Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 07 Сентябр 2017 Кӯришлар: 513
Печат

 

mahsulot 2017Йилнинг ўтган ойлари давомида вилоятда 37та янги саноат корхонаси маҳсулот ишлаб чиқара бошлади. Асосан, қурилиш ашёлари, озиқ-овқат ва енгил саноат маҳсулотлари тайёрланаётган бу янги ишхоналарнинг очилиши 370 нафардан ортиқ кишини доимий иш билан таъминлаш имконини яратди.

Ўтган етти ойда 2016 йилнинг айни шу даври билан солиштирганда, вилоятда саноат маҳсулотлари ишлаб чиқариш ҳажми бир ярим бараварга

кўпайди. Бошқача айтганда, бу борадаги умумий кўрсаткич 5,1 миллиард сомонийдан ошиб кетди. Ҳозирда мамлакатда тайёрланаётган саноат маҳсулотларининг ярмидан кўпроғи вилоят ҳиссасига тўғри келмоқда.

Вилоятда ишлаб чиқарилаётган сифатли цемент Ўзбекистон, Қозоғистон ва Қирғизистонга юборилмоқда.

Ўтган етти ойда вилоятда деярли 365 минг тонна цемент ишлаб чиқарилди. Бу ўтган йилнинг худди шу даврига қараганда 100 минг тоннадан кўпроқдир.

 

Аҳоли ва транспорт  учун қулайлик

Ашт ноҳиясидаги ички йўллардан 10 километрига тўлиқ мум ётқизилди. Шу мақсадда республика Ҳукумати томонидан 9 миллион сомоний ажратилган бўлиб, умуман, 20 километр йўлни асфалтлаш режалаштирилган. Ашт-Хўжанд йўлини таъмирлаш учун эса, вилоят ҳукумати томонидан маблағ ажратилган.

Ашт ноҳияси раиси Зариф Мирдадонинг айтишича, қишлоқ йўлларини жорий таъмирлаш ишлари ҳам давом этмоқда. Ноҳиядаги 9та қишлоқ жамоатида 1 километрдан 3 километргача йўлга мум ётқизиш режалаштирилган. Аҳоли ва нақлиёт қатнови учун қулайлик яратадиган бу муҳим иш учун республика Ҳукумати билан биргаликда маҳаллий саховатли тадбиркорлар ҳам маблағ ажратишмоқда. Ҳозиргача Понғоз қишлоқ жамоатида 3 километр йўл асфалтланди. Ноҳия маркази – Шайдон шаҳарчасида уч ярим километр узунликдаги йўлни таъмирлаш ва мум ётқизиш бошланди.

 

Мақсад – вақтида суғориш

Жорий йилда Конибодомга Ўзбекистон Фарғона каналидан оқиб келадиган сув ўтган йилнинг худди шу етти ойига қараганда, 8,8 миллион куб метрга кўпайиб, 32,3 миллион куб метрга етган. Қирғизистондан оқиб келадиган Исфара дарёсининг суви эса, 57,5 миллион куб метрга етган. Олдинги йилнинг етти ойига қиёсланганда, бу кўрсаткич 11 миллион куб метрга кўпайган.

Айни бир пайтда ноҳия ҳудудидаги сув тортиш насослари иши ҳам яхшиланган. Жумладан, «Маҳрам-1», «Нур» ва «Соҳилий» насослари экинзорларга ўз вақтида сув етказиб бермоқда.

Узоқ йиллар давомида Фарғона канали қисман тозалаб келинарди. Жорий йилда сув иншооти тўлиқ тозаланди. Бу борадаги ишлар 720 фоиз ижро этилди. Агар 20та гидротехник иншоотни таъмирлаш режалаштирилган бўлса, бу борадаги кўрсаткич 48тага етди. Бошқача айтганда, гидротехник иншоотларни таъмирлаш режаси 240 фоизга бажарилди.

                                 

Янги билим даргоҳи  эшик очди

Янги ўқув йили арафасида Шаҳристон ноҳиясидаги Истиқлол қишлоғидаги 16-ўрта умумтаълим муассасасининг янги қурилган биноси фойдаланишга топширилди. Унинг очилиш маросимида вилоят раиси Абдураҳмон Қодирий қатнашди ва ўқувчиларни чуқур билим олишга, Ватаннинг муносиб фарзандлари бўлишга ундади. 

Янги бино саккизта синфхона ва ўқитувчилар учун иш кабинетларидан иборатдир. У давлат ҳокимияти Шаҳристон ноҳияси ижроия органи томонидан қўллаб-қувватланган ҳолда, маҳаллий тадбиркорлар иштирокида ҳашар тарзида бунёд этилди. Бунгача мактабга қатнайдиган 120 нафар ўқувчи авария ҳолатида бўлган бинода ўқирди. Янги бино 200 нафар ўқувчи ўрнига мўлжалланган.

Вилоят раиси Истиқлолдаги таълим муассасасига тўртта компютер ва принтер совға қилди.

