Биз билан боғланинг:

   

Бизга қӯшилинглар

ХАБАРЛАР

МАДАНИЯТ

Муаллиф: Super user Категория: МАДАНИЯТ
Чоп этилган 19 Октябр 2018 Кӯришлар: 127
Печат

 

mehrg 113 октябр куни Душанбе шаҳрининг Абулқосим Фирдавсий номидаги маданият ва истироҳат боғида Меҳргон ва Деҳқонлар куни муносабати билан байрам тадбири ташкил этилди.

Тадбирда Тожикистон Республикаси Президенти Ижроия аппарати, бир қатор вазирлигу идоралар, комитетлар ва аҳоли вакиллари иштирок этишди.

Тожикистон Республикаси Президентининг ижтимоий тараққиёт ва жамоатчилик билан алоқалар масалалари бўйича ёрдамчиси Абдужаббор Раҳмонзода меҳмонлар ва иштирокчиларни Тожикистон Республикаси Президенти, Миллат пешвоси муҳтарам Эмомали Раҳмон номидан қутлар экан, жумладан, шундай деди:

- Меҳргон байрами тожиклар маданияти ва тамаддунида ўзига хос ўринга эга бўлиб, халқимиз унинг олий қадриятларини ўз тарихий хотирасида, нафақат, бой маънавий мерос сифатида, балки ажнабийларнинг босимидан қатъий назар минг йиллар давомида урф-одатларини кенг нишонлаб келади.

mehrg 2Давлат бошлиғининг миллий байрамларга эҳтиром кўрсатиш ва уларни қайта тиклашга бўлган алоҳида эътибори боис, мамлакатимиз мустақиллиги йилларида Меҳргон байрами қайта тикланиб, энг яхши миллий маросимларимиз қаторига кирганлиги ҳамда ҳар йили тантанали равишда нишонланиши махсус таъкидлаб ўтилди.

Мамлакат Президенти муҳтарам   Эмомали     Раҳмон 2011 йили Тожикистон Аграр университети ташкил этилганлигининг 80 йиллиги муносабати билан ўтказилган тадбирда таъкидлаганидек, Меҳргон Наврўз сингари деҳқонларнинг ноз-неъматларга тўла дастурхонининг файзу баракатини ўзида акс эттирадиган энг яхши инсоний анъаналардан биридир. Шунинг учун ҳам, ҳар йили ўзига хос шукуҳ билан нишонлансин. Зеро, қадим замонлардан ер билан ишлаган ва деҳқончиликнинг юксак маданиятига эга бўлган тожик халқининг ўзига хос урф-одатлари ҳамда бой маданияти бугунги кунгача сақланиб қолган ва умумбашарий тамаддуннинг узвий қисми сифатида инсоният учун хизмат қилади.

mehrg 3Таъкидлаш жоизки, Тожикистон давлат мустақиллиги миллий урф-одат ва анъаналар, жумладан, Меҳргон байрамининг қайта тикланиши учун янги даврни бошлаб берди. Зеро, Тожикистон Республикаси Ҳукуматининг 2009 йил 5 августдаги қарори билан Меҳргон байрами республика миқёсида миллий байрам сифатида эътироф этилди. Қолаверса, мамлакат Ҳукумати доимий равишда бой маданий мерослар ва аждодларимиздан қолган урф-одат, анъаналарнинг давлат миқёсида қайд қилинишига интилиб келади.

Меҳргон сўзи икки қисмдан иборат бўлиб, луғатларда шундай келтирилади: «Меҳр» - муҳаббат, самимият, дўстлик ва «гон» - нисбатга бўлган далил, яъни бир нарсага мансублик демакдир.

Сомонийлар давридан бошлаб, кўплаб шоирлар ўз ашъорларида Меҳргон байрамини васф этишган ҳамда байрам муносабати билан шоҳлар ва одамларни муборакбод айлашган.

Рўдакий Меҳргон байрами кириб келиши муносабати билан сомонийлар амири Наср IIни табриклаб, шодлик ва сурур айёмининг келганлигини таъкидлайди:

Малико, жашни

               Меҳргон омад,

Љашни шоҳону

               хусравон омад.

Хаз ба жойи мулҳаму

                        хиргоҳ,

Бадали боғу бўстон

                             омад.

Наврўз байрами муносабати билан созандалар «Наврўзи бузург», «Наврўзи Қайқубод», «Наврўзи хурдак», «Сози Наврўз», «Боди Наврўз» сингари оҳангларни яратишгани каби, Меҳргон айёмига бағишланган «Меҳргоний», «Навои Меҳргоний», «Меҳргони бузург», «Меҳргони хурдак» мусиқалари басталанган. Низомий «Навои Меҳргоний» ҳақида шундай ёзади:

Чу нав карди Навои 

                       меҳргони,

Бибурди ҳуши халқ

                 аз меҳрбони.

Кўплаб манбалар, жумладан, Арўзи Самарқандийнинг «Чаҳор мақола»си, «Бундаҳишт», «Ёдгори зарирон» ва бошқа асарларда Меҳргон байрами борасида маълумотлар келтирилиб, қуйидагича таъкидланади: - «Меҳргон меҳрмоҳнинг ўн бешинчи ва ўн олтинчи кунларида қуёш шукронаси байрами сифатида нишонлади». Масъуди Саъди Салмон эса, бундай ёзади:

Рўзи меҳру моҳи меҳру 

жашни фаррух Меҳргон,

Меҳр бифзой, эй нигори

     моҳчеҳри меҳрубон!

Эслатиб ўтиш жоизки, Меҳргон байрами ва Деҳқонлар куни муносабати билан республикамизнинг барча шаҳру ноҳияларида қишлоқ хўжалиги, миллий ҳунармандчилик маҳсулотлари кўргазма-ярмаркалари ва оммавий сайллар ташкил этилиб, санъат усталари томонидан концерт дастурлари уюштирилди.

 

Ўз мухбир.

КАЛЕНДАР

« Январ 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

ИФТИХОР ДИЛИМДАН ЖЎШИБ КЕТГАНДА…

 

Душанбе дунёнинг гўзал шаҳридир,

Онажон халқимнинг кўрки, фахридир.

Минг йиллик чинорлар саботин сўзлар,

Гоҳ тотли, гоҳ ғамгин ҳаётин сўзлар.

Ойдин кечалари мафтункор, гўзал,

Муфассал...

БУНИНГ БАРИ ОДИЛ ПОДШО ШАРОФАТИДАН

 

Йил охирлаб, янги – 2019 йил кириб келиш арафасида турар эканмиз, ўтаётган 2018 йил мундарижасига бирров назар ташлаб, унинг ўта хайрли ва баракотли ўтганига амин бўласан, киши.

Йил бошида Тинчлик ва миллий бирлик асосчиси – Миллат пешвоси муҳтарам Президентимиз томонидан жорий йилнинг Сайёҳлик ва халқ ҳунармандчилигини ривожлантириш йили, дея эълон қилиниши ва халқ

Муфассал...

СТАТИСТИКА

Сайтга кирганлар
1
Мақолалар
675
Мақолаларни кӯрганлар сони
350197

ӮҚУВЧИЛАР СОНИ

1885440
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
749
2006
2755
1864499
53689
77394
1885440

Сизнинг IPнгиз: 54.144.24.41
Бугун: 22-01-2019 06:15:13

ҲАМКОРЛАР

 

 

   

2015