Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 29 Декабр 2016 Кӯришлар: 1240
Печат

 

suv 2016Сув – ҳаёт манбаи, Яратганнинг тирик мавжудотга ато этган мўъжизавий инъоми. Ҳаёт сарчашмаси бўлган сувдан тежаб, оқилона фойдаланиш - бугун халқаро миқёсда эътибор тортаётган глобал экологик муаммога айланган. Зеро, Ер юзида бу неъматга муҳтож яшаётганларнинг миллионлаб нафар эканлиги шуни тақозо этади.

Яратганга беадад шукрлар бўлсинки, жаннатмакон юртимиз – азиз Тожикистонимиз табиатнинг бу бебаҳо неъматига бой. Ўлкамизнинг осмонўпар тоғларидаги музликлардан пайдо бўладиган тоза сув Марказий Осиё минтақасининг 60 фоизини таъминлайди. Минглаб ирмоқлар, юзлаб дарёлардан оқадиган шаффоф сувимиз бирлашиб, икки йирик «қон томири» - Амударё ва Сирдарёни яратади. Бу икки азим дарё минтақага жон улашади, ҳаёт бағишлайди, уни гуллаб-яшнатади…

Азиз Тожикистонимиз истиқлолиятга эришганидан буён, мамлакат Ҳукумати раҳбариятининг диққат марказида тоза ичимлик сувидан оқилона, тежамкорлик билан фойдаланиш турибди. Бевосита, Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон ташаббуси билан жаҳондаги энг нуфузли халқаро ташкилот – Бирлашган Миллатлар Ташкилоти тоза ичимлик сувини қадрлаш, уни исроф этмасдан келгуси авлодга табиий ҳолатда етказиш ҳамда сайёрамиз экологик ҳолатини сақлаб қолишга катта эътибор қаратиб келмоқда.

Мамлакатимиз Президентининг БМТ юқори минбаридан туриб, ичимлик сув тозалигини сақлашга қаратилган даъвати натижасида, мазкур нуфузли халқаро ташкилот «2003 йил – Тоза ичимлик суви» йили, деб эълон қилинганди.

Ўша йили бу тадбир доирасида энг йирик ва муҳим воқеалардан бири – 29 август – 1 сентябр кунлари мамлакатимиз пойтахти – Душанбе шаҳрида тоза ичимлик сувига бағишланган халқаро форум бўлиб ўтди. Бу тадбирда жаҳоннинг кўплаб давлатларидан вакиллар қатнашиб, сув муаммосига бағишланган масалалар кенг муҳокама этилди.

Бундан ташқари, Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон киритган таклиф бўйича, ўтказилган форумда қабул қилинган Декларация асосида БМТ Бош ассамблеяси 2003 йил 23 декабр куни 2005-2015 йилларни «Сув – ҳаёт учун» ўн йиллиги, деб эълон қилиниши ҳақида Резолюция қабул қилди.

Халқаро миқёсда тоза сув муаммосига жаҳон ҳамжамияти диққатини жалб этиш бу зарур ва мавридли тадбир эди.

Шунингдек, Давлатимиз бошлиғи муҳтарам Эмомали Раҳмон Марказий Осиё ўлкаларини тоза ичимлик суви билан таъминлаш мақсадида,  Тоғли Бадахшон Мухтор вилоятининг Мурғоб ноҳиясида – осмонўпар Помир тоғида жойлашган Сарез кўли сувидан фойдаланиш юзасидан халқаро Консорциум ташкил этиш ғоясини илгари сурди.

Дарҳақиқат, энг тоза ичимлик сув захираси мавжуд бўлган бу табиий кўлдан халқаро миқёсда оқилона фойдаланилса бўлади. Зеро, бу кўлда 16 кубокилометрдан ортиқ соф ичимлик суви тўпланган. Муҳтарам Президентимиз таклиф этган халқаро Консорциум ташкил этилса, табиатнинг бу бебаҳо неъматидан минтақа аҳолисининг баҳраманд бўлиш имконияти юзага келган бўларди.

Яқинда тарқалган хушхабар тожикистонликларнинг ифтихорига сабаб бўлди. 2016 йил 21 декабр куни Бирлашган Миллатлар Ташкилоти Бош ассамблеяси умумий мажлисида Тожикистон Республикасининг жаҳон 177 мамлакати ҳаммуаллифлигида  БМТ умумий мажлиси Иккинчи комитетида киритилган 2018-2028 йилларни «Сув – устувор тараққиёт учун» амалиёт ўн йиллиги, деб эълон қилиниши ҳақидаги таклифи тасдиқланганлиги маълум бўлди.

Шундай қилиб, БМТ Бош ассамблеяси умумий мажлиси ўз қарори билан Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмоннинг Корея Республикасида бўлиб ўтган халқаро Сув форумида киритган «Сув – устувор тараққиёт учун» ўн йиллиги, деб эълон қилиш таклифини қўллаб-қувватлади.

БМТ Бош ассамблеяси умумий мажлиси томонидан қабул қилинган Резолюцияга кўра, «Сув – устувор тараққиёт учун» ўн йиллиги Халқаро сув захиралари куни – 22 март 2018 йил бошланиб, 22 март 2028 йилда тугайди.

