Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 16 Ноябр 2017 Кӯришлар: 660
Печат

 

СЕССИЯНИНГ ЮТУҒИ – ЭМОМАЛИ РАҲМОННИНГ САЙЛАНИШИ ЭДИ

s fattohzoda 2017 1Маълумки, Тожикистон Республикасининг янги тарихи  XVI сессиядан бошланди. Ва мамлакат халқининг бу тарихи Тинчлик ва миллий бирлик асосчиси - Миллат пешвоси, Тожикистон Республикаси Президенти, Тожикистон Халқ демократик партияси Раиси муҳтарам Эмомали Раҳмоннинг номи ва самарали фаолияти билан чамбарчас боғлиқдир.

Биз ушбу тарихий сессияга, шунинг учун ҳам, эҳтиром кўрсатамизки, унинг шарофати билан нафақат, уюштирилган ички урушни тўхтатиб, фалаж бўлган Конституцион тузумни қайта тикладик.

Ҳақиқатдан, тожик халқи тарқалиб кетиш ҳолатида турганди. Тожиклар мамлакати - биз учун азиз ва муқаддас Ватанимизнинг мавжудлиги хатар остида қолган эди. Бахтимизга, шарафли тожик халқининг метин иродаси ва юксак маданияти билан ушбу тарқаб кетишликнинг олди олинди.  

Қадимий Хўжанд шаҳрида республика Олий Кенгашининг XVI сессияси чақирилиши билан бошбошдоқлик замонига барҳам беришнинг янги босқичи бошланди. Ушбу муҳим ва тарихий сессиянинг ютуғи шунда бўлдики, халқ депутати муҳтарам Эмомали Раҳмон Тожикистон Республикаси Олий Кенгашининг Раиси этиб сайланди.

Саидмурод ФАТТОҲЗОДА,

Тожикистон Халқ демократик партияси раисининг биринчи ўринбосари, фалсафа фанлари доктори.

***

XVI СЕССИЯ МИЛЛИЙ ИФТИХОР ҲИССИНИ ЮКСАЛТИРДИ

a sharifzoda 2017Олий Кенгашнинг XVI сессияси биз учун улкан ҳаёт мактаби ва давлату давлатчилик бобида такрорланмас сабоқ, тинчлигу миллий бирликка эришишнинг ибратли босқичи, бунёдкорлик йўналишидаги режаларнинг амалга ошишида жиддий бир қадам бўлди.

Таъкидлаш жоизки, Тожикистон Республикаси Олий Кенгашининг XVI сессияси давлат ҳокимиятини такомиллаштириш, миллий истиқлолиятни шакллантириш, кейинги йиллардаги жамият тараққиёти йўналишларини белгилаш, демократик, дунёвий, ҳуқуқий ва ягона жамият бунёд этиш принципларига эргашиш учун ҳақиқий замина яратди.

Тожикистон халқи XVI сессия шарофати ўлароқ жаҳон ҳамжамиятининг ажралмас қисми сифатида, шахс ҳуқуқ ва эркинлигини муқаддас санаб, давлат мустақиллигини таъминлаш зарурлигини англаб, барча миллату халқларнинг тенгҳуқуқлилиги ва дўстлигини эътироф этиб, давлатнинг янги Конституциясини қабул қилди.

Олий Кенгашнинг XVI сессияси Тожикистон халқининг бунёдкорлик даврини бошлаб бериб, фуқароларнинг миллий ўзликни англаш, ватанпарварлик ва миллий ифтихор ҳисларини юксалтирди.

Абдуфаттоҳ ШАРИФЗОДА,

Тожикистон Республикаси Президентининг Матбуот хизмати раҳбари, профессор.

 ***

БУНЁДКОРЛИК ДАВРИНИНГ ИБТИДОСИ

m xidirzoda 2017Тожикистон Республикаси Олий Кенгашининг XVI сессияси ўтказилиши давлатчилигимиз босқичидаги янги муносабатлар ва жиддий ўзгаришларни бошлаб берди.

Биз тарих материалларига назар соладиган бўлсак, шу нарсани кўришимиз мумкинки, ўша пайтдаги мушкул вазиятга қарамасдан, 230 нафар депутатдан 197 нафари сессия ишида қатнашган. Шу билан бирга, XVI сессия ўтказилишини ўша замоннинг сиёсий хусусиятларига боғлиқ ҳолда, халқ депутатлари ўртасидаги тушунмовчилик ва қаршиликларни босқичма-босқич ҳал этиб, ўз ишининг муваффақиятли бўлишини таъминлаган поғона сифатида таърифлашимиз мумкин.

Сиёсий мушкул вазиятда бошқарув самарадорлигини таъминлайдиган юқоридаги хислатларнинг барчаси буюк тарихий шахс - Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон сиймосида ўз аксини топган эди. 

