Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 11 Декабр 2018 Кӯришлар: 61
Печат

 

rogun 2018Азиз ватанимиз истиқлолиятга эришгандан сўнг, барча соҳаларда илгари силжишлар, ривожланиш юз бериб, порлоқ келажак сари шахдам қадамлар ташлана бошланди. Давлатимиз ва республика Ҳукумати Раиси муҳтарам Эмомали Раҳмон бошчилигида истиқлолият даврида эришилган муваффақиятлар сифатида «Сангтўда-1», «Сангтўда-2», «Помир-1», «Душанбе-2» иссиқлик – энергия маркази, «Қўрғонтепа-Кўлоб» темир йўли, Қулма-Қароқурум автомобил

йўллари, «Анзоб», «Истиқлол», «Чормағзак» ва «Шар-Шар» туннеллари қурилишлари давлатимизни дунёдаги буюк мамлакатлар даражасига кўтарганлигини эслаб ўтиш мавридлидир.

Республиканинг коммуникацион боши берк кўчасидан чиқиши ва тўлиқ энергетик мустақилликка эришиши йўлидаги саъй-ҳаракатлари қадамма-қадам ушбу эзгу ниятлар сари элтаётгани, шунингдек, Тожикистон Республикаси Ҳукуматининг «Роғун»ни қуриш ташаббуси ҳамма ташкилоту муассаса, вазирликлар ва бутун аҳоли томонидан ҳар томонлама қўллаб-қувватланганлиги ҳақиқат. Чунки шу йўл билан мамлакатимизнинг коммуникацион боши берк кўчадан чиқиши, энергетика соҳасида мустақилликка эришиши мумкинлигини муҳтарам Президентимиз Эмомали Раҳмон раҳбарлигидаги республика Ҳукумати англаб етиб, бунёдкорлик ишлари бошлаб юборилди.

Тарихга назар солсак, республикага Давлат бошлиғи этиб сайланганига ҳали унча бўлмай, 1993 йилдаёқ илк сафарларидан бирини «Норак» ГЭСидан бошлаган Эмомали Раҳмон ГЭС ишчилари билан суҳбат ўтказиб, улар аҳволи руҳиясини кўтариб, мамлакат энергетикаси келажаги порлоқ эканлигини башорат қилганди ва республика Ҳукуматининг ишчилар меҳнатини қадрлашини ҳам айтиб ўтди.

Истиқлолиятнинг дастлабки йилларида мамлакат дуч келган энергетик тақчиллик олдини олиш ва ўзгаларга бу борада қарам бўлиб қолмаслик учун ҳам мазкур йўналишда жиддий ва устувор қадамлар ташланмоғи лозим эди. Шу боис, Давлат раҳбари дастури билан «Норак» ГЭСи қайта таъмирланиб, камчиликлар тўлиқ бартараф этилди.

Давлат бошлиғининг истиқлолият дастлабки йилларида энергетика соҳасига бўлган ғамхўрлиги ва узоқни кўзлаган сиёсати натижаси ўлароқ қийин лаҳзаларда ҳам эсанкираб қолмадик. Ва учта муҳим стратегик мақсад ечими сари саъй-ҳаракат қилина бошланди. Шулардан бири энергетик мустақилликка тўлиқ эришиш бўлиб, унинг учун «Роғун» ГЭСи майдонларида бунёдкорлик ишлари жадал суръатларда амалга оширилмоғи лозим эди. Шундай бўлди ҳам – 2016 йилнинг 29 октябрида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Жаноби олийларининг шахсан ўзи ГЭС қурилиш ишларини бошлаб берди. Ўшанда – 2016 йилнинг 29 октябри куни дунёдаги энг катта тош-шағал тўғони – «Роғун» ГЭС қурилишига старт берилганди. Унда Миллатнинг муаззам пешвоси муҳтарам Эмомали Раҳмон Жаноби олийлари шахсан ўзи булдозер рулига ўтириб, эрталабки соат 10:00дан 11:30гача, яъни бир ярим соат Вахш дарёси бўйлаб шағал ташиди ва шу тариқа халқимиз учун муҳим аҳамиятга эга бўлган «Роғун» ГЭСи қурилишини бошлаб берган эди.

