Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 07 Май 2015 Кӯришлар: 885
Печат

 

sayhunСайҳун шаҳарчасидан 771 нафар эҳтиёжмандларнинг уй-жой қуришлари учун томорқа ажратиб берилди.

Янги бунёд этилаётган шаҳарчадан участка олганлар Хўжанд, Бобожон Ғафуров, Истиқлол (Табошар), Чкалов ва Қайроққум шаҳру ноҳиялари фуқароларидир.

Бу маъракада вилоят раиси Абдураҳмон Қодирий иштирок этиб, ушбу шаҳарчанинг бунёд этилиши Тожикистоннинг янги иқтисодий тараққиёт босқичига қадам қўйганидан гувоҳлик беришини таъкидлади.

Бу минтақага ичимлик ва суғориш суви келтирилган бўлиб,  одамлар турар-жой бинолари қуришлари учун барча шароитлар яратилган.

Сайҳун шаҳрида ўнта кўп қаватли уй қурилишига ҳам биринчи ғишт қўйилди.

Бу биноларнинг бир қисми келгуси йил Наврўз, қолгани эса, 2016 йили сентябр ойида, Мустақиллик байрамларигача қуриб битказилиши режалаштирилган.

Қурилиш ишларини «Стройкомплекс», «ПМК-115», «КММ-44», «Тиниал» масъулияти чекланган ҳиссадорлик жамиятлари ва бошқа қурилиш ташкилотлар олиб бормоқда.

БЎШ ИШ ЖОЙЛАРИ ЯРМАРКАСИ

Чкалов шаҳрида 1 май – Меҳнаткашларнинг бирдамлик кунига бағишлаб бўш иш ўринлари ярмаркаси ўтказилди.

Мазкур ярмарка давлат ҳокимияти шаҳар ижроия органи чора-тадбирлар режаси асосида меҳнат, муҳожирлик бўлими ва аҳолини иш билан таъминлаш агентлиги Чкалов бўлими томонидан ташкил этилди.

Ярмарка шаҳар марказидаги Садриддин Айний номли боғда ташкил этилиб, унда юзлаб шаҳар аҳолиси қатнашди.

Мазкур ярмаркани ўтказишдан мақсад, ишсизлар ва меҳнат муҳожирлигидан қайтганларни доимий иш билан таъминлаш бўлиб, шу куни Чкалов шаҳридаги 10 та ташкилоту корхона томонидан 104 та бўш иш жойлари ишсизларга тавсия этилди. Вакант жойлар маоши 250 сомонийдан 650 сомонийгачани ташкил қилади.

Ярмаркада Қайроққум шаҳри ва Б.Ғафуров ноҳияси меҳнат ва аҳолини иш билан таъминлаш агентликлари ҳамда Душанбе шаҳри касб ўргатиш маркази филиали вакиллари ҳам иштирок этиб, маҳаллий аҳолига бўш иш ўринлари ва касб ўрганишни тавсия этишди.

Ушбу ярмаркада меҳнат муҳожирлигидан қайтган 9 нафар ишсизга ишлаш учун йўлланма берилди. 10 нафар қиз касб ўрганиш курсига жўнатилди.

ИККИ ОЙДА ИККИ ЮЗ МИНГ МЕҲМОН

“Хўжанд қалъаси” маданий ҳордиқ чиқариш маскани очилгандан буён бу ерга 200 мингга яқин маҳаллий ва хорижий меҳмонлар ташриф буюришди.

Давлат ҳокимияти вилоят ижроия органи матбуот марказидан маълум қилинишича, фақатгина бир ойда мазкур мажмуа ва ўрта аср услубида бунёд этилган Камол Хўжандий уйига 300 нафар хорижлик меҳмон томошага келган. Меҳмонлар орасида Россия, Германия, Чехия, АҚШ, Хитой, Эрон ва Туркия давлатларидан келганлар кўпчиликни ташкил этади. Уларнинг аксарияти сайёҳлар, дипломатик корпус ишчилари, хорижий ташкилотларнинг вилоят миқёсида фаолият юритаётган вакилларидан иборат.

Эслатиб ўтамиз, “Хўжанд қалъаси” маданий ҳордиқ чиқариш маскани ва Камол Хўжандий уй-музейи жорий йил халқаро Наврўз байрами кунлари ишга туширилганди.  

 

ФОЙДАЛИ ҲАМКОРЛИКЛАР

Хитой Халқ Республикаси Коммунистик партияси марказий қўмитаси сиёсий бюроси аъзоси, партиянинг Синзян-Уйғур Мухтор ноҳиясининг раҳбари Чжан Чунсян Суғд вилоятига ташриф буюрди.

Чжан Чунсян Тожикистон шимолига қилган сафари давомида Суғд вилояти раиси Абдураҳмон Қодирий билан мулоқот ўтказди.

Қайроққум шаҳрининг Баҳористон мавзесида бўлиб ўтган мулоқотда Абдураҳмон Қодирий ва Чжан Чунсян бошчилигидаги тарафлар ҳайъати ижтимоий-иқтисодий, энергетика ва тоғ-кон саноати соҳаларида ҳамкорлик масалаларини муҳокама этишди.

