22 ноябр куни Миллат қасрида Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон Тожикистон Республикасига тайинланган 14 нафар янги элчидан ишонч ёрлиқларини қабул қилди.

Мамлакат Президенти муҳтарам Эмомали Раҳмонга Саудия Арабистони Фавқулодда ва мухтор элчиси Абдулазиз ибн Муҳаммад ал-Бодий,

Туркия Республикасидан Али Рифат Коксал, Франция Республикасидан Ясмин Гуедар хоним, Италия Республикасидан Андреа Бертоззи, Австрия Республикасидан Герхард Сайллер, Нидерландия Қироллигидан Дирк Ян Кооп, Греция Республикасидан Андреас Фриганас, Чехия Республикасидан Ярослав Сиро, Швейцария Конфедерациясидан Урс Шмид, Ватикандан Фрэнсис Ассизи Чулликатт, Молдова Республикасидан Думитру Брагиш, Корея Республикасидан Квон Ён У, Бангладеш Халқ Республикасидан Мажибул Раҳман Буиян ва Янги Зеландиядан Иэн Александр Хилл ишонч ёрлиқлари ва ўз давлатлари бошлиқларининг мактубларини топширишди.

Тожикистон  Республикаси  Президенти  муҳтарам Эмомали Раҳмон янги тайинланган элчиларни Тожикистон Республикасидаги дипломатик фаолиятлари бошланиши билан табриклар экан, Тожикистон дунёнинг турли мамлакатлари билан икки томонлама ва кўп қиррали сиёсий, савдо-иқтисодий, маданий-гуманитар муносабатларни самарали ва фойдали тарзда йўлга қўйиб, шу асосда, араб дунёси, Европа, Жанубий-Шарқий ва Жанубий Осиё ҳамда МДҲ мамлакатлари билан кўп томонлама муносабатларни ривожлантиришга биринчи даражали эътибор қаратишини таъкидлади.

Янги тайинланган элчилар ўз мамлакатларининг Тожикистон билан ўзаро фойдали муносабатларини сифатан янги даражага кўтаришга ҳаракат қилишлари ҳамда давлатлараро дўстона муносабатлар ривожланиши ва чуқурлашувига муносиб ҳисса қўшишларига ишонч билдирилди.

"Ховар" ТМАА.