Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 07 Сентябр 2017 Кӯришлар: 557
Печат

 

inshoot 2017Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон топшириқларига биноан, яқинда мамлакат Бош вазири Қоҳир Расулзода Хатлон вилоятининг Темурмалик ва Восе ноҳияларида бир қатор иншоотларнинг фойдаланишга топширилиш маросимида иштирок этиб, бошқа бир қатор иншоотлардаги қурилиш ишлари билан танишди.

Темурмалик ноҳиясида мамлакат Бош вазири ва Ҳукумат ҳайъати иштирокида Ҳакимшо Ҳафизов номли Давлат гимназияси ётоқхонаси, спорт комплекси, Маданият қасри, «Нигорамоҳ» санаторийси, Тожикистон Республикаси Миллий хавфсизлик давлат комитети Темурмалик ноҳияси бўлими бинолари фойдаланишга топширилди. Лаёқатли болалар учун 1-гимназиянинг икки қаватли ётоқхонаси 150 нафар ўқувчи таълим олишига мўлжалланган бўлиб, Тожикистон Республикаси Президенти Ижроия аппарати қошидаги Ҳукумат иншоотларини қуриш бўйича дирекцияси томонидан 5,2 миллион сомоний маблағ эвазига бунёд этилди. Спорт комплекси икки қаватдан иборат бўлиб, 300 ўриндиқли кенг залга эга. Бинонинг иккинчи қаватида барча шароитлар муҳайё  бўлган машқхоналар мавжуд.

Бугунгача Темурмалик ноҳияси маданият аҳли замонавий бино ва мусиқа асбоблари йўқлигидан танқислик чекишарди. Истиқлолият байрами арафасида ноҳия аҳли учун 400 нафар томошабин сиғадиган залга эга икки қаватли Маданият қасри фойдаланишга топширилди. Шунингдек, ноҳия санъаткорларига турли мусиқий асбоблар тақдим этилди.

Бундан ташқари, Темурмалик ноҳиясида иккинчи табобат-дам олиш санаторийси фойдаланишга топширилди. «Нигорамоҳ» санаторийси маҳаллий тадбиркор Имомали Мақсудов томонидан бунёд этилиб, унда тиббий хизмат кўрсатиш замон талабларига мувофиқ йўлга қўйилган. Бино икки қават бўлиб, бир муддатда 80 кишини қабул қилиш имкониятга эга. Мазкур санаторийда асаб, бўғим, умуртқа поғонаси ва ички касалликлар 25 нафар маълумотли мутахассислар томонидан табобат қилинади.

Тожикистон Республикаси Миллий хавфсизлик давлат комитети Темурмалик ноҳияси бўлими биноси фойдаланишга топширилиши билан бирга, комитетнинг уч нафар ходимига икки хонали истиқомат уйлари калитлари ҳам топширилди. Тожикистон Республикаси Миллий хавфсизлик давлат комитетининг Темурмалик ноҳияси бўлими биноси икки қаватли бўлиб, унда ишлаш учун барча шароитлар муҳайё этилган.

Шунингдек, мамлакат Бош вазири Қоҳир Расулзода Восе ноҳияси, «ЯБ» кооперативининг «Ҳожи Жаббор» деҳқон хўжалигида йўлга қўйилган қишлоқ хўжалиги ишлари билан яқиндан танишди. «ЯБ» кооперативи деҳқонлари жорий йил 70 гектар майдонга чигит экишганди. Айни пайтда хўжалик далаларида етиштирилган ҳосил кўзни қувонтиради.

Восе ноҳияси маркази ва чекка қишлоқларида мамлакат Бош вазири иштирокида беморхона, 58, 65 ва 61-ўрта умумтаълим муассасалари бинолари фойдаланишга топширилди. 58-ўрта умумтаълим муассасасининг янги биноси икки сменада 400 нафар ўқувчи таълим олиши учун давлат бюджетининг 1 миллион 800 минг сомоний маблағи эвазига қурилган. 65-ўрта умумтаълим муассасаси биноси маҳаллий тадбиркор Назар Қосимов томонидан бунёд этилган бўлиб, икки қаватдан иборатдир. Билим масканида таълим-тарбия олиш учун барча шароитлар бор. 61-ўрта умумтаълим муассасаси янги биноси билан танишиш жараёнида мамлакат Бош вазири ва Ҳукумат ҳайъати қурилиш сифатига юксак баҳо беришди. Мазкур муассаса лойиҳа режасига биноан, 560 нафар ўқувчи таълим олиши учун мўлжалланган бўлиб, 25 синфхонадан иборат. Бу ерда физика, химия, биология, лингафон, ҳарбий тайёргарлик, компютер, меҳнат таълими кабинетлари  замонавий тарзда жиҳозлантирилган.

