Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 30 Ноябр 2017 Кӯришлар: 622
Печат

 

dangaraФуқароларни қабул қилиш доирасида Хатлон вилояти раиси Давлатшоҳ Гулмаҳмадзода Кўлоб шаҳри аҳолиси билан учрашиб, мавжуд муаммолар ва уларнинг ечими юзасидан суҳбатлашди. Шаҳар аҳолиси вилоят раисига мактаблар қурилиши, чекка қишлоқларда тиб нуқталари барпо этиш, шунингдек, ичимлик суви билан таъминлаш масалалари юзасидан мурожаат қилишди.

Учрашув жараёнида, шунингдек, ўзаро манфаатли маълумотлар берилди.

Барча қўйилган саволларга аниқ жавоблар берилиб, масъул шахсларга вилоят раиси томонидан мавжуд муаммоларни ҳал этиш бўйича тегишли топшириқлар берилди.

Ўша куни вилоят раиси шаҳар фаоллари билан мулоқот уюштирди. Мулоқотда саноат корхоналари фаолияти кўриб чиқилди. Учрашувда кўтарилган энг асосий масалалардан бири аҳолини электроэнергия билан таъминлаш масаласи бўлди.

- Аҳоли томонидан истеъмол қилинган электроэнергия учун тўловларни ўз вақтида тўлашни йўлга қўйиш жуда муҳимдир, - деди Д. Гулмаҳмадзода. – Бунинг учун аҳоли ўртасида тушунтириш ишлари олиб бориш зарур.

 

Махфират Хидирзода фаол аёллар билан учрашди

Яқинда Бохтар ноҳиясида раҳбар-аёллар учун семинар ўтказилди. Унинг ишида Хатлон вилояти раиси ўринбосари Махфират Хидирзода ҳамда ноҳия хотин-қизлари вакиллари иштирок этишди.

Семинар ўтказишдан асосий мақсад ёш қизлар ва аёлларни фаоллаштириш бўлиб, уларнинг жамият ҳаётида иштирокини таъминлашдан иборат эди. Тадбир жараёнида, шунингдек, ижтимоий ва иқтисодий фаолликни ошириш, аёллар ўртасида ҳуқуқий ва ахборот билимларини шакллантириш масалалари ҳам муҳокама этилди.

Ўз чиқишида Махфират Хидирзода Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон бошчилигида аёлларнинг жамиятдаги мақомини оширишга катта эътибор қаратиб келаётганлигини таъкидлаб ўтди.

- Бугун аёлларимиз давлат муассасаларида раҳбарлик вазифаларини муваффақият билан бажариш билан бирга, корхоналар, деҳқон хўжаликларини бошқариб келишмоқда, - деди вилоят раиси ўринбосари.

Унинг сўзларига кўра, мустақиллик йилларида жамиятда аёлларнинг ролини ошириш йўлида катта имкониятлар яратилди, шунингдек, аёллар ва қизларни иш билан таъминлашда ҳам яхши шароитлар яратилган. Жумладан, аёллар фаоллигини ошириш мақсадида тренинг ва семинарлар ўтказилиб келинмоқда, тадбиркор кенгашлари тузилмоқда.

Тадбир сўнгида Махфират Хидирзода аёлларни жамият ҳаётида янада фаол қатнашишга даъват қилди.

 

Коррупцияга қарши тадбирлар кучайтирилса…

Қўрғонтепа шаҳрида давлат ҳокимияти Хатлон вилояти ижроия органи қошидаги коррупцияга қарши кураш комиссиясининг навбатдаги йиғилиши бўлиб ўтди.

Йиғилишда Давлат молиявий назорати ва коррупцияга қарши кураш агентлиги Хатлон вилояти бошқармаси вакиллари, давлат ҳокимияти шаҳар ва ноҳиялар ижроия органлари қошларидаги коррупцияга қарши кураш комиссиялари раҳбарлари ва бошқа масъул шахслар иштирок этишди.

Тадбир жараёнида коррупцияга қарши кураш жамоатчилик комиссияларининг фаолияти, 2013-2020 йиллар учун коррупцияга қарши кураш стратегияси талабларининг бажарилиши кўриб чиқилди.

- Коррупция давлат ва жамият равнақи жараёнига тўсқинлик қилади, шунингдек, уларнинг халқаро миқёсдаги обрўсига путур етказади, - дея таъкидланди йиғилишда. – Бугун Тожикистонда жамиятнинг ушбу иллатига қарши кураш учун барча ҳуқуқий ва ташкилотчилик асослари яратилган.

Тадбирда коррупцияга қарши курашда бошқа воситалар қаторида жамоатчилик комиссияларининг фаолиятини жонлантириш зарурлиги қайд этиб ўтилди.

 

Кадрлар масаласи бўйича  семинар

Бохтар ноҳиясида давлат муассасаларининг аёллардан иборат раҳбар ва ходимлари учун семинар бўлиб ўтди. Тадбир ташаббускорлари давлат ҳокимияти Хатлон вилояти ижроия органи кадрлар бўлими ва Тожикистон Республикаси Президенти қошидаги давлат хизмати агентлиги Хатлон вилояти бошқармалари эди.

Давлат ҳокимияти Хатлон вилояти ижроия органи кадрлар бўлими бошлиғи Маҳмадсабур Солеҳовнинг хабар беришича, семинар ўтказишдан мақсад кадрлар тайёрлаш бўйича қабул қилинган ҳужжатларни муҳокама этишдан иборат эди.

- Кадрлар билан ишлашни йўлга қўйиш ва қабул қилинган ҳужжатларни ҳаётга татбиқ этиш, давлат тизими турли соҳалари раҳбарлари маҳорат ва билимини ошириш масалалари семинарнинг асосий мавзусига айланди, - деди манба.

 

Ўз мухбир.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Паём янги ютуқларга руҳлантираяпти

 

Бобожон Ғафуров ноҳияси меҳнаткашлари янги – 2018 йилни янгича ғайрат билан бошладилар. Ноҳия раиси  Назирий Зариф Вализоданинг айтишича, Тинчлик ва миллий бирлик асосчиси – Миллат пешвоси, Тожикистон Президенти муҳтарам Эмомали Раҳмоннинг навбатдаги Паёми ноҳия меҳнаткашларини халқ хўжалигининг барча соҳаларида ўтган йилгига қараганда, самаралироқ ишлашга ва янги марраларни эгаллашга руҳлантирган.

Муфассал...

Ота – бошпана, она – парвона

 

Мен бу воқеани йўлда эшитдим. Машина бир маромда тебраниб борарди. Соат саккиздан ўтибди-ю ҳали ҳам атроф қоронғи. Йўловчилар бўйинларини ичига тортиб, жунжикиб ўтиришибди. Кўплари ўзларини ухлаганга солишган. Фақат орқадаги икки йигит гаплашиб кетяпти. Автобус Навобод довонига  чиқиб олгач, атроф ёришди. Ёнимда ўтирган чолнинг юзини яхши кўра бошладим. Иккаламиз ҳам бараварига бир-биримизга қарадик.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
511552

ӮҚУВЧИЛАР СОНИ

2353926
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1098
3162
1098
2334650
47763
62133
2353926

Сизнинг IPнгиз: 35.175.191.168
Бугун: 21-10-2019 12:19:23

ҲАМКОРЛАР

 

 

   

2015