Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 04 Июн 2015 Кӯришлар: 1005
Печат

 

fuqarolik burchiМамлакатимиз жанубида жойлашган Шаҳритуз ноҳиясининг 30 гектардан зиёдроқ ҳудудида қўриқхона ташкил этилди. Ноҳия ҳукумати раиси имзо чеккан махсус буйруқ асосида энди бу жойларда ёввойи қушлар ҳамда ҳайвонларнинг айрим турлари парвариш қилинади ва улар сонини кўпайтириш назарда тутилган. Бу тажрибалар синчиклаб ўрганилиб,  биологик хилма-хиллик таъминланишига умид қилинмоқда.

Эзгу орзу-умидлар билан иш бошлаган ноҳия овчилик ва балиқчилик жамияти мутахассислари  бу минтақанинг ўзига хос табиий муҳитини жонлантиришга бел боғладилар. Шу мақсадлар йўлида бу ердаги фауна ва флора хилма-хиллигига эришиш мўлжалланмоқда. 25 дашт товуғи, 13 та ёввойи чўчқа, ёввойи қуёндан ўнтаси шу кеча-кундуз  бу кенгликларда парвариш қилиняпти. Уларнинг эркин ҳаракати учун барча шароитлар яратилган бўлиб, бу иш жараёни давом этмоқда. Шу билан бирга, минтақада улар сонини  кўпайтириш қатъий назорат остига олинган. Жумабек Халилов, Рустам Жўрақулов ва Акмал Жўрақулов  сингари назоратчилар фаолияти таҳсинга лойиқ бўлмоқда.

Овчилар қароргоҳлари Боботоғ ҳудудларида ҳам мавжуддир. Тоғлар ҳамда адирлар қўйнида ёввойи чўчқалар, жайра, тоғ эчкилари, бошқа ёввойи жонзотларни кўпайтириш ва назорат қилиш йўлга қўйилмоқда. Айниқса, ёввойи ҳолда кўпаяётган какликлар, чил, булбуллар, каптарларга ҳавасингиз келади. Мафтункор она-табиат бойликларини авайлаб-асраш ва уни сақлаш жараёни давом этар экан, 17 минг гектардан кўпроқ майдонни эгаллаб турган бу овчилик ҳудудида яшнаб ўсаётган арча, бодом, писта ва бошқа дов-дарахтлар сони йилдан-йилга кўпайтирилмоқда.

«Боботоғ» минтақаси бош назоратчиси Тўйли Холматов, назоратчи Салим Холматов ва бошқаларнинг ўз касбига нисбатан чексиз садоқатларини таъкидлаш лозим. Ўз фуқаролик бурчини яхши англаб етган бундай инсонлар эл-юрт олдидаги хизматлари учун ҳамюртлари томонидан қадрланиши шубҳасиздир.

Жўра Назаров номли қишлоқ жамоатининг «Шўркўл» минтақасида жойлашган овчилар қароргоҳида ҳам ёввойи ҳайвонлар ва қушлар сонини кўпайтириш, уларга табиий муҳит яратиш ва парваришлаш тадбирлари амалга ошириляпти. 73 гектар майдонда худди шундай шароитлар муҳайё қилинганлиги фикримиз далилидир.

Балиқларнинг табиий кўпайишлари учун ноҳия овчилари ва балиқчилари жамияти маълум чора-тадбирлар белгилаб, уларни собитқадамлик билан амалга оширмоқдалар. Бироқ, бу соҳада ҳам баъзи бир камчиликлар, қонунга хилоф ишлар учраб турибдики, буни ҳам қайд этиш лозим. Жумладан, ўтган йилнинг ўзида электр токи ҳосил этувчи иккита автоном ускуна, иккита электр токи қўшиладиган балиқ қармоғи мусодара қилинди.

-217 нафар аъзомиз бор,- деди суҳбатда жамият раиси Бердимурод Жўрақулов. -Уларнинг кўпчилиги  табиатни асрашга оид мавзуларда ноҳия умумтаълим мактаблари, қишлоқ жамоатчилиги наздида чиқиш қилмоқдалар. Шундай ибратли тадбирлар Хўжадурбод қишлоқ жамоатининг Чўянчи аҳоли яшаш нуқтасида жойлашган умумтаълим муассасасида ҳам уюштирилди.

Ёш овчи ва балиқчиларни тарбиялаш иш усулларини уларнинг фаолиятларида жорий этишга эътибор оширилмоқда. Жумладан, Тоҳир Холмирзаев, Боймаҳмад Ҳусейнов каби тажрибага эга инсонлар нафақат шахсий ибрат намунаси, балки ишга ижодий ёндашув усулларини ҳам ёш назоратчиларга тинимсиз равишда ўргатиб келяптилар.

Ёшларни табиат сир-асрорларидан воқиф этиш, табиат ва ҳайвонот дунёсини асраш анъаналарини давом эттиришни таъминлаш сари жиддий қадамлар қўйилмоқда. Шуни таъкидлаш жоизки, Шаҳритуз ноҳияси овчилари учун фаолиятни йўлга қўйиш ва режалаштириш соҳасидаги умумий назоратни олиб боришда махсус иш кабинети ажратиб берилди. Жамият аъзолари бу ерга тез-тез ташриф буюришиб, ўзларини қизиқтирган барча саволларга ишончли тарзда жавоб олишяпти.

-Ноҳиямиз жанубдан шимолгача 100 километрдан ортиқ масофада ястаниб ётибди, - деб ўз фикрини баён этди ноҳия ҳукумати раиси биз билан бўлган суҳбатларидан бирида. Ноҳия аҳли муҳтарам Президентимиз сиёсатини қўллаб-қувватлаб, ватанимизнинг ҳар бир гўшасини обод этиш йўлида меҳнат қилишяпти…

Ҳа, Шаҳритуз ноҳиясида бўлсангиз, бу фикрларга, албатта, қўшиласиз. Шукрки,  тинчлик, бунёдкорлик, келажакка қатъий ишонч ватандошларимиз қалбидан мустаҳкам ўрин олаётир. Бу эса, ҳар биримизнинг қалбимизда она-юртга чексиз эҳтиром туйғусини уйғотади.

 

Толмас Бўриев,

Шаҳритуз ноҳияси.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Ўзбекистон элчиси: - ТОЖИКИСТОН ПРЕЗИДЕНТИНИНГ ДАВЛАТ ТАШРИФИГА КАТТА ТАЙЁРГАРЛИК КЎРИЛМОҚДА

 

- 2018 йилни дўсту биродар Тожикистон ва Ўзбекистон халқлари ўртасидаги алоқалар янги тарихининг олтин саҳифаси дейиш мумкин, - деди Тожикистон Республикаси Президенти ҳузуридаги Стратегик тадқиқотлар маркази директори Худоберди Холиқназар ушбу марказ томонидан ташкил этилган «Тожикистон ва Ўзбекистон маданий ҳамкорликлари» мавзусидаги давра столи кириш қисмида.

Муфассал...

Миллат пешвоси эзгу анъана маъракасини бошлади

 

24 феврал куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Хатлон вилоятининг Данғара ноҳиясида табиатнинг уйғониши арафасида эзгу анъана сифатида мевали дарахтлар кўчатларини ўтқазиш билан кўчат ўтқазиш ва баҳорги экиш ишлари маъракасини бошлаб берди.

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
466931

ӮҚУВЧИЛАР СОНИ

2222303
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
637
1709
2346
2208014
29295
46701
2222303

Сизнинг IPнгиз: 3.81.28.94
Бугун: 20-08-2019 06:40:53

ҲАМКОРЛАР

 

 

   

2015