Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 24 Май 2018 Кӯришлар: 473
Печат

 

hunar 2018Бохтар шаҳрида Тоғли Бадахшон мухтор вилояти ва Хатлон вилояти аҳолисининг халқ ҳунармандчилиги маҳсулотлари намойиши бўлиб ўтди.

Давлат ҳокимияти Хатлон вилояти ижроия органидан хабар беришларича, Тоғли Бадахшон мухтор вилоятининг Хатлон вилоятидаги Маданият кунлари доирасида ўтказилаётган ҳамда Сайёҳлик ва халқ ҳунармандчилигини

ривожлантириш йилига бағишланган мазкур тадбирда вилоятлар раислари - Давлатшоҳ Гулмаҳмадзода, Шодихон Жамшед, шунингдек, бошқа масъул шахслар қатнашди. Улар халқ ҳунармандчилиги намуналарига юксак баҳо беришди.

Сўнгги йилларда давлат ва Тожикистон Республикаси Ҳукумати катта эътибор қаратаётган сайёҳликни ривожлантириш йўналишида аниқ тадбирлар йўлга қўйилиб, улар ҳаётга самарали татбиқ этилаётганлиги қайд этиб ўтилди. Шунинг учун ҳам, бундай тадбирлар ўтказилиши мақсадга мувофиқ бўлиб, у ички сайёҳликни ривожлантиришга имконият яратиши таъкидланди.

Шуни ҳам қайд қилиб ўтиш ўринлики, Тоғли Бадахшон мухтор вилоятининг Хатлон вилоятидаги Маданият кунлари доирасида маданий-театрлаштирилган маҳфиллар, жумладан, «Оналар бирликнинг шоҳ йўлида» мавзусида Бадахшон ва Хатлон аёллари маҳфили, «Адиблар маҳфили», шунингдек, «Ёшлик оқшоми» каби қизиқарли адабий-бадиий тадбирлар ўтказилди.

Тоғли Бадахшон мухтор вилоятининг Хатлон вилоятидаги Маданият кунлари 10 майдан 14 майгача вилоят шаҳар ва ноҳияларида бўлиб ўтди.

 

Тадбиркорларнинг тажриба алмашуви

Хатлон ва Суғд вилояти қишлоқ хўжалиги маҳсулотлари ишлаб чиқарувчилари ўзаро бугунги кун ва келгусида Тожикистонда етиштирилган қишлоқ хўжалиги маҳсулотларини Европа бозорларига олиб чиқиш бўйича келишувга эришдилар.

Суғд вилояти қишлоқ хўжалиги маҳсулотлари экспертлари Хатлон вилояти деҳқонлари билан 9300 долларлик маблағга шартнома туздилар. Шунингдек, 220 минг долларлик шартнома келгуси ҳамкорликлар учун тузилди. Суғд вилояти тадбиркорларининг Хатлон вилоятига сафари USAIDнинг Марказий Осиёда рақобатбардошлик, савдо ва янги иш жойларини яратиш лойиҳаси доирасида амалга оширилди.

Хатлонга Суғд вилоятидан Тожикистон мева ва сабзавотларини хорижга эксперт қилиш билан шуғулланувчи 23 нафар тадбиркор келди.

Хатлон вилоятининг 60дан ортиқ хўжаликлари мева-сабзавотларни эксперт қилишда тажриба орттирган суғдлик харидорларга ўзларининг маҳсулотлари ва хизмат кўрсатиш турларини тақдим этишди.

Суғдлик тадбиркорлар хатлонликлардан пиёз, ўрик, хурмо, шафтоли ва гилос сотиб олишни режалаштирган.

- Томонлар, шунингдек, ўзаро келгусида ҳамкорлик қилиш учун 220 минг долларлик шартномалар тузишди. Бу мамлакатимиз шимоли ва жануби, бундан ташқари, бошқа мамлакатлар билан эксперт қилиш потенциалини ошириш учун йўлга қўйилди, - дейди USAID CTJ лойиҳасининг савдо муносабатларини енгиллаштириш бўйича мутахассиси Комрон Ражабиён.

Шуни ҳам қайд қилиш ўринлики, суғдлик тадбиркорлар бир ой илгари Латвия ва Литва мамлакатларида бўлишиб, харидорлар топишган, энди эса, улар Хатлонга келиб, маҳсулот сотувчиларни топиш пайидан бўлишмоқда.

Уларнинг айтишига кўра, Болтиқбўйи давлатларида Тожикистонда етиштирилган қишлоқ хўжалиги маҳсулотларига талабот катта бўлиб, биргина Суғд вилояти бу бозорни таъминлай олмайди.

