Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 17 Апрел 2020 Кӯришлар: 1686
Печат

 

xatlon 2020Хатлон вилояти раиси Қурбон Ҳакимзоданинг яқинда давлат ҳокимияти вилоят ижроия органида бўлиб ўтган хавфли вируснинг пайдо бўлиши олдини олиш штабининг эпидемияга қарши чора-тадбирларни кучайтиришга бағишланган навбатдаги йиғилишидаги топшириғига биноан, турар жой-коммунал хўжалигининг сув сепиш машиналари ёрдамида вилоятнинг барча шаҳру ноҳиялари автомобил йўллари дезинфекция қилинмоқда.

Аллақачон, вилоят Санитария-эпидемиология давлат назорати маркази ҳамда Кўшониён ноҳияси Санитария-эпидемиология давлат назорати маркази ходимлари томонидан Кўшониён ноҳияси маркази, Исмоил Сомоний шаҳарча жамоати марказий йўлларида дезинфекция ишлари ўтказилди.

Йиғилишда берилган топшириққа кўра, автомобил йўлларини зарарсизлантириш ишлари бир ҳафтада икки мартадан ўтказилади.

 

Хавфли вирусга қарши эҳтиёт чоралари

Апрел ойининг биринчи ўн кунлигида Ёвон ноҳияси дезинфекцион гуруҳлари томонидан 1 минг 133та хўжалик, 100та таълим муассасаси, 176та масжид, ноҳия марказий бозори ва ноҳия ҳудудида жойлашган барча ташкилоту муассасаларда зарарсизлантириш тадбирлари ўтказилиб, хўжалик юритишнинг бошқа субъектларида бу иш давом эттирилмоқда.

Тожикистон Республикаси Соғлиқни сақлаш ва аҳолини ижтимоий ҳимоялаш вазирлигидан хабар беришларича, коронавирус хасталигининг кириб келиши ва тарқалишининг олдини олиш мақсадида, вилоят Хавфли вирус пайдо бўлиши олдини олиш штабининг топшириғига биноан, Ёвон ноҳиясида эпидемия тарқалиши олдини олиш чора-тадбирларини кучайтириш йўналишида зарурий чора-тадбирлар қўлланилмоқда. Қайд этиб ўтиш ўринлики, айни пайтда Ёвон ноҳияси соғлиқни сақлаш муассасалари ходимлари ҳисобидан 87та тарғибот-ташвиқот гуруҳлари ташкил этилиб, улар аҳоли ўртасида коронавирус хасталигининг олдини олиш ва шахсий гигиенага риоя қилиш юзасидан тушунтириш ишлари олиб боришмоқда.

 

Эртачи пиёз етишди

Вилоятнинг жанубий ноҳияларида эртачи пиёз ҳосили етилиб, яқин ўн кундирки, деҳқонлар уни жамғаришни бошлашди. Албатта, эртачи пиёзнинг бозорларга кириб келиши, бу маҳсулот нархининг пасайишига олиб келиши табиий.

Давлат ҳокимияти вилоят ижроия органидан хабар беришларича, Панж ва Жайҳун ноҳияларида ҳам яхши етилган эртачи пиёз ҳосили жамғарилмоқда. Айни пайтда, янги ҳосил вилоятнинг Бохтар ва Кўлоб сингари йирик марказларига жўнатилмоқда.

- Янги ҳосил бозорларда пиёз нархининг пасайишига хизмат қилмоқда, - дейди манба. – Жумладан, эртачи пиёзнинг бир килограмми 2,5 – 2,8 сомонийдан сотилмоқда.

 

Тиббий ниқоблар ишлаб чиқариш ҳажми

Вилоят раҳбарияти тўқимачилик корхона ва цехларини вақтинча тиббий ниқоб ишлаб чиқаришни йўлга қўйишга даъват этмоқда. Бу ҳақда вилоят раиси аппарати Ахборот-таҳлил бўлимидан хабар беришди. Мазкур тадбир аҳолини дастлабки тиббий воситалар билан таъминлашга қаратилган.

Айни пайтда вилоят Соғлиқни сақлаш ва аҳолини ижтимоий ҳимоялаш бошқармаси Бохтар шаҳридаги «Ресандаи Қўрғонтеппа» ва Данғара ноҳиясидаги «Фарм Текс» корхоналарига 2 миллион дона тиббий ниқоб тикиб беришга фармойиш берди.

