Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 09 Июн 2016 Кӯришлар: 1109
Печат

 

nashrАйни пайтда Тожикистонда 30 номдан ортиқ илмий ва адабий журналлар нашр этилмоқда. Хўжандда бўлиб ўтган «Истиқлолият ва илмий-адабий нашрлар равнақи» деб аталган илмий конференцияда ушбу рақам келтирилар экан, бу бевосита Тинчлик ва миллий бирлик асосчиси - Миллат пешвоси, мамлакат Президенти муҳтарам Эмомали Раҳмоннинг фан ва маданиятга нисбатан ғамхўрлиги самараси эканлиги таъкидланди.

Тожикистон мустақиллигининг 25 йиллигига бағишланган илмий конференция «Камол Хўжандий илмий маркази» давлат муассасаси ташаббуси билан Хўжанд шаҳар маданият марказида бўлиб ўтди.

Суғд вилояти раиси муовини Назира Ғаффорий конференцияда сўзлар экан, Тожикистоннинг мустақилликка эришгани, энг аввало, халқнинг ўзлигини таниши, фан ва маданият, бошқа соҳаларнинг ривожланиши учун катта имкониятлар очиб берганини таъкидлади.

Конференцияда Тожикистон Республикаси Фанлар академияси «Ахбор» журнали масъул муҳаррири Али Муҳаммадий Хуросоний, «Маорифи Тожикистон» журнали бош муҳаррири Шоди Шокирзода, «Паёми Суғд» журнали бош муҳаррири Толиб Карими Озарахш сўзга чиқишди. Нотиқлар ХХ аср охири ва ХХI аср бошларида жаҳонда илм ва маданият борасида қўлга киритилган ютуқларнинг беқиёс аҳамиятини айтиб ўтишди. Уларга кўра, ана шу даврда мустақил Тожикистонда ҳам фан ва маданият борасида кўп ижобий ўзгаришлар юз берган ва бу муҳим ишларни тарғиб қилишда илмий-адабий журналларнинг хизмати каттадир. Айни бир пайтда сўзга чиққанлар «Камол Хўжандий илмий маркази» давлат муассасаси ва унинг нашри бўлган Камол Хўжандий номли уч ойда бир чоп этиладиган журналининг ташкил этилиши Суғд вилояти илмий-маданий ҳаётида муҳим воқеа эканлигини таъкидлашди. Мазкур давлат муассасаси раҳбари, таниқли ёш олим Фахриддин Насриддинов Камол Хўжандий журналида берилаётган асарларнинг ҳали дунёнинг бирон ерида таржима этилмагани ва биринчи марта ўгирилаётганини айтиб ўтди.

 

Ёшлар асарлари таҳлили

Деваштич ноҳиясида ёш ижодкорлар курс-конференцияси бўлиб ўтди. Унинг ташкилотчиларидан бири Эгамназар Соҳибназаровнинг айтишича, кейинги ўн йилликлар давомида ноҳияда биринчи марта ана шундай тадбир ўтказилган.  Йиғилиш жорий йилда Хўжанд шаҳрида ўтказилиши режалаштирилган республика ёш ижодкорлари курс-конференцияси доирасида бўлиб ўтди.

Курс-конференцияга ташриф буюрган ижодкорлар гуруҳи, аввало, деваштичлик таниқли ижодкор, саксон ёшни қоралаётган шоир Ҳайрон Осимий хонадонида бўлди. Кекса ижодкор билан суҳбат қизиқарли ўтди. Бу зиёратдан сўнг қатнашчилар ва меҳмонлар ноҳия марказидаги Абу Абдулло Рўдакий ёдгорлиги пойига гулчамбарлар қўйишди.

Курс-конференция бошланар экан, Деваштич ноҳияси раиси Жўразода Рустам Боймурод ёш ижодкорларни, муҳим адабий тадбир меҳмонларини қутлади. У Деваштич ноҳиясида адабиётга эътибор кучли эканлиги, бу заминда Зулфия Атоий, Латофат Кенжаева, Азизи Азиз, Мирзо Мавлон, Сирожиддин Осимий, Зулфия Бобоева, Эгамназар Соҳибназаров каби таниқли ижодкорлар туғилиб-ўсганликларини таъкидлади.

Конференция иши уч гуруҳга бўлинган ҳолда давом этди. Назм гуруҳига Тожикистон халқ шоирлари Аҳмаджон Раҳматзод ва Нурмуҳаммад Ниёзий раҳбарлик қилишди. Наср гуруҳи қатнашчилари ижодий ишларини эса, Тожикистон халқ ёзувчиси Муҳиддин Хожазод, таниқли адиблар Маъруф Бобожон ва Юсуф Насруллолар ўрганиб, таҳлил этишди. Учинчи – ёш ўзбек ижодкорлари гуруҳидаги иш жараёни ҳам қизғин муҳокамалар асосида ўтди.