Устувор тараққиётнинг мазкур ўн йиллиги давомида сув захираларидан оқилона фойдаланиш, сув соҳасида янги лойиҳа ва дастурларни тақдим этиш, устувор тараққиёт йўналишига боғлиқ ҳамкорликларни йўлга қўйиш, сув захираларидан самарали фойдаланиш ҳамда озиқ-овқат, энергия, атроф-муҳит ҳимояси бўйича уйғунликка эришишни қамраб олиш кўзда тутилган.  Шунингдек, қабул қилинган Резолюция юзасидан ташкилий комитет тузиш ҳамда мазкур ўн йилликни ҳаётга татбиқ этиш БМТ Бош котиби зиммасига юклатилди.

Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон киритган таклиф БМТ Бош ассамблеяси томонидан қўллаб-қувватланиб, 2018-2028 йилларни «Сув – устувор тараққиёт учун» ўн йиллиги эълон қилиниши ҳар бир тожикистонликнинг ифтихорига сабаб бўлди. Зеро, Давлатимиз бошлиғи Жаноби олийларининг ташаббуси жаҳоннинг 177дан ортиқ давлатлари томонидан қўллаб-қувватланиши халқаро миқёсда мустақил Тожикистонимиз обрў-эътиборини оширибгина қолмай, балки инсоният тараққиёти йўлидаги ҳаётбахш ғоядир. 

Тожикистон Президенти муҳтарам Эмомали Раҳмоннинг таклифи юзасидан БМТ Бош ассамблеяси умумий мажлиси 2018 -2028 йиллар «Сув – устувор тараққиёт учун» ўн йиллиги ҳақида Резолюция қабул қилинганлиги муносабати билан БМТ Бош котиби Пан Ги Мун томонидан табрик телеграммаси жўнатилганлиги ҳам бу тадбирнинг жаҳон ҳамжамияти учун нақадар муҳим ва аҳамиятли эканлигининг яна бир исботидир.

Шунингдек, БМТ Бош ассамблеяси Раиси Питер Томсон Давлатимиз бошлиғи Эмомали Раҳмонга табрик мактуби йўллаб, Жаноби олийларининг таклифи юзасидан махсус Резолюция қабул қилинганлиги билан муборакбод этганлиги, бу тадбирнинг инсоният тараққиётида катта рол ўйнашини тасдиқлайди.

Тожикистон – жаннатмакон юрт. Ўлкамиз - шаффоф сувларга бой. Юртимизнинг осмонўпар тоғларидан бошланадиган дарёларнинг суви – шифобахш. Дарёларимизда оқаётган ичимлик сувининг ҳар бир қатраси тирик мавжудотларга ҳаёт улашади. Биз – тожикистонликлар Яратганнинг ана шу бебаҳо неъматига шукрона қилиб, мустақил юртимизнинг янада гуллаб-яшнаши учун ҳалол меҳнат этагини тутаверамиз.

Тинчлик ва миллий бирлик асосчиси – Миллат Пешвоси, Тожикистон Республикаси Президенти муҳтарам Эмомали Раҳмоннинг таклифи билан БМТ Бош ассамблеяси умумий мажлиси томонидан қабул қилинган 2018-2028 йиллар «Сув – устувор тараққиёт учун» ўн йиллиги ҳақидаги Резолюция жаҳон ҳамжамияти қошида азиз Тожикистонимизнинг мавқеи мустаҳкамланиб, халқаро миқёсдаги обрў-эътиборининг юксалиб бораётганлигининг ёрқин далилидир. Биз – тожикистонликлар бундан ифтихор ҳиссини туямиз…

 

Искандар МАҲМАДАЛИЕВ,

«Халқ овози».

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Бу кўнгил кўйида бир моҳи тобон учради…

 

Тошпўлат Жалов 1957 йилнинг 15 ноябрида Ёвон ноҳиясидаги Парчасой қишлоғида таваллуд топган. 1974-78 йиллар ЛДПИнинг филология факултетида таҳсил олган. Узоқ йиллар ўзи ўқиган таълим муассасасида ўзбек тили ва адабиёти фанларидан дарс берган.

Ёш авлодга таълим бериш жараёнида у шеърлар ҳам ижод қилиб келди. «Тонг орзуси», «Қаламимни ўғирлама, бахт» ва «Шеърим, менга ҳамроҳ

Муфассал...

Муҳаббатга ошуфта кўнгил изтироби

 

Тун… нақадар сокин. Мен эса, сени излайман, эй ишқ. Эй менинг бевафо севгим, нега ташлаб кетдинг ёки ранжидингми. Не сабаб бўлдики,  сен мендан ранжиб, озор топдинг. Сўзлагин ахир, бутун вужудим билан тинглайман сени. Эй Худо, бу қандай шафқатсизлик… Мен ва менинг севгимга нисбатан раво кўрдинг бу азобни. Буни қандай қабул қилай Худойим... Тақдир дейму ёки ҳаёт имтиҳони. Бу сукунатли кечада жавоб излайман.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
509043

ӮҚУВЧИЛАР СОНИ

2346864
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2761
2054
12214
2320138
40701
62133
2346864

Сизнинг IPнгиз: 35.175.191.168
Бугун: 18-10-2019 20:07:21

ҲАМКОРЛАР

 

 

   

2015