Чжан Чунсян турли соҳалар ривожи йўлида Суғд вилоятининг тегишли органлари билан биргаликда лойиҳалар тайёрланиб, амалга оширилишига ишонч билдирди.

Тарафлар икки давлат: Тожикистону Хитой орасидаги икки томонлама ҳамкорликларнинг мустаҳкамланиб бориши икки давлат манфаатига хизмат қилишини таъкидлашди.

Муҳим учрашув

Тарихий “Арбоб” қасрида Тожикистон ва Ўзбекистон чегара қўшинлари Бош штаби бошлиқлари учрашуви бўлиб ўтди.

Тожикистон томонига Чегара қўшинлари қўмондони биринчи ўринбосари –Миллий хавфсизлик давлат комитети чегара қўшинлари Бош штаби бошлиғи полковник Х.Т. Сафаров ва Ўзбекистон чегарачилар расмий ҳайъатига Ўзбекистон Чегара қўшинлари қўмондони биринчи ўринбосари – Миллий хавфсизлик хизмати чегара қўшинлари Бош штаби бошлиғи генерал-майор Н.И. Усмонбеков бошчилик қилди.

Учрашувда ҳар икки давлат чегарасини қўриқлаётган чегара постлари бошлиқлари ҳам иштирок этди.

Мулоқотда Тожикистон ва Ўзбекистон орасидаги 1332,9 километр бўлган умумий чегаранинг ўтган йилда қўриқланган ҳолати муҳокама этилди. Шунингдек, чегараларни қўриқлаш сифатини яхшилаш, чегара ҳудудида жойлашган қишлоқлар аҳолиси орасида тушунтириш ишлари олиб бориш ва фавқулодда ҳолатлар юзага келганда қандай чоралар кўриш муҳимлиги масалалари кўриб чиқилди.

Шунингдек, чегараларни қўриқлаш бўйича имзоланган давлатлараро ҳужжатларнинг барча шартларига риоя этилиши ҳам таъкидлаб ўтилди.  

Мулоқот сўнгида тарафлар 2015 йилда фойдали ҳамкорликларни йўлга қўйиш тўғрисидаги шартномаларни имзолашди.

 

ТАЪМИР ДАВОМ ЭТМОҚДА

Суғд вилояти шаҳру ноҳияларида ўтган йили бошланган “Обод йўллар йили” амалиёти давом этмоқда.

Вилоят раҳбари Абдураҳмон Қодирий Бобожон Ғафуров ноҳиясининг Унжи жамоатида таъмир қилинаётган Мирсаид Умаров номли кўчада асфалтлаш ишларининг бориши билан яқиндан танишди.

Кўча бошида маҳаллий аҳоли билан суҳбат қилган вилоят раиси мазкур ободончилик ишлари мамлакат Президенти дастур ва топшириқлари  асосида амалга оширилаётганлигини таъкидлади. Шунингдек, жорий йилда ҳам вилоят бўйича “Обод йўллар йили” ҳаракати давом этишини айтиб, йил охиригача 3 минг 120 километр йўл таъмирланиши режалаштирилганлигини таъкидлади.

Унжи жамоати масъуллари берган маълумотларга кўра, мазкур кўчанинг узунлиги 1,2 километр бўлиб, у давлат ҳокимияти Суғд вилояти ижроия органи томонидан ажратилган маблағ эвазига таъмирланмоқда.

Ўз мухбир.

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

БАХТОВАРНИНГ ЖАСОРАТИ

 

Ёхуд  жонфидо  аскарнинг  эзгу  амали  ҳақида

Инсон қаҳрамон бўлиб туғилмайди. Йиллар давомидаги дуруст тарбия уни қаҳрамон қилиб вояга етказади. Юрагида Ватанга, халққа, инсонга меҳру муҳаббати кучлилар қаҳрамонона амалларни содир этишга қодир бўладилар…

Бахтовар Азимов мустақил Тожикистонимизнинг ор-номусли йигитларидан бири эди. У ўз ихтиёри билан жорий йилнинг баҳорги чақириғи пайтида ҳарбий комиссариатга келди.

Муфассал...

Кесарево жарроҳлиги

 

Ёхуд тиббиёт соҳасидаги баъзи нохуш кўринишлар хусусида

Азиз Ватанимиз мустақиллик йилларида ҳар томонлама гуллаб-яшнади. Турли соҳалар ривожу равнақ топди. Буни ҳеч ким инкор этолмайди. Бироқ баъзи соҳаларда ҳанузгача камроқ бўлса-да, негатив ҳолатлар кўзга ташланади. Айниқса, тиббиёт соҳасида бундай камчиликлар кўзга ташланса, бирам хунук кўринарканки…

Тинчлик ва миллий бирлик асосчиси – Миллат пешвоси, Тожикистон

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
553372

ӮҚУВЧИЛАР СОНИ

2482237
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1712
2131
15107
2448083
37015
71175
2482237

Сизнинг IPнгиз: 3.226.243.226
Бугун: 15-12-2019 13:38:24

ҲАМКОРЛАР

 

 

   

2015