Гуруҳлар иши тугагач, ўтказилган йиғинда устоз ижодкорлар деваштичлик ёш шоир ва адибларнинг асарларига баҳо берар эканлар, улар эришган ютуқларни қайд қилган ҳолда, ижоднинг машаққатли йўли, ижодкорнинг китобхонлар олдидаги масъулияти ҳақида сўзлаб, қимматли маслаҳатлар беришди.

Курс-конференция қатнашчиларидан Парвина Омонова ва Озода Набиеванинг асарлари китоб шаклида нашр этишга тавсия этилди. Шунингдек, Гулпари Олимова, Ирода Мадалиева, Райҳона Акрамова, Икромжони Иброҳим асарларига ҳам яхши баҳо берилди.  Ўзбек тилида ижод қилаётган шоиралардан Зиёда Худойбекова ҳам республика курс-конеференциясига йўлланма олди. Шу пайтгача Зиёданинг «Бедор қалб» ва «Армон гули» китоблари нашр этилган.

Деваштич ноҳияси раисининг ўринбосари Рафоат Каримова курс-конференция охирида сўз олар экан, деваштичлик ёш ижодкорлар фаолиятига эътибор берганликлари учун Хўжанддан ташриф буюрган шоир ва адибларга миннатдорчилик билдирди. У курс-конференция иши ёш ижодкорларнинг келгуси ижодига катта таъсир этишини изҳор этди.

 

Конибодомда янги боғча-ясли

Конибодом шаҳрининг Ҳамробоев номли қишлоқ жамоатида яшаётган 75 нафар кичкинтой энди болалар боғча-яслисида тарбияланадилар. Айни бир пайтда қишлоқда яшаётган 6 киши иш билан таъминланди.

Давлат ҳокимияти Конибодом шаҳар ижроия органидан хабар қилишларича, янги боғча-яслининг ишга туширилишига саховатли тадбиркор Муроджон Абдуллаев бош қўшган. Унинг саъй-ҳаракати билан жамоатнинг эски биноси боғча-яслига мослаштирилиб  қайта қурилган. 

Вилоят маориф идорасидан хабар беришларича, кейинги йилларда шаҳар-қишлоқларда янги болалар боғча-яслиларини ишга туширишга аҳамият кучайиб бермоқда. Жумладан, Хўжанд шаҳрида уч қаватли янги-боғча қурилиши жадал бормоқда. Тожикистон мустақиллигининг 25 йиллиги арафасида фойдаланишга топшириш мўлжалланаётган бу болалар масканида 240 нафар кичкинтой  тарбияланади. 

 

Фестивал ғолиблари тақдирланишди

Хўжандда «Андалеб-2016» санъат фестивалининг шаҳар босқичи  ғолиблари номлари эълон қилинди. Шаҳардаги Ёш томошабинлар театрида ўтказилган тантанада Содирхон Ҳофиз номли санъат коллежи жамоаси фестивалда биринчи ўринни эгаллаганлиги маълум этилди. Ғолибга 5 минг сомоний пул мукофоти берилди.

Фестивал ҳакамлари иккинчи ўринга Тожикистон Техника университетининг Хўжанддаги политехника олий ўқув юрти ёш санъаткорларини муносиб кўришди. Улар 3 минг сомонийлик мукофотга сазовор бўлишди. Учинчи ўринни эса, Тожикистон Давлат ҳуқуқ, сиёсат ва тижорат университети жамоаси эгаллади. Бу жамоа аъзолари 2 минг сомоний мукофот пули олишди.

Ҳакамларнинг айтишларича, ёшлар орасида санъатга ихлос қўйганлар, қобилиятли йигит-қизлар кўп. Фестивалнинг ўтказилиши эса, истеъдодли ёшларни аниқлаш билан бирга, йигит-қизларнинг бўш вақтларини мазмунли ўтказишга ҳам ёрдам бермоқда, дейишди ҳакамлар.

Ўз мухбир.

КАЛЕНДАР

« Январ 2020 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

Дўстлик – илоҳий муҳаббат дебочаси

 

Дўст дўстдир қилмиши билан,

Дўст эмас дўстингман дейиши билан.

Яхши дўст айбингни мисоли кўзгу,

Юзингга рўбарў, очиқ айтади.

Ёмони тароқдек минг тили билан,

Муфассал...

Ҳушёрликни қўлдан бермайлик!

 

Ўтган асрнинг 90-йиллари аввалида Тожикистон баъзи хорижий мамлакатларнинг жамиятни демократиялаштириш шиори остида амалга оширадиган аралашувлари таъсири остида кескин ички мунозараларга рўпара келиб, бу жараён бизни фуқаролик уруши ва биродаркушлик фожиасигача олиб борди.

Муфассал...

СТАТИСТИКА

Сайтга кирганлар
1
Мақолалар
835
Мақолаларни кӯрганлар сони
593903

ӮҚУВЧИЛАР СОНИ

2586331
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
650
3237
19773
2546984
54427
86682
2586331

Сизнинг IPнгиз: 100.26.179.196
Бугун: 19-01-2020 05:00:27

ҲАМКОРЛАР

 

 

   

2015