Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 16 Июн 2016 Кӯришлар: 935
Печат

 

vahdat «Миллий бирлик осонлик билан қўлга киритилмаган ва тожикистонликларни саодат сари бошлаётган бу ҳаракатни авайлаб асраш зарур!» Тожикистон Миллий бирлик ва уйғониш ижтимоий ҳаракати Хўжанд шаҳар кенгашининг навбатдаги йиғилишида ушбу фикр қайта-қайта жаранглади. Шунингдек, йиғилишда сўзга чиқканлар мамлакатда тинчлик ва миллий бирлик асосчиси – Миллат пешвоси, Тожикистон Президенти муҳтарам Эмомали Раҳмоннинг бу ҳаракатнинг самараси учун қатъий жон куйдирганини таъкидлашди.

Шаҳар раиси ўринбосари Умедахон Муродий Бурҳонзода Тожикистон Миллий бирлик ва уйғониш ижтимоий ҳаракатининг ҳозирги даврда янгича мазмун касб этгани, унинг сиёсий фирқалар ва ижтимоий ташкилотларни бир мақсад – Тожикистон иқболи, тараққиёти, мамлакат иқтисодини ривожлантириш, ижтимоий ҳаётни янада яхшилаш йўлида иш олиб бораётганлигини айтиб ўтди. Ўз фикрини Хўжанд шаҳри ҳаётидан келтирилган аниқ мисоллар асосида исботлади. У Миллий бирликни янада мустаҳкамлаш мақсадида ўтказилаётган учрашувлар, суҳбатлар, «давра стол»лар каби тадбирларда, айниқса, адиблар, олимлар таъсирли чиқишлар қилишаётганини айтди.

Миллий бирлик ва Тожикистон уйғониш ижтимоий ҳаракатининг вилоят кенгаши раиси биринчи муовини Абдужалил Бобокалонов, бу ҳаракатни ташкил этувчилардан бири – профессор Атахон Сайфуллоев, Тожикистон Ёзувчилар иттифоқи Суғд вилояти бўлими раиси Аҳмаджон Раҳматзод, тарихчи олим Ваҳоб Набиев  ўз фикрларини билдирар эканлар, мамлакатдаги Миллий ярашув ҳодисасини қатор чет эл мамлакатлари қизиқиш билан ўрганишаётганини алоҳида қайд этишди.

Йиғилиш қатнашчилари ҳаракатнинг Хўжанд шаҳар кенгаши халқлар дўстлигини мустаҳкамлаган, халқ хўжалигини ривожлантирган ҳолда, Миллий бирликнинг 19-йиллиги ва Тожикистон Мустақиллигининг 25-йиллигини муносиб кутиб олишига ишонч билдиришди.

                                        

«Истиқлол» - энг яхши қишлоқ 

Мужун қишлоқ жамоатидаги «Истиқлол» қишлоғи Деваштич ноҳиясидаги энг яхши қишлоқ, деб топилди. Бу борада вилоят раиси матбуот марказидан хабар берилди. Тожикистон Республикаси давлат мустақиллигининг 25-йиллигига бағишланган «Намунали қишлоқ» кўрик-танловида Деваштич ноҳиясидаги ўнлаб қишлоқлар қатнашди.

Бундан етти йил олдин Тинчлик ва миллий бирлик асосчиси – Миллат пешвоси, Тожикистон Президенти, муҳтарам Эмомали Раҳмон айни шу «Истиқлол» қишлоғида бўлганди. У қишлоқдаги 20-таълим муассасаси янги биноси очилишида қатнашганди. Президент чиқишидаги қишлоқ аҳлига ғамхўрлик, қишлоқларни обод этиш, унинг одамларини тўқ ва фаровон яшашлари учун қилинаётган ишлар ва белгиланган режалар ҳақидаги сўзлар «Истиқлол» аҳолиси кучига-куч, ғайратига-ғайрат қўшди. 

Ҳашар йўли билан саломатлик маркази қуриб битказилди, чойхона, дорихона, савдо маркази ишга туширилди. Мужун-Чорбоғ йўли нақлиёт ҳаракати учун яхшиланди.

Қишлоқда 240 нафар ўқувчи учун мўлжалланган 9 та синфхонадан иборат янги мактаб биноси қурилади.

«Намунали қишлоқ» танловини якунлаш маросимида қишлоқ аҳли ҳунармандчилик санъатини кўрсатди. Йиғилганлар гилам тўқиш, сўзаначилик, йўрмачилик, ўймакорлик, наққошлик каби миллий ҳунарлар усталари меҳнатига яхши баҳо беришди.

 

Ўзингдан чиққани яхши

Жаббор Расулов ноҳиясининг Ғўлакандоз қишлоғида янги асфалт заводи ишга туширилди. Мазкур завод бир кеча-кундузда 300 тоннагача асфалт тайёрлаш иқтидорига эга. Йўл қурилиши учун муҳим ашё ишлаб чиқариладиган заводни ишга туширишда маҳаллий тадбиркор Фарҳод Қирғизбоев ташаббус кўрсатди.

Янги завод фаолияти бошланиши биланоқ йигирма нафарга яқин киши иш жойи билан таъминланди. Шу ўринда асфалт тайёрлашда ишлатилаётган хом ашёлардан бири – шағал Ғўлакандоз ҳудудидан оқиб ўтадиган Исфанасой қирғоқларидан олинаётганини таъкидлаш жоиз.

Айни бир пайтда қурувчилар янги заводнинг иш бошлашида Жаббор Расулов ноҳияси раиси Комил Салимзоданинг бевосита бош-қош бўлганини таъкидлашмоқда. Унинг саъй-ҳаракати билан Панжакентдан замонавий асфалт тайёрлаш ускуналари ва мосламалари олиб келинди.

Завод очилишида сўзлар экан, Комил Салимзода бу корхонанинг ишга туширилиши ноҳия иқтисодий ҳаётида ҳам, ижтимоий ҳаётида ҳам муҳим ўрин тутишига алоҳида урғу берди.

 

Ўз мухбир.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Адирдаги Отелло

 

Қосим Мамажонов - атоқли адиб ва журналист, А. Лоҳутий номидаги мукофот лауреати, Тожикистонда хизмат кўрсатган маданият ходими.

"Ёрқин зиналар". "Ота қўшиғи", "Бу сирли олам", "Ғўлакандоз чинорлари", "Зиндонбанд қарчиғайим" сингари китоблар муаллифи. Хотира ҳафталигида ҳурматли адибимизни эслар эканмиз, унинг 10-15 йилча бурун ёзган очеркларидан бирини эътиборингизга ҳавола этишни ихтиёр этдик.

Муфассал...

Кесарево жарроҳлиги

 

Ёхуд тиббиёт соҳасидаги баъзи нохуш кўринишлар хусусида

Азиз Ватанимиз мустақиллик йилларида ҳар томонлама гуллаб-яшнади. Турли соҳалар ривожу равнақ топди. Буни ҳеч ким инкор этолмайди. Бироқ баъзи соҳаларда ҳанузгача камроқ бўлса-да, негатив ҳолатлар кўзга ташланади. Айниқса, тиббиёт соҳасида бундай камчиликлар кўзга ташланса, бирам хунук кўринарканки…

Тинчлик ва миллий бирлик асосчиси – Миллат пешвоси, Тожикистон

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
513029

ӮҚУВЧИЛАР СОНИ

2358086
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
688
2466
5258
2334650
51923
62133
2358086

Сизнинг IPнгиз: 18.208.187.169
Бугун: 23-10-2019 03:19:13

ҲАМКОРЛАР

 

 

   

2015