 

Тоғли Бадахшонликлар Сир соҳилида

Суғд вилоятида Тоғли Бадахшон мухтор вилоятининг маданият ва санъат ҳафталиги бўлиб ўтди. 21 август куни мезбонлар бадахшонлик меҳмонларни Айний ноҳиясида кутиб олишди. Мезбонлар, дастлаб, таниқли тожик шоири Нақибхон Туғрали Аҳрорий мақбарасини зиёрат этишди.

Меҳмонлар Айний ноҳияси Маданият қасрида бўлиб ўтган кутиб олиш маросимида қатнашишди. Суғд вилояти раиси биринчи ўринбосари Рустам Раҳматзода ҳафталик қатнашчиларини қизғин қутлади.

«Жаҳон томи»дан келган 850 нафардан ортиқ иштирокчилар гуруҳларга бўлиниб, Хўжанд, Панжакент, Истаравшан шаҳарлари ва Жаббор Расулов ноҳиясига йўл олишди. Бадахшонлик меҳмонлар Хўжандда, жумладан, «Суғд» эркин иқтисодий минтақаси, Бобожон Ғафуров номли Хўжанд Давлат дорилфунуни, «Қалъаи Хўжанд» тарихий-маданий мажмуаси билан танишдилар. Мазкур мажмуада Тоғли Бадахшоннинг қишлоқ хўжалик ва саноат маҳсулотлари, кийим-кечаклари, мусиқа асбоблари, миллий таомлари кўргазмаси очилди.

Бадахшонлик меҳмонлар буюк шоир ва мутафаккир Хожа Камол Хўжандий  уй-музейини зиёрат этишди.

Тоғли Бадахшон мухтор вилояти раиси Шодихон Жамшед раҳбарлигидаги меҳмонлар Шоҳ Исмоил Сомоний ҳайкали пойига ҳам гулдасталар қўйишди. Бадахшонликлар Хўжанддаги «Истиқлол» тарихий-маданий мажмуаси ўзларида катта таассурот қолдирганини таъкидлашди.

«Жаҳон томи» вакиллари Хўжанддаги Абу Абдуллоҳ Рўдакий номли маданият қасрида очилган Суғд вилояти халқ ҳунармандлари тайёрлаган маҳсулотлар савдо-кўргазмасини томоша қилар эканлар, сифатли маҳсулотларнинг Тоғли Бадахшон мухтор вилояти аҳолиси учун 20 фоиз арзон нархда таклиф этилаётганидан мамнун бўлишди.

Помирлик қадрли меҳмонлар Панжакент шаҳар Маданият қасрида театрлаштирилган томоша кўрсатишди. Истаравшанга ташриф буюрган меҳмонлар ёшлар ва адиблар ижодий кечаларида қатнашдилар. Шаҳарнинг диққатга сазовор жойлари, жумладан, Ҳазрати Шоҳ мажмуаси, Сабристон тарихий ёдгорлиги, тарих-ўлкашунослик музейида бўлишди.

Жаббор Расулов ноҳиясига ташриф буюрган  Рўшон, Ванж ва Мурғоб ноҳиясидан келган меҳмонлар «Гулистон» маданият қасрида театрлаштирилган томоша намойиш этишди.

Ҳафталик давомида «Ёшлар кечаси» ўтказилди. Унда ҳар икки вилоятнинг йигит-қизлари қатнашишди.

 

Ўз мухбир.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Соғлом авлод тақдири қизиқ эмасми?

 

Ёхуд жойлардаги спорт иншоотлари ва уларнинг фаолияти хусусида

Тожикистон Республикаси Ҳукумати, хусусан, унинг Раиси муҳтарам Эмомали Раҳмон томонидан олиб борилаётган одилона ижтимоий сиёсатнинг асосий йўналишларидан бири ёшлар сиёсати бўлиб, унинг моҳияти миллат келажаги бўлган ёшларни жисмонан етук қилиб тарбиялашдир.

Шу боисдан ҳам, мамлакат Ҳукумати ёшлар ўртасида спортни

Муфассал...

ЭНЕРГЕТИК МУСТАҚИЛЛИК САРИ ШАХДАМ ҚАДАМ…

Ёхуд «Барқи Тожик» ОҲКнинг бу йил кузги-қишги мавсумда электр энергиясига чеклов қўйилмаслиги борасида мамлакат фуқароларига йўллаган мурожаатномасидан кейинги ўйлар…

Азиз Ватанимиз мустақилликка эришгандан сўнг, кундан-кунга ривожланиб, гуллаб-яшнамоқда. Айниқса, уни ривожланган мамлакатлар қаторига қўшиш, аҳоли турмуш даражасини яхшилаш ва фаровонлигини таъминлаш йўлида учта стратегик мақсад белгилаб қўйилди: энергетик мустақилликка эришиш, озиқ-овқат хавфсизлигини таъминлаш ва коммуникацион боши берк кўчадан чиқиш.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
509303

ӮҚУВЧИЛАР СОНИ

2347964
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
460
3401
13314
2320138
41801
62133
2347964

Сизнинг IPнгиз: 3.209.80.87
Бугун: 19-10-2019 04:51:02

ҲАМКОРЛАР

 

 

   

2015