Бир ярим соат давомида булдозер рулини бошқариб, шағал ташиган Давлат раҳбари иншоот қурувчиларига ўрнак-намуна бўлди. Бу лаҳзаларни ойнаи жаҳон орқали томоша қилган бутун Тожикистон халқи қалбида ифтихор ҳисси уйғонгани айни ҳақиқат.

Бугун эса, ўша шодиёналар тўйга айланди. Жорий йил 16 ноябрида азиз халқимиз биратўла уч байрам – тарихий XVI сессия, Президент айёми ва «Роғун» ГЭСи илк агрегатининг ишга туширилишини юксак шукуҳу шаҳомат билан қайд этишди. Бунга бутун жаҳон гувоҳ бўлди! Бу ифтихор барчамизнинг қалбларимизни то ҳануз жунбушга солмоқда.

Абу Ҳурайра розияллоҳу анҳудан ривоят қилинган бир ҳадиси шарифда Росулуллоҳ соллаллоҳу алайҳи васаллам: “Қачонки инсон вафот этса, ундан унинг амали кесилади. Фақатгина уч нарса: садақаи жория, манфаат олинадиган илм ёки унинг учун дуо қиладиган солиҳ фарзанд (кесилмайди)”, – дейдилар.

Биз бу ерда садақаи жория сўзини изоҳлаб ўтмоқчимиз. Садақаи жория - башариятга доимий манфаат етказиб турувчи нарсадир. Бунга кўприк қуриш, йўлларни таъмирлаш, масжид-мадраса ва ўқув юртларни обод этиш, камбағал, бева-бечоралар, етимларга ёрдам бериш, мевали ёки соя бериб турувчи дарахтлар экиш каби ишларни мисол қилиш мумкин. Бунга малакатимизда қурилган туннеллар, гидроиншоотлар, жумладан, «Роғун» ГЭСини ҳам қўшиш мавридлидир. Чунки «Роғун» ГЭСи ҳам инсониятга манфаати доимий ҳолда етиб турувчи иншоотдир.

Модомики шундай экан, ушбу ГЭСнинг қурилишида бош-қош бўлганлар – муҳтарам Президентимиздан тортиб, ГЭСнинг энг кичик мутахассис ишчисига қадар ушбу чексиз савобларга ноилу мушаррафдирлар, албатта.

Сўзим охирида Парвардигори азимуш-шаъндан ушбу эзгу ишларнинг давомли бўлишини, мамлакатимизнинг тобора ободу гўзал бўлиб, халқимизга амну амниятда, осойишталик, хуррамлигу вофирликда истиқомат қилишларини насиби рўзи айлаган бўлсин, омин ё роббал оламийн!

 

Абдулвоҳид ҲОМИДОВ, Абу Ҳанифа Имоми Аъзам (р.а.) номидаги Тожикистон Ислом олийгоҳи катта ўқитувчиси.

Украинанинг келажаги кандай?

КАЛЕНДАР

« Январ 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Қирқ чашманинг мўъжизаси

 

Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон Олий Мажлисга йўллаган Паёмида сайёҳлик соҳасига алоҳида эътибор бериб, ҳар томонлама ривожлантириш зарурлигини таъкидлаб ўтди. Жаннатмакон ўлкамизда  сайёҳликни ривожлантириш мақсадида 2018 йилни Сайёҳлик ва халқ ҳунармандчилигини ривожлантириш йили, деб эълон қилди. Бу таклиф  бир

Муфассал...

Интернет китобнинг ўрнини босолмайди

 

- Мен «Халқ овози» газетасининг ҳар бир сонини йиғиб, боғлаб қўйганман, - дейди биз билан суҳбатда газетамизнинг ашаддий муштарийси вахшлик Намозали Тўхтаров. – Қишлоғимиздагилар менда газетанинг барча сонлари борлигини билишади. Кўпинча ёш ўғил-қизлар мендан сўраб олиб, мутолаа қилишади.

Хатлонлик фахрий ўқитувчи, Тожикистон маорифи аълочиси,

Муфассал...

СТАТИСТИКА

Сайтга кирганлар
1
Мақолалар
675
Мақолаларни кӯрганлар сони
350063

ӮҚУВЧИЛАР СОНИ

1885179
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
488
2006
2494
1864499
53428
77394
1885179

Сизнинг IPнгиз: 54.144.24.41
Бугун: 22-01-2019 04:52:27

ҲАМКОРЛАР

 

 

   

2015