Қоҳир Расулзода Восе ноҳиясида қурилиши давом этаётган йирик спорт иншоотидаги ишлар билан ҳам танишди. Асосан, қурилиш ишлари сифатига жиддий эътибор берилди. Ноҳия спорт иншооти 20 минг томошабинга мўлжалланган бўлиб, давлат бюджети ҳисобидан бунёд этилмоқда.

Темурмалик ва Восе ноҳияларидаги таълим муассасалари, беморхона ва бошқа хизмат кўрсатиш марказлари бунёд этилиши таълим ва тарбия ҳамда тиббий хизмат кўрсатиш сифатини оширишга қаратилган бўлиб, Миллат пешвоси муҳтарам Эмомали Раҳмоннинг Тожикистон Республикаси давлат истиқлолиятининг 26 йиллиги арафасида аҳолига муносиб совғаси ҳисобланади.

 

Президент ҳидояти билан…

 

Яқинда Хатлон вилояти ресторанларидан бирида бохтарлик Маржона Худойдодова ва Саидшо Асроровларнинг никоҳ тўйлари бўлиб ўтди. Тиб ҳамшираси ва ўқитувчи ўз бахтларини мамлакат Президентининг ҳидояти билан топишди.

Давлат бошлиғи муҳтарам Эмомали Раҳмоннинг Хатлон вилоятига иш сафари доирасида аҳоли билан учрашувларидан бирига 23 ёшли Саидшо ҳам келганди. У Президент билан мулоқот пайтида микрофон ёнига келиб, Давлат бошлиғига ўсиб келаётган ёш авлодни қўллаб-қувватлаётганлиги учун миннатдорчилик изҳор этди. Президент Саидшонинг уйланган-уйланмаганлиги билан қизиқди.

Йигит севган қизи борлигини тан олди. У қизни фақат бир марта кўрганлигини ҳам таъкидлади. Эмомали Раҳмон маҳаллий ҳокимият масъулларига ёшларнинг тўйини ўтказиш топшириғини берди.

Саидшо камтаъминланган оиладан бўлганлиги учун келинга совғалар ноҳия маъмурияти ҳисобидан сотиб олинди. Тантана ва тўй маросими харажатларини ҳам ноҳия маъмурияти кўтарди.

Қувонарлиси шунда эдики, тўй «Тожикистон Республикасида анъаналар, тантаналар ва урф-одатларни тартибга солиш тўғрисида»ги қонун талаблари асосида ихчам ва тежамкорлик билан ўтказилди. Келин тантана пайтида миллий либос кийганди.

Тўйда Тожикистон Республикаси Ҳукумати қошидаги Ёшлар ва спорт комитети раиси Аҳтам Абдуллозода ҳамда Бохтар ноҳияси раиси Жаббор Ғаффорлар иштирок этишди.

 

Ўз мухбир.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

СУВДАН САМАРАЛИ ФОЙДАЛАНИШ – УСТУВОР ТАРАҚҚИЁТ АСОСИ

 

2018-2028 йиллар – «Сув устувор тараққиёт учун» амалиёт ўн йиллиги

Тожикистон Республикаси Президенти муҳтарам Эмомали Раҳмон ташаббуси билан тавсия этилгач, Бирлашган Миллатлар Ташкилоти Бош ассамблеяси томонидан қабул қилинган  2018-2028 йиллар-«Сув устувор тараққиёт учун» халқаро амалиёт ўн йиллиги резолюцияси яна бир марта жаҳон ҳамжамияти диққатини  умумбашарий масалалар, жумладан озон қатлами емирилиши ва сайёра иқлимининг ўзгариши, дунё аҳолисини тоза ичимлик суви

Муфассал...

Яхши дам – ўқишда ҳамдам

 

Ўқувчиларнинг ёзги таътилларини қизиқарли ва мазмунли ўтказиш Тожикистон Республикаси Ҳукумати олиб бораётган ижтимоий сиёсатнинг асосий йўналишларидан ҳисобланади.

Шу боис ҳам, Тожикистон Республикаси Ҳукуматининг 2019 йил 1 мартда қабул қилинган 103-қарори талабаларнинг ёзги дам олиш мавсумини самарали ташкил этишга қаратилган.

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
465734

ӮҚУВЧИЛАР СОНИ

2218913
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
964
1417
10899
2199519
25905
46701
2218913

Сизнинг IPнгиз: 18.206.15.215
Бугун: 18-08-2019 15:52:04

ҲАМКОРЛАР

 

 

   

2015