Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 27 Сентябр 2019 Кӯришлар: 503
Печат

 

paxta 2019Бохтар шаҳрининг «Қўрғон» тепалиги ёнидаги майдончада жорий йил пахта ҳосилини жамғариш бўйича биринчи 15 кунлик жамбаст қилинди. Бу ҳақда вилоят раиси аппарати ахборот-таҳлил бўлими хабар берди.

Вилоят раиси Қурбон Ҳакимзоданинг ташаббуси билан дала меҳнаткашларини қадрлаш ҳамда вилоят пахтакорларини ҳавасманд қилиш мақсадида, вилоят шаҳар ва ноҳиялари ўртасида меҳнат мусобақаси жорий

этилган бўлиб, у ҳар 15 кунда жамбаст қилинади.

Биринчи давр ғолиблигини Шаҳритуз, Бохтар ва Левакант пахтакорлари қўлга киритишди. Вилоят раиси тантанали вазиятда биринчиликни қўлга киритган Шаҳритуз ноҳияси раисига 15 минг, Бохтар шаҳри раисига иккинчи ўрин учун 10 минг ва Левакант шаҳри раисига учинчи ўрин учун 5 минг сомонийдан мукофот пули топширди.

Қурбон Ҳакимзоданинг маълум қилишича, вилоят пахтакорлари жорий ойнинг ўртасигача пахта тозалаш корхоналари ва қабул пунктларига 44 минг тоннадан ортиқ пахта топшириб, кўзланган режанинг 16,2 фоизини уддалашган.

- Пахта – миллий бойлигимиз, - деди Қ. Ҳакимзода ўз чиқишида, - етиштирилган ҳосилни охирги пағасигача териб олиш ҳар биримизнинг фуқаролик бурчимиз ҳисобланади. Зеро, вилоят саноат корхоналари мунтазам фаолият юритиши ҳамда бюджетни бойитишда бу омил катта таъсир кўрсатади.

Йиғилиш сўнгида Қурбон Ҳакимзода вилоят пахтакорларига ишонч билдириб, вилоятда «Пахтазорда зарбдор меҳнатнинг 60 куни» эълон қилишни таклиф қилди. «Пахтазорда зарбдор меҳнатнинг 60 куни» мусобақаси 16 ноябр – Президент айёмида жамбаст қилинади. Йиллик режани бажарган шаҳар ва ноҳиялар қишлоқ хўжалиги идораларига енгил машиналар совға қилинади.

 

Шаҳритуз ноҳияси ва Бохтар шаҳри пахтакорлари олдинги сафда

Шаҳритуз ноҳияси ва Бохтар шаҳри пахтакорлари «Пахтазорда зарбдор меҳнатнинг 60 куни» мусобақаси эълон қилинишидан руҳланиб, «оқ олтин» топшириш режасини 50 фоиздан оширдилар.

Хатлон вилояти Қишлоқ хўжалиги бошқармаси маълумотига кўра, жорий ой ўртасигача Шаҳритуз ноҳияси пахтакорлари пахта топшириш режасини 54,1 фоиз ва Бохтар шаҳри деҳқонлари 52,9 фоизга бажарганлар.

Жорий йил вилоятнинг 19та шаҳар ва ноҳияларидаги пахтакор хўжаликларда 275,2 тонна «оқ олтин» жамғаришни мақсад қилишган.

 

«Хатлон вилоятида сув захираларини бошқаришни яхшилаш» лойиҳаси

Австриянинг Вена шаҳрида Тожикистон Республикаси ва ОПЕК фонди ўртасида «Хатлон вилоятида сув захираларини бошқаришни яхшилаш» лойиҳасини татбиқ этиш юзасидан келишув имзоланиш маросими бўлиб ўтди.

Келишувни Тожикистон Республикаси Молия вазири Файзиддин Қаҳҳорзода ва ОПЕК фонди Бош директори Абдулҳамид Алхалифалар имзолашди.

«Хатлон вилоятида сув захираларини бошқаришни яхшилаш» лойиҳасининг умумий маблағи 53,5 миллион Америка долларини ташкил этади. Бу маблағнинг 15,0 миллион долларини – Ислом Тараққиёт Банки, 25 миллион долларини –Саудия Тараққиёт Фонди, 10,0 миллион долларини – ОПЕК Халқаро Тараққиёт фонди ва Тожикистон Республикаси Ҳукумати 3,5 миллион долларини ажратади.

