28 август куни Миллат қасрида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Афғонистон Ислом Республикаси Қуролли кучлари Бош штаби бошлиғи Муҳаммад Шариф Яфталийни қабул қилди.

Биродар Афғонистон мамлакати билан кўп қиррали муносабатларни ривожлантириш ҳамда мустаҳкамлаш Тожикистон ташқи сиёсатининг истиқболли

йўналишларидан бири сифатида зикр этилиб, Тожикистон Афғонистон билан томонларни қизиқтирган барча соҳаларда ўз ҳамкорлигини мустаҳкамлаш тарафдори ҳисобланиши қайд қилинди.

Тожикистон Афғонистон билан икки томонлама ҳамкорликларни янада кўпроқ кенгайтириш, кўп қиррали механизмлар доирасида келгусидаги алоқаларга зарур даражада эътибор қаратишга ҳамиша тайёрлиги таъкидланди.

Хитой, Покистон, Тожикистон ва Афғонистон тўрт томонлама ҳамкорликлари тизимини ташкил этиш, муҳим чора-тадбирлар сифатида зикр этилиб, бу ташаббуснинг имкон қадар тезроқ амалга татбиқ этилиши, Афғонистонда тинчлик ва барқарорлик жараёнини мустаҳкамлашнинг муҳим омилига айланишига ишонч билдирилди.

Шу асосда, Тожикистоннинг халқаро ҳамжамият диққатини Афғонистон ҳудудида умумий хавфсизлик ва барқарорликни таъминлаш масаласига жалб этиш йўлидаги ҳаракатлари юқори баҳоланди.

Шунингдек, икки томонлама ҳарбий-техник ҳамкорликлар ва хавфсизликнинг бошқа йўналишларидаги алоқаларни кучайтиришга доир конструктив ғоялар илгари сурилиб, чегара ҳимоясини кучайтириш, халқаро террорчи тармоқлар, радикал ҳаракатлар ва наркотик моддалар контрабандасига қарши шафқатсизларча кураш бўйича биргаликдаги қадамлар мақсадга мувофиқ, дея аталди.

«Ховар» ТМАА.