12 январ куни Тинчлик ва миллий бирлик асосчиси - Миллат пешвоси, Тожикистон Республикаси Президенти Эмомали Раҳмон Миллат қасрида расмий ҳайъат билан Тожикистонга ташриф буюрган Покистон Ислом Республикаси Энергетика ва сув захиралари федерал вазири Хожа Муҳаммад Осифни қабул қилди.

Мулоқот чоғида Тожикистону Покистоннинг бугунги кундаги ва келгусидаги ҳамкорлик муносабатлари кенг доирада кўриб чиқилди.  

-  Биз Тожикистону Покистон ўртасидаги дўстлик ва самарали ҳамкорликларнинг келажагига умид билан қараймиз ва барча зарурий саъй-ҳаракатларимизни уларнинг ривожи учун сарфлаймиз, - деб таъкидлади суҳбат чоғида Тожикистон Республикаси Президенти Эмомали Раҳмон.

Покистон Ислом Республикаси Энергетика ва сув захиралари федерал вазири Хожа Муҳаммад Осиф ҳам ўз навбатида шундай деди: - Ҳақиқатдан ҳам, Сиз муҳтарам Жанобий олийларининг яқинда Покистон Ислом Республикасига қилган давлат сафарингиз жуда самимий ва кўпқиррали ўтди. Ўша бўлиб ўтган самарали суҳбатларда мамлакатларимиз ўртасида икки томонлама кенг доирадаги масалалар муҳокама этилди ҳамда самарали натижалар қўлга киритилди.

Томонлар икки давлат раҳбарларининг биргаликдаги қарори асосида таъсис этилган энергетика ҳамда инфратузилма соҳаларидаги ҳамкорликларга оид  Тожикистону Покистон қўшма ишчи гуруҳининг фаолиятини янада жонлантиришни зарур, деб ҳисоблайди.

Минтақавий аҳамиятга эга бўлган- CASA-1000 электр энергияси узатиш линияси лойиҳасини амалга татбиқ этиш жуда муҳим аҳамиятга эга ҳамда Тожикистон билан ҳамкорликларни янада ривожлантириш ва Покистон сармояларини, жумладан, инфратузилма ва энергетика соҳаларидаги сармояларни жалб этишга ҳар томонлама тайёр эканликлари таъкидланди.

Шунингдек, суҳбат чоғида автомобил ва темир йўллар  қурилиши ҳамда икки мамлакат ўртасидаги тўғридан-тўғри авиапарвозларни қайта тиклаш, Покистон ширкатларининг Тожикистондаги энергетика, нефту газ ва фойдали қазилмалар ишлаб чиқариш соҳаларига сармоя ўтказишда иштирок этиш, Тожикистон ширкатларини Покистоннинг турли лойиҳаларни амалга оширишга жалб этиш, мудофаага доир иқтидорни такомиллаштириш, Афғонистон билан бўлган чегараларимиз ҳимоясини кучайтириш ва терроризмга қарши кураш борасидаги ҳамкорлик масалалари кўриб чиқилди.

Сўзлашув охирида Хожа Муҳаммад Осиф Тожикистон Президенти Эмомали Раҳмонга: - Покистон Ислом Республикаси Бош вазири Навоз Шариф дастури билан ўтган йили Бадахшонда юз берган кучли зилзила юзасидан Ҳукумат ва Покистон халқининг ҳамдардлигини билдиришни ҳамда Покистоннинг бир миллион АҚШ долларлик инсонпарварлик ёрдамини етказишни истардим,-дея таъкидлади.

"Ховар" ТМАА.