Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 09 Январ 2016 Кӯришлар: 1852
Печат

 

yakkasadaМамлакатимизда халқимиз турмуши фаровонлигини ошириш, айниқса, қишлоқ аҳолиси учун зарур бўлган барча шарт-шароитларни яратишга жиддий эътибор қаратиб келинмоқда. Шу мақсадда, олис қишлоқларда ҳам қишлоқ-хўжалиги экин майдонларини суғориш ва фуқароларимизни тоза ичимлик суви билан таъминлаш борасида кўплаб ишлар амалга оширилмоқда. Бунинг натижаси, Панжакент ноҳиясида яққол кўзга ташлана бошлади.

Панжакент ноҳияси раиси Исломбек Зиёзода мамлакатимиз Ҳукуматининг ушбу сиёсатини амалда қўллаган ҳолда, бу масалага катта эътибор қаратиб келмоқда. У киши ноҳияга раис этиб тайинланган кунлардан бошлаб, ноҳияда тубдан ўзгаришлар авж олиб кетди. Ҳар ишнинг кўзини яхши билган, халқ манфаатини ўйлаб иш юритган доно, оқил раҳбар дастлаб, ишни сувсиз далаларга сув чиқаришдан бошлаб, деҳқонларнинг қувончига-қувонч ҳамда уларнинг файзли хонадонларига ризқу-рўз, тўкин дастурхон ато этди.

Дарҳақиқат, Панжакент ноҳияси қоқ марказидан жилоланиб оқиб ўтувчи Зарафшон дарёсидан ноҳиянинг юқори қишлоқларига сув чиқариш учун Шўролар Ҳукумати даврида “Нилуфар” канали қурилган эди. Бироқ, Шўро давлати тарқалиб кетгандан сўнг ушбу каналдан бир неча йиллар, умуман, сув оқмай қўйди. Фақат, 2010 йилга келиб, ноҳиянинг Тошмунор, Водапад, Ўртақишлоқ, Чимқўрғон каби баъзи қишлоқларига аҳён-аҳёнда, номига яна сув бера бошлади. Ҳавзак, Абдусамад, Яккасада қишлоқлари аҳолиси бўлса, ҳануз сувсизликдан азият чекардилар. Кўпнинг дуосини олиш мақсадида, ушбу масала юзасидан яккасадалик нафақахўр Лутфилло Каримов, янги раҳбар, ноҳия раиси Исломбек Зиёзода ҳузурига кириб, бу муаммони ҳал қилиб беришларини сўради. У кишининг халқи учун куюнчаклигини кўриб, мақсадини тўғри тушунган ноҳия раиси дарҳол ёрдам беришини айтди.

Шундан сўнг, бу масала ноҳия раиси томонидан обдан ўрганиб чиқилиб, муаммо бартараф этилди. Сувсиз далаларга “янги ҳаёт” ўз шуъласини таратди. Тез ва қисқа муддат ичида сув чиқарилиб, “Ҳаёти нав” ҳамда “Х.Тўраев” номли деҳқон хўжаликларининг 300 гектардан ортиқ экин майдонлари суғорилди ва бунинг самараси деҳқонлар ҳосилдорлик чўғини янада юқори кўтариб, бугунги кунда бозор расталарини етиштирган маҳсулотлари билан тўлдирди, шунингдек, ватанимиз фаровонлигига ўз ҳиссаларини қўшишди.

Ушбу экин майдонларига қайтадан жон ато этишда Панжакент ноҳияси қишлоқ-хўжалиги бошқармаси бошлиғи Илҳом Сатторов, Саразм жамоати раиси Баҳром Сатторов, ассоциация бошлиғи Нусратилло Ҳайдаров ва Насимжонларнинг ҳам хизматлари бениҳоя катта бўлди. Деҳқонлардан эса, Нурмаҳмад Каримов, Исоқбой Ҳайдаров, Шоимқул Умаров ҳамда Самариддин Тўраевлар жонбозлик кўрсатиб, бор жасорату маҳоратларини намоён этдилар.

Шунингдек, Яккасада қишлоғи аҳолисини тоза ичимлик суви билан ҳам таъминлаш борасида, Панжакент ноҳияси Ҳукумати қарорига биноан, беш чақирим масофа узоқликдаги тоғдан сув олиб келиб, қишлоқ кўчаларида бир неча тоза ичимлик суви нуқталарини ўрнатиш учун лойиҳа тузилди.

Кўп йиллардан буён бу нарсани орзиқиб кутган Яккасада қишлоғи аҳолиси кўнглида сўниб бораётган умид чечаклари, гўё яна қайтадан жонлангандек бўлди. Орзулари рўё эмас эканликларига ишонган ҳолда, тезда сув йўлларини қазишга киришди. Бу ишда, ишчиларга бош-қош бўлиб, бор шижоатларини аямаган Қоржов Айматов, Сафарбой Абдурахмонов, Баҳром Ҳайдаровларнинг меҳнатлари таҳсинга сазовордир.

Айни пайтда, сув олиб келувчи ташкилот бу хайрли тадбирга тезда якун ясашга ҳозирлик кўрмоқдалар.

Аслида, бу ишларни ташкил қилишда енг шимариб елиб-югурган Лутфилло Каримов, “Эл олдида юзим шувут бўлиб қолмасмикин?” -дея, бошида бироз иккилангандек ҳам бўлганди. Бироқ, у кишига маҳалла қўмитаси раиси Фарход Абдиев далда бўлиб, режалар кутилганидек амалга оширилди. Бугунги кунда эса яккасадаликлар қувончи чексиз.

Ҳа, орамизда ана шундай халқпарвар, олижаноб инсонлар бор экан, ҳар бир босган қадамимиздан гуллар униб чиқиши ва жонажон Ватанимиз янада равнақ топиши муқаррар!

 

Зоҳиджон ТОШТЕМИРОВ.

КАЛЕНДАР

« Июл 2025 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Миллат пешвоси Миллий мажлиснинг олтинчи чақириқ биринчи сессиясида қатнашди

 

17 апрел куни Тожикистон Республикаси Олий Мажлис Миллий мажлиси олтинчи чақириқ биринчи сессияси бўлиб ўтди. Унда Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон иштирок этиб, нутқ сўзлади.

Тожикистон Республикасининг "Тожикистон Республикаси Олий Мажлиси тўғрисида"ги конституцион қонуни 17-моддасига биноан, Тожикистон

Муфассал...

ҲАЁТНИ СЕВИБ ЯШАГАН АЁЛ

 

Шаҳристон ноҳияси ўзининг такрорланмас манзараси, тоза ҳавоси, бағрикенг, меҳнаткаш халқи билан алоҳида ажралиб туради. Шоира, журналист, ёзувчи Тўтинисо Юсуфбекова ана шу гўзал юртнинг фарзанди. У 1948 йил 22 апрелда Юсуфбек Каримқул ўғли ва Хонпошшо Шодибек қизи оиласида дунёга келган. Уларнинг оиласида беш нафар фарзанд-тўрт ўғил бўлиб, Тўтинисо оилада ягона қиз эди.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2136508

ӮҚУВЧИЛАР СОНИ

8359149
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1165
3160
10134
8326697
7718
99827
8359149

Сизнинг IPнгиз: 216.73.216.69
Бугун: 03-07-2025 09:51:37

ҲАМКОРЛАР

 

 

   

2015