Лойиҳани татбиқ этишдан мақсад иқлим ўзгаришига чидамли сув захираларини бошқаришни яхшилаш, деҳқон хўжаликлари даромадларини кўпайтириш ва сув таъминотини яхшилашдан иборатдир.

Мазкур лойиҳани татбиқ этиш 2019 йил бошланиб, 2025 йил якунланиши кўзда тутилган.

 

Саккиз ойда қўлга киритилган ютуқлар

Жорий йилнинг саккиз ойида Хатлон вилоятида солиқ топшириш режаси 101,1 фоиз бажарилиб, бюджетга 756,4 миллион сомоний маблағ киритилди. Бу кўзланган режадан 8,3 миллион сомонийга ортиқдир.

Бу ҳақда яқинда бўлиб ўтган жорий йил 8 ойида Хатлон вилоятининг иқтисодий ва ижтимоий тараққиёти якунларига бағишланган йиғилишда айтиб ўтилди. Йиғилиш вилоят раиси Қурбон Ҳакимзода бошчилигида бўлиб ўтди.

Берилган маълумотларга кўра, бу даврда вилоят шаҳар ва ноҳиялари бюджет соҳаси 1 миллиард 66 миллион сомоний маблағ билан таъминланган. Бу ҳисобдан 932,9 миллион сомоний ёки бюджет умумий маблағининг 87,5 фоизи ижтимоий соҳаларга йўналтирилган.

Вилоят раиси йиғилишда қишлоқ хўжалиги бошқармалари, молия ва солиқ идоралари раҳбарлари ҳамда Абдураҳмон Жомий, Қабодиён ноҳиялари раисларининг ҳисоботларини тинглаб, иш жараёнидаги кўрсаткичлар, ютуқлар, камчиликлар ҳақида маълумот олди. Вилоят раиси шаҳар ва ноҳия масъулларига пахтакор хўжаликларига имкон яратиб, қуёшли кунлардан фойдаланган ҳолда, етиштирилган ҳосилни талафотсиз жамғариб олиш ҳақида кўрсатма берди.

Шунингдек, Қурбон Ҳакимзода вилоят шаҳар ва ноҳиялари, ташкилот ва муассасалари раҳбарларига кўзга ташланаётган камчиликларни қисқа муддатда бартараф этиш тадбирларини йўлга қўйиш юзасидан аниқ топшириқлар берди.

 

Ўз мухбир.

КАЛЕНДАР

« Январ 2021 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

МАҚОЛАЛАР

Наврўз – мафтункор баҳорий байрам

 

Тожиклар маданияти қадим даврлардан бошлаб, табиат, коинот ва атроф-муҳит билан чамбарчас боғлиқ. Айниқса, тожик халқининг миллий байрамлари мавсумий характерга эга. Яъни йил фасллар ўзгаришини нишонлашнинг бир кўринишидир. Агар Меҳргон олтин куз келганидан дарак берса, Сада баҳор фаслига қайтишни ифодаласа, Наврўз нозанин баҳор келганини билдиради. Бошқача қилиб айтганда, орийларга хос бу ва бошқа байрамлар ҳеч қандай диний-мазҳабий асосга эга эмас, балки чинакам миллий ва табиий байрамлардир.

Муфассал...

Парвиз Шаҳчароғий: - Тожикистонда ҳам «тақия» қилишларига йўл қўйманг!

 

ёки нега улар наздида ҳижоб байроқ кабидир?

Таниқли журналист Бахтиёр Ҳамдамнинг маърифатли ва ҳур фикрли шахс, Канада фуқароси жаноб Парвиз Шаҳчароғий билан сиёсат ва дин, бузғунчилик илдизларининг пайдо бўлиши, мутаассибликнинг халқ онгидан жой олиши каби масалалар атрофида уюштирган суҳбатини сиз, азиз муштарийлар, эътиборига ҳавола қилмоқдамиз.

-Жаноб Парвиз Шаҳчароғий, Тожикистон Республикасига хуш келибсиз. Дастлаб Тожикистон ҳақидаги таассуротларингизни билмоқчиман. Эсимда, бундан ўн йил олдин

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
952727

ӮҚУВЧИЛАР СОНИ

3779801
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
71
3464
18664
3736726
75038
82130
3779801

Сизнинг IPнгиз: 3.239.233.139
Бугун: 23-01-2021 01:07:36

ҲАМКОРЛАР

 

 

   

2015