6 октябр куни Тожикистон Республикаси Президенти Эмомали Раҳмон иш ташрифи билан Россия Федерациясининг Сочи шаҳрига сафар қилди.

Шу куни кечки пайт Тожикистон Республикаси Президенти Эмомали Раҳмон Сочи шаҳрида Россия Федерацияси Президенти Владимир Путин билан учрашди.

Суҳбат чоғида дўстона муносабатларни ривожлантириш ва ўзаро фойдали ҳамкорликларни кенгайтириш билан боғлиқ масалалар муҳокама қилинди.

Владимир Путин давлатимиз бошлиғини илиқ кутиб олар экан, икки мамлакатнинг стратегик шерикчилик ва иттифоқчиликка асосланган алоқалари мазмунига юқори баҳо берди.

Президентимиз суҳбат бошида шундай деди: «Биз Россия билан давлатлараро муносабатлар даражасини юқори баҳолаймиз ҳамда стратегик ва иттифоқдош шерикчилигимиз туфайли қўлга киритган тажрибаларимизга таянган ҳолда узлуксиз ривожланиб боравериши учун барча имкониятлардан фойдаланамиз».

Тожикистон Президенти бугун дунё ва минтақада тез-тез ўзгариб турган сиёсий вазият самарали алоқаларни талаб этишини таъкидлади.

Шу сабабли, икки томонлама ҳарбий-техник ҳамкорликларни мустаҳкамлаш ва Афғонистон билан давлат чегаралари ҳимоясини кучайтириш йўллари билан боғлиқ мазмунли суҳбат қурилди.

Шунингдек, энергетика, саноат, қишлоқ хўжалиги соҳаларида савдо-иқтисодий ҳамкорликларни кенгайтириш, Тожикистон меҳнат муҳожирларининг Россия ҳудудида ишлаш ва яшаш шартларини соддалаштириш  юзасидан фикр алмашинди.

Бу сафарда мамлакатимиз Президентига Тожикистон Республикаси Президентининг халқаро алоқалар масалалари бўйича ёрдамчиси Эркинхон Раҳматуллозода ва бошқа расмий шахслар ҳамроҳлик қилишмоқда.

«Ховар» ТМАА.