҳисобланиб, бунга мамлакатдаги устувор тинчлик ва барқарорлик туфайли эришилмоқда.

«Ховар» ТМАА.