Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 28 Ноябр 2019 Кӯришлар: 2815
Печат

 

paxta 2019Шу кунларда пахтакор хўжаликларда мамлакатнинг стратегик хом ашёси – «оқ олтин»ни териб олиш якунига етмоқда. Хўжалик эгалари ва заҳматкаш деҳқонлар қуёшли ҳар бир кунни ғанимат билиб, оғир меҳнат эвазига етиштирилган ҳосилни ўз вақтида териб олиш учун астойдил меҳнат қилмоқдалар. Уларнинг бор эътибори ҳосилни талафотсиз йиғиштириб олишга қаратилган.

Яқинда Бобожон Ғафуров ноҳиясидаги илғор хўжаликлардан бири Абдураҳим Жумаев номли ҳиссадорлик жамиятига қарашли 17-ижарачи бригадада бўлиб, пахта теримининг бориши, умуман олганда, бригада фаолияти билан яқиндан танишдик.

Қишлоқ хўжалиги соҳасининг билимдони, миришкор деҳқон сифатида танилган Аҳмаджон Ҳабибов бошчилик қилаётган ушбу бригада ихтиёрида 131 гектар ер бор. Бригада бошлиғининг маълум қилишича, жорий йилда 110 гектар майдонга пахта, 1 гектарга пиёз, 2 гектарга картошка, 1 гектарга сабзи, 1 гектарга помидор, 10 гектарга шоли ва қолган майдонларга чорва озуқаси экилган. Ҳосили йиғиштириб олинган ерларга такрорий экин сифатида шолғом, турп ва бодринг уруғи қадалган.

Бригада аъзолари бу йил “Тенян-9” ва “Деҳқонбобо-1” маҳаллий чигит навини экишган. Пахтакорларнинг айтишларича, ушбу чигит навлари минтақа иқлимига мос ва ҳосилдорлиги юқори. Бригада бугунги кунгача 250 тоннадан ортиқ пахта топширган. Режанинг 75 фоиздан ортиғи бажарилган. Ҳали далада пахта кўп. Бригада аъзолари йиллик пахта топшириш режасини ортиғи билан бажриш ниятидалар.

Бу йил об-ҳавонинг инжиқ келганлиги жойларда экин-тикинга ўз таъсирини ўтказмай қолмади. Айниқса, деҳқонлар ғўза парваришида қийинчиликка дуч келдилар.

“Апрел-май ойлари нисбатан салқинроқ келгани учун ғўзанинг ривожланиши суст кечди. Июн ойига ўтиб, ҳаво ҳарорати бирдан кўтарилиб кетди. Бундай шароитда шона тўкилади, ғўза тез чанқайди, қисқаси, пахтанинг ривожланиши кўнгилдагидек бўлмайди. Бундай ҳолатда деҳқондан қўшимча чоралар кўриш, агротехник қоидаларга қатъий риоя қилиш талаб қилинади. Биз ҳам ғўза иссиқда нобуд бўлмаслиги учун кечаси сув қўйишни ташкил қилдик. Шу йўл билан ҳосилни асраб қолдик. Шунинг ҳисобидан бугун бригадамиз самарадорлик бўйича олдинда. Аллоҳга шукр, меҳнатларимиз зое кетмади”, - дейди омилкор бригадир Аҳмаджон Ҳабибов.

Ҳозирда мазкур бригадада 22 ҳиссадор ишламоқда. Шу кунларда ноҳия тиббиёт соҳаси ходимлари ҳашарга чиқиб, пахта теримида бригада аъзоларига кўмаклашмоқдалар. Теримчиларга пахтанинг ҳар бир килограмми учун 70-80 дирамдан ҳақ тўланяпти. Ҳашарчилар ва теримчилар учун дала шийпонида зарурий шароитлар яратиб берилган.  

- Ҳосилни талафотсиз йиғиштириб олсак, марра бизники. Қишнинг қировли кунларга қолмай ерни ҳайдасак, кўнглимиз хотиржам бўлади. Ер қанча кўп дам олса, шунча яхши. Бу ернинг унумдорлиги ошиши ва келаси йилги ҳосилдорлик кўнгилдагидек бўлишида муҳим ўрин тутади,- дейди бригада бошлиғи.

Суҳбатдошим сўнгги йилларда мамлакат қишлоқ хўжалиги соҳасида амалга оширилаётган ислоҳотлар деҳқон учун манфаатли бўлганини таъкидлар экан, ерга меҳр билан ишлаш зарурлигини айтади. Зеро, ер билан тиллашган инсон унинг саховатидан бенасиб қолмайди.

 

Нозимжон ЭРГАШЕВ,

Б.Ғафуров ноҳияси.

КАЛЕНДАР

« Ноябр 2026 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

МАҚОЛАЛАР

Шаҳарлик бўлиш масъулияти

 

Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам       Эмомали Раҳмоннинг мамлакатда ободончилик ва бунёдкорлик ишларини кенг йўлга қўйиш тўғрисидаги кўрсатмаларини ҳаётга татбиқ этилишида, Душанбе шаҳри маъмурияти рўёбга чиқараётган ишлар таҳсинга арзийди. Шаҳар раиси Рустами Эмомалининг Тожикистон Республикаси давлат мустақиллигининг 30 йиллигини муносиб кутиб

Муфассал...

Мулойимхунук

 

"Ҳақиқати Ленинобод" газетасида ишлаб юрган пайтларим. Усмонжон Тожибоев (жойлари жаннатдан бўлсин) газетанинг бош муҳаррири эдилар. Фақат тожикча эмас, ўзбекча ибораларни ҳам кўп билардилар ва усталик билан, айни жойида ишлатардилар. Масалан, гап уқмас, тебса-тебранмас ходимларнинг айтилган ишни вақтида бажармасликларидан авзойилари бузилганда: "Ўзбеклар яхши отга бир қамчи, дейишади, келинглар, ўртоқлар, яхши от бўлайлик", -

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2615167

ӮҚУВЧИЛАР СОНИ

10362770
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1037
4349
5386
10316547
98282
161581
10362770

Сизнинг IPнгиз: 216.73.216.149
Бугун: 17-11-2026 06:07:21

ҲАМКОРЛАР

 

 

   

2015