Миллат пешвосининг саъй-ҳаракатлари ўлароқ, мамлакатда янги сарварлик тизими шаклланиб, жаҳон ҳамжамиятига низоларни ҳал этиш жараёнида, нафақат, ғалаба ва мағлубият, балки кечириш ва келишув стратегияларининг ҳам мавжудлигини, улар воситасида кўплаб ютуқларга эришиш мумкинлигини исботлади.

Махфират ХИДИРЗОДА,

Хатлон вилояти раиси ўринбосари, фалсафа фанлари доктори, профессор.

***

 

ЭМОМАЛИ РАҲМОН СИЁСИЙ ЛИДЕР МАҚОМИГА ЭРИШДИ

f rahimiy 2017Эмомали Раҳмон ўз раҳбарлик фаолиятидаги  - Олий Кенгашнинг XVI сессиядан бошлаб, бугунги кунга қадар бажарилган ишлар: Тожикистонни фуқаролик уруши гирдобидан қутқариб қолиш, миллий яхлитлигимизни парокандаликдан асраш, минтақавий ва ташқи сиёсий ўйинчиларнинг шум режаларини чиппакка чиқариш, республика халқ хўжалигини қайта тиклаш, миллий давлатни қуриш ва миллий сиёсатни мустаҳкамлаш, ҳақиқатдан ҳам, унга  муносиб сиёсий лидер мақомини ато этди.

Узоқ йиллардан буён давлат сиёсати, миллий давлатчиликни бунёд этиш, такомиллаштириш ва тараққий эттириш йўналишида беғараз хизмат қилган буюк шахс, шубҳасиз, Миллат пешвоси муҳтарам Эмомали Раҳмон сиймосида кўриш мумин.

Зеро, ўша пайтларда тинчлигу барқарорлик ва бир-бирини тушунишлик муҳитини вужудга  келтириш осон иш эмас эди. Мавжуд муаммоларни ҳал этиш мақсадида 1992 йилнинг ноябрида Тожикистон Олий Кенгашининг XVI сессияси чақирилди.

Давлат бошлиғи муҳтарам Эмомали Раҳмон 2012 йилнинг 19 ноябрида тақдирсоз XVI сессиянинг 20 йиллигига бағишланган тантанали мажлисда ўша кунларни эсга олиб, шундай деганди: - "Эсимда, ўша оғир кунларда ҳеч ким Миллий келишув ҳукуматини эътироф этмасди ва мамлакатнинг қонуний сайланган Президентини пойтахт аэропортида истеъфо беришга мажбур қилишди, айрим халқ депутатлари уларга кўрсатилган босим ва жонларига бўлган хатар сабабидан сессия ишида иштирок этишни аниқ айта олмасдилар. Шунга қарамасдан, аксарият халқ депутатлари сессияга келишди. Зеро, ҳамма мамлакатдаги тартибсизликларга чек қўйиш фақат сессия ўтказиш орқали ҳал этилишини яхши билишарди. Шундай қилиб, сессияда 230 нафар депутатдан 197 нафари иштирок этди".

Фарҳод РАҲИМИЙ,

Тожикистон Республикаси Фанлар академияси президенти, академик.

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

Эссени жорий қилиш ўзини оқламадими?

 

Ёки ўтган йилги марказлаштирилган кириш имтиҳонлари натижалари таҳлили ва жорий илда эътибор қаратилиши лозим бўлган баъзи жиҳатлар хусусида 

Тожикистон Республикаси Президенти ҳузуридаги Миллий тест маркази таъсис этилганига ҳам беш йил бўлди. Марказ ташкил этилиши арафасида, унинг қандай фаолият юритиши, кириш имтиҳонларидаги шаффофлигу коррупцион амалларга қай даражада барҳам беришни таъминлай олиши борасида турли фикру мулоҳазалар пайдо бўлганди.

Муфассал...

Виждон амри ила иш юритилса…

 

Жорий йил 1 сентябрида Тиббиёт олийгоҳида Тинчлик дарсини ўтган муҳтарам Президентимиз республикани қамраб олган барча муаммоларни тилга олди. Тинчлик дарси Тиббиёт олийгоҳида ўтаётганлиги учунми, у киши негадир, кўпроқ аҳоли саломатлиги, тиббий хизмат, тиббий хизмат кўрсатиш сифати ва кун сайин урчиб бораётган турли юқумли касалликлар борасида кенг тўхталиб ўтди.

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
556338

ӮҚУВЧИЛАР СОНИ

2487136
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
3691
2920
3691
2467130
41914
71175
2487136

Сизнинг IPнгиз: 18.205.60.226
Бугун: 16-12-2019 18:57:03

ҲАМКОРЛАР

 

 

   

2015