Вилоятнинг соҳавий корхоналари март ойидан бошлаб, маҳаллий пахта маҳсулотидан тайёрланган докадан тиббий ниқоб ҳамда шахсий гигиена воситалари ишлаб чиқаришни бир неча марта оширган.

 

Юбилей иншоотлари

Тожикистон Республикаси давлат мустақиллигининг 30 йиллик юбилей шарафига Фархор ноҳиясида 330та иншоот қуриб, фойдаланишга топширилади.

Давлат ҳокимияти Фархор ноҳияси ижроия органидан хабар беришларича, тасдиқланган режага биноан, 2021 йилнинг сентябр ойигача барча молиялаштириш манбалари ҳисобидан 333та иншоот қурилади ёки қайта таъмирланади. Умуман, 2018 йилнинг январ ойидан 2020 йилнинг январ ойигача ноҳияда умумий юбилей иншоотларидан 228тасида қурилиш ишлари якунланди. Айни пайтда, 23та иншоот қурилиши қизғин давом эттирилмоқда.

 

Озод иқтисодий минтақанинг янги субъектлари

Жорий йил январ ойидан буён, «Данғара» озод иқтисодий минтақасида иккита янги субъект қайдга олинди. Бу ҳақда журналистларга «Данғара» озод иқтисодий минтақаси бошлиғи ўринбосари Сафарали Тайфуров хабар берди. Унинг айтишича, маҳаллий ва эронлик инвесторлар озод иқтисодий минтақада иккита янги суъектни қайддан ўтказдилар. Бу субъектлар қурилиш материаллари, консерва ишлаб чиқариш ва қишлоқ хўжалиги маҳсулотларини қадоқлаш билан шуғулланади.

Тожикистон-Эрон қўшма корхонаси консерва ишлаб чиқариш ва қишлоқ хўжалиги маҳсулотларини қадоқлаш билан шуғулланади ва бу лойиҳа учун 10 миллион сомоний маблағ ажратилган. Иккинчи субъектда маҳаллий тадбиркор қурилиш материаллари ишлаб чиқариш учун 5 миллион сомоний маблағ сарфлашни режалаштирган.

Сафарали Тайфуровнинг қайд қилишича, «Данғара» озод иқтисодий минтақасида 19та субъект қайдга олинган. Ўтган йили минтақа ҳудудида 10та саноат корхонаси фаолият юритиб, 40 миллион сомонийлик маҳсулот ишлаб чиқарган.

 

Ўз мухбир.

КАЛЕНДАР

« Март 2025 »
Дш Сш Чш Пш Жм Шб Яб
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

МАҚОЛАЛАР

ТУБИ ЙЎҚ ЖАРЛИККА БОРМА, ҚУЛАЙСАН…

 

Баҳриддин Алиқулов, Панжакент ноҳияси, нафақадаги ўқитувчи:

- Жамиятда пайдо бўлаётган ҳар бир номақбул амал, маданиятимизга ёт бўлган одатлар олдини олиш ҳар бир кишининг вазифаси бўлмоғи лозим. Бу борада эса, оммавий ахборот воситалари вакиллари-журналистларнинг мажбурияти бир мунча кўпроқ эканлиги яққол кўзга ташланади, менимча.

Муфассал...

Фелетонлар можароси

 

Ўзим билан мулоқот

- Шоди ака, гапни “шаф-шаф” демай, “шафтоли”дан бошлаб қўя қолсак, яъни “Совет Тожикистони” жамоасига қандай қўшилиб қолдингиз?

- 1965 йил. “Зарафшон” газетасининг ўзбек бўлимида қалам тебратиб юрган пайтларим. Март ойининг охирларида “Совет Тожикистони” газетаси ходими Жўра Каримов Душанбедан Панжакентга ташриф буюриб қолди. Таҳририятимизда бир пиёла чой устида анча суҳбатлашиб ўтирдик. Сўнгра Жўра ака “Зарафшон” тахламларининг ўзбекча саҳифасини бирма-бир кўздан кечира бошлади. Бу орада “Суд раисини ким

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2068080

ӮҚУВЧИЛАР СОНИ

8011012
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
432
3094
9362
7975265
58147
91363
8011012

Сизнинг IPнгиз: 18.97.14.85
Бугун: 20-03-2025 02:51:51

ҲАМКОРЛАР

 

 

   

2015