Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 06 Март 2019 Кӯришлар: 293
Печат

 

daraxt 2019Ҳасанбой Собиров Кушониён ноҳиясининг «Бўстонқалъа» жамоатида боғбон оиласида туғилган. У 1973 йили шу ердаги 49-ўрта умумтаълим муассасасини битирган. Ёшлигидан математика фанига алоҳида меҳр қўйганлиги боис, 1977 йили Носир Хусрав номидаги Бохтар шаҳри олийгоҳини битирган. Айни пайтда Бохтар шаҳар «Ориён» лицей мактабида ёшларга ихтисоси бўйича сабоқ бериб келмоқда.

- Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Тожикистон Республикаси Олий Мажлисига йўллаган Паёмида тадбиркорликни қўллаб-қувватлаш борасидаги фикрлари бизларни бефарқ қолдирмайди, - дейди томорқасидан унумли фойдаланаётган Ҳасанбой Собиров.

Яқинда бир қадрдон дўстим:

-Сиз ниҳолпарвар хўжалигига яқин жойда турасиз, - дея пайванд қилинган мевали дарахт кўчатларидан топиб беришимни сўраб қолди.

Тоғ тоғ билан учрашмайди, одам одам билан учрашади, деганларидек, дарахт ниҳолларини сўраб, Ҳасанбой муаллимнинг хонадонига кириб борибмиз.

-Ие, ие, келинглар меҳмонлар, бу дейман, чиллада чарақлаб кетган офтоб сизларники экан-да, - деди сотув учун кўчираётган дарахт ниҳолларига кетмонини суяганича, биз томон пешвоз чиқар экан.

Салом-аликдан сўнг:

-Мен сизни шунчаки малакали математика ўқитувчиси десам, сиз боғбонлик касбини ҳам мукаммал эгаллаганга ўхшайсиз?

-Ҳа ака, ниҳол етиштириш - биз учун ота касби. Шунчаки оила аъзоларим билан меҳр ва ҳавас-ла қилинган пайванд кўчатларимизни уйдан олиб кетишаверади, - деди муаллим камтаринлик билан.

-Пайвандлаш усуллари, мавсумий ва пайванд қилинган кўчатларни етилиш жараёнида қилинадиган тадбир ҳақида тўхталиб ўтсангиз…

-Бир дона кўчатни сотувга тайёрлаш учун уч йил меҳнат қилинади. Донакдан униб чиққан кўчатни бир йилдан кейингина пайванд қилиш мумкин. Аҳли оиламиз билан пайвандлашни эрта баҳор ва кузда бажарамиз. Кузда пайванд қилинган кўчатлар эрта баҳор киргандагина пайванддан юқориси кесиб ташланиб, сўнгра қатор ораларига ишлов берилади. Куртак пайванд усулининг муддати 15 августдан 15 сентябргача. Искана пайванд муддати 15 февралдан 5 мартгача…

-Мевали дарахтлар билан биргаликда, манзарали дарахт кўчатларини етиштиришдан мақсадингиз нима?

-Биласизми, айни пайтдаги, глобал муаммолардан бири атмосферада карбон газининг ошиб бораётганлиги биз фан ўқитувчиларини бефарқ қолдирмайди. Модомики шундай экан, табиатимиз тоза, ҳавомиз мусаффо бўлиши фарзандларимизнинг баркамол бўлиб етишига олиб келади.

Биз мустақил юрт боғбонлари табиатнинг тоза сақланиши, шаҳримизни янада кўркамлаштиришга ўз ҳиссамизни қўшсак, фойдадан холи бўлмайди.

Ўзим таҳсил олган олийгоҳнинг йўлакларига ва Бохтар-Душанбе магистрали «Уяли» массиви ҳамда «Ганжина» қишлоғи йўл бўйларига томорқамда етиштирган манзарали дарахтлардан савоб учун берганман.

Ўзингдан кейингиларга ибрат бўлай десанг, ўзингдан аввалгилардан ибрат ол, деганларидек, Ҳасанбой ҳам шу ерда яшаб ўтган миришкор боғбонлардан ибрат олган ҳолда, уларнинг руҳини шод қила бориб, ҳам билим даргоҳида, ҳам она-замин билан тиллашиб, ўз меҳнатидан мамнун яшайди.

Ушбу қўли гул боғбоннинг маҳоратига тан бермасдан сира илож йўқ. Зеро, бир дарахтнинг шохида турли хил меваларни етиштиришнинг ўзи боғбоннинг, нақадар, меҳрли ва истеъдодли миришкорлигидан дарак бериб турибди.

 

Давронбек Каримов,

Кушониён ноҳияси.

Суратда: Ҳасанбой ўзи етиштирган манзарали дарахтлар ёнида.

КАЛЕНДАР

« Март 2020 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

Эй Ўлмас, нолима, элга қолур сендан ғазал мерос…

 

Ўтар умрим, ҳаётимни ўзича пурсамар англаб

Ва нозимлик азобини қиёси йўқ ҳунар англаб.

 

Жавоҳир сўз топиб айтиш мудом олий мурод эрди,

Сочиб қўйганларим билмай қолибман тош гуҳар англаб.

Муфассал...

Иссиқхоналардан бозор расталарига

 

Шахсий томорқа хўжаликлари мамлакатимиз озиқ-овқат таъминотига муносиб ҳисса қўша олиши мумкинлигини маҳаллий тадбиркор Нормурод ака Гулматов яна бир бор исботлаб берди. Нормурод аканинг ҳикоя қилишича, Холиёр Қурбонов номли қишлоқ жамоатида жойлашган ер участкасидаги 0,05 гектарлик майдонда иссиқхона хўжалиги ташкил этган экан. Айни пайтда бу мўъжазгина усти берк иссиқхонада етиштирилган помидор тадбиркорнинг ўзи туғилиб ўсган

Муфассал...

СТАТИСТИКА

Сайтга кирганлар
1
Мақолалар
840
Мақолаларни кӯрганлар сони
661935

ӮҚУВЧИЛАР СОНИ

2767143
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1199
2540
1199
2745726
84150
63831
2767143

Сизнинг IPнгиз: 3.233.239.102
Бугун: 30-03-2020 12:22:23

ҲАМКОРЛАР

 

 

   

2015