- Ишончли ҳамкорлар пайдо бўлганлигидан хурсандмиз, - дейди «Меваи тиллои» МЧҲЖ вакили Хайрулло Ризоев. – Тез орада Хатлон вилоятида етиштирилган мева ва сабзавотлар ҳамда Суғднинг қуруқ мевалари хориж бозорларида Тожикистон бренди (тамғаси)га айланишига ишонамиз.

 

Келгусида ҳамкорликлар кенгаяди

Хатлон вилояти маъмурий маркази - Бохтар шаҳридаги Ато Муҳаммаджонов номли мусиқали драма театри залида Хатлон вилояти ва Ўзбекистон Республикасининг Сурхондарё вилояти тадбиркорларининг бизнес-форуми бўлиб ўтди. Форум доирасида Сурхондарё вилояти тадбиркорлари ишлаб чиқарган маҳсулотлар ярмаркаси ҳам ташкил этилди.

Тадбирда Хатлон вилояти раиси ўринбосари Ражабали Ражабов, Сурхондарё вилояти ҳокими биринчи ўринбосари Тўра Боболовлар қатнашиб, дўстлигу ҳамкорлик борасида ўз қарашлари ва мулоҳазаларини билдиришди.

Хатлон вилояти Савдо-саноат палатасининг бош директори Сайфиддин Сафарзода, Сурхондарё вилояти Савдо палатаси бошлиғи Ботир Мардиевлар икки дўст республика, айниқса, Хатлон ва Сурхондарё вилоятлари ўртасида савдо-сотиқ манфаатли ҳамкорликлар доирасида амалга оширилиб келинаётганлигини қайд этишиб, келгусида режалаштирилган ишлар юзасидан аниқ режаларини баён этишди.

Форум доирасида Хатлон ва Сурхондарё вилоятлари ўртасидаги ҳамкорлик алоқаларини янада кенгайтиришни кўзда тутган ҳужжатни Хатлон вилояти раиси ўринбосари Р. Ражабов ва Сурхондарё вилояти ҳокими биринчи ўринбосари Т. Боболов имзолашди.

 

«Энг яхши рассом» танлови

Халқаро болаларни ҳимоя қилиш кунига бағишлаб вилоят шаҳар ва ноҳияларида ўсмирлар ва болалар ўртасида турли тадбир ўтказилмоқда.

Давлат ҳокимияти Хатлон вилояти ижроия органидан хабар беришларича, болалар ва ўсмирларни соғлом турмуш тарзига жалб этиш, ўқувчилар орасида янги истеъдодларни аниқлаш мақсадида вилоят мактабгача таълим муассасалари ўртасида 24 майдан 31 майгача «Энг яхши рассом» «Моҳир қўллар» ва «Энг яхши ихтирокор» танловлари ўтказилади.

Ғолибларга вилоят раиси қарори билан пул мукофотлари ажратилган.

 

Ўз мухбир.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

"ГИННЕС КИТОБИ"ГА ДАЪВОГАР БОЛАКАЙ

 

Рўдакий ноҳияси Гулистон қишлоқ жамоатига қарашли Болошаҳр маҳалласида истиқомат қилувчи 166-ўрта умумтаълим муассасаси 1-синф ўқувчиси Эмомҳусейн Умаровнинг спортга қизиқиши, унинг 6 соату 20 дақиқада 11 минг марта спорт тили билан айтганда, "отжимание" қила олишлиги ҳақидаги хабар халқ орасида тарқала бошлагач, биз ҳам ушбу мавзуга қизиқдик.

Муфассал...

БУНИНГ БАРИ ОДИЛ ПОДШО ШАРОФАТИДАН

 

Йил охирлаб, янги – 2019 йил кириб келиш арафасида турар эканмиз, ўтаётган 2018 йил мундарижасига бирров назар ташлаб, унинг ўта хайрли ва баракотли ўтганига амин бўласан, киши.

Йил бошида Тинчлик ва миллий бирлик асосчиси – Миллат пешвоси муҳтарам Президентимиз томонидан жорий йилнинг Сайёҳлик ва халқ ҳунармандчилигини ривожлантириш йили, дея эълон қилиниши ва халқ

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
465773

ӮҚУВЧИЛАР СОНИ

2219127
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1178
1417
11113
2199519
26119
46701
2219127

Сизнинг IPнгиз: 18.232.124.77
Бугун: 18-08-2019 18:07:02

ҲАМКОРЛАР

 

 

   

2015