Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 10 Март 2016 Кӯришлар: 760
Печат

 

bogbonlarСпитамен ноҳиясида 55 гектар ерда янги боғ яратилди. Бу борада жорий йилда амалга оширилиши кўзланган режанинг деярли ярми бажариб бўлинди. Умуман, ноҳиядаги боғлар бу йил 115 гектарга кенгаяди.

- Янги боғлар ноҳиямиздаги барча қишлоқларда, деҳқончилик учун ноқулай бўлган ерларда барпо этилмоқда,- дейди Спитамен ноҳияси раисининг қишлоқ хўжалик соҳаси бўйича муовини Иномжон Ризозода.

Янги боғларга сув етказиб бериш чоралари кўриб қўйилган. Боғбонлар кўпроқ олхўри, шафтоли, олма каби мевали дарахтлар кўчатларини ўтқазишмоқда. Мутахассисларнинг айтишларича, олхўрини чет мамлакатларга етказиб беришнинг қулайлиги боис, айнан шу мева ниҳоллари ўстириладиган боғлар яратишга эътибор кучайтирилган.

Суғориш имконияти камроқ ерларда анорзор ва анжирзорлар бунёд этилиши мўлжалланган. Тоғ ёнбағирлари, қирларда эса, сувсизликка чидамли мева навлари – бодом, тоғ-писта, ёнғоқ кўчатлари экилади. Айни шу мевали дарахтлардан иборат боғлар яратиш «Актед» ижтимоий ташкилоти билан ҳамкорликда олиб борилаётир.

 

Оналар қувончи ва янги иш ўринлари

Ҳадемай, Хўжанд шаҳрининг «Чорчароғ»  маҳалласида яшаётган камида икки юз нафар аёл ишга хотиржам бориб-келиш имкониятига эга бўлишади. Улар болаларини маҳалланинг Озодий кўчасида бунёд этилаётган янги боғча-яслига топширишлари мумкин. Янги болалар муассасаси 240 нафар кичкинтойга мўлжалланган.

Суғд вилояти раиси матбуот марказидан хабар қилишларича,- боғча-ясли Тожикистон мустақиллигининг 25 йиллигига бағишлаб бунёд этилаётган бинолардан биридир. Боғча-ясли ишга тушгач, 50 нафар киши иш билан таъминланади.

Янги бинонинг кўриниши Хўжандда олдинроқ бунёд этилган Президент боғча-яслисига ўхшаб кетади. Кўркам иморат уч қаватдан иборат бўлади. Болалар бу ерда инглиз, рус тилларини ўрганиш, компютерда ишлаш кўникмаларини эгаллаш имкониятига эга бўлишади.

 

Террорчилик ва экстремизм - аср вабоси

Бобожон Ғафуров номли Хўжанд Давлат университетида «Террорчилик ва экстремизм – аср вабоси» мавзусида учрашув бўлиб ўтди. Олий ўқув юртининг биология-химия факултети талабалари билан бўлган учрашувда вилоят прокуратураси вакили Фаррух Абдулло ҳам қатнашди. У талабаларга террорчилик ва экстремизмнинг жирканч мақсадлари, жаҳон хавфсизлиги, инсониятга хатар туғдираётганлиги ҳақида ибратли мисоллар билан ҳикоя қилди. Фаррух Абдулло террорчилик ва экстремизм хатари ядро қуроли хатаридан кам эмаслигини айтар экан, ёшларни ёмон ниятли одамлар алдовига учмасликка, унга қарши курашишга даъват қилди.

Учрашувда қатнашган университет тарбия бўлими бош мутахассиси Ўғилой Умаралиева, биология-химия факултети декани Муҳиддин Сабуров, зоология кафедраси мудири Шаҳноза Мирзабаҳодуровалар ёшларни огоҳликка чорлашди.

Суғд вилояти раиси матбуот марказидан билдиришларича, худди шундай мулоқотлар бошқа олий ўқув юртлари, ташкилот ва муассасаларда ҳам бўлиб ўтмоқда. Ислом номидан иш кўраётган, аслида Ислом динига ҳеч қандай алоқаси бўлмаган кимсалар, зарарли оқим ва ҳаракатларнинг ёвуз мақсадлари очиб ташланмоқда.

Шу ўринда ғўрлик қилиб, алданиб ёки адашиб Сурияга кетиб қолганлар орасида суғдлик ёшлар ҳам борлигини эслатиш жоиз. У ердан қочиб келишга муяссар бўлган алданганлардан бири ўзини «Исломий давлат» деб атаётган гуруҳ сифатида урушаётган кимсаларнинг инсонийлик қиёфасини буткул йўқотишгани, бегуноҳ инсонлар қонини шафқатсизлик билан тўкишаётганини сўзлаб берганди.

Суғдлик ёшлар террорчилик ва экстремизмни қоралашар экан, барча тенгдошларини огоҳликка чорлашмоқда.

Ўз мухбир.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Сада байрами арафасидаги кўнгил олишлар

 

Суғд вилояти раиси вазифасини ижро этувчи Ражаббой Аҳмадзода Сада байрами арафасида Хўжанд шаҳрида яшаётган бир қатор меҳнат фахрийлари хонадонларига ташриф буюриб, уларнинг ҳолидан хабар олди.

Ражаббой Аҳмадзода Социалистик Меҳнат Қаҳрамони Ҳамроҳ Тоҳирова, Тожикистон Халқ артисти Сайрам Исоевалар билан учрашиб суҳбатлашди. 

Муфассал...

Ҳар замон истар замони бўлса тинч…

 

Тугун

Келарсан мунча инқиллиб, букик қаддинг тугунингдан,

Юкинг оғир. Нима топдинг, нима олдинг бугунингдан?

Не уйларга бориб келдинг, не кўйларга бориб келдинг,

Нима бердинг, нима олдинг саҳар, туш, кечқурунингдан?

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
466908

ӮҚУВЧИЛАР СОНИ

2222212
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
546
1709
2255
2208014
29204
46701
2222212

Сизнинг IPнгиз: 3.81.28.94
Бугун: 20-08-2019 06:10:54

ҲАМКОРЛАР